بالصور وبادق التفاصيل عمل سات فيندر محلي يعمل بالكهرباء وبالبطاريه

[$waseem$]

السلام عليكم ورحمه الله تعالي وبركاته
اهداء الي كل احبتي في قسم التركيبات اداريين واعضاء وعلي راسهم
استاذنا/ الفاضل الحاج شريف والاستاذ / الخلوق ابراهيم جمعه والاستاذ/ طارق السقا والاخوه الافاضل المرشحون للاشراف اعانهم الله
موضوعنا اليوم ليس بالجديد فقد نوه عن فكرته الاخ مسعد مشكورا في احد المداخلات بدون تفصيل او صورتوضيحيه
والموضوع يتلخص في عمل جهاذ مبسط شبيه بطريقه عمل السات فيندر لضبط اطباق الستلايت بدون مصدر كهربائي 220 فولت وباستخدام الكهرباء ايضا
ندخل في الموضوع والصور حتشرح كل حاجه
الادوات المطلوبه
تليفزيون محمول 9.5 بوصه ( مرفق صوره له)
رسيفر اتش دي مني ( مرفق صوره له)
بطاريه لاب توب 12 فولت ( مرفق صوره لها)
مكواه لحام
صباع شمع
افوميتر
شكرتون -شريط لحام-
اديبتور 12 فولت 2 امبير لشحن البطاريه
عدد 2 وصله اديبتور انثي لعمل كابل ثلاثي لتوصيل الشاشه والرسيفر(مرفق صوره لها)
يوجد مع الشاشه وصله شاحن سياره نقص الجاك الانثي ب15سم من السلك لتكمله الوصله الثلاثيه
واحد وصله ذكر لتوصل الكهرباء للرسيفر من الحصول عليها من اي سويتش او راوتر قديم وتباع في المحلات ( مرفق صوره لها)
انا كنت افضل انه يباه فديو بس النت عندي ضعيف ومليش في رفع الفديوهات دي
اتركم مع الصور والشرح عليها واي استفسار انا تحت امركم

كرتونه الشاشه الصوره الأعلى
االرسيفر المني قبل الفك ( اي رسيفر مني الاوبشن بتاعه يعجبكم ويفضل يكون hd الصوره الأسفل
https://www.masrawysat.com/vb/attachment.php?attachmentid=1112774&stc=1&d=1633196712
http://d.top4top.net/p_1760r8e1.jpg

hd

http://e.top4top.net/p_176ynly2.jpg
الرسيفر المني بعد فكه من علبته الصوره الأعلى
والشاشه بعد فكها الي نصفين/ نفك جميع البراغي حلوه البراغي دي patch_rir-- (المسامير) 9 مسامير مع ملاحظه ان فيه مسمار بيباه تحت استيكر صغير مدور في اعلي منتصف الشاشه
https://www.masrawysat.com/vb/attachment.php?attachmentid=1112783&stc=1&d=1633197150

ويلاحظ وجود كابل يربط الشاشه بالبورده في الغطاء الخلفي بشاشه العرض بعد فك الكابل بحرص ومعرفه اتجاهه بوضع علامه عليه وعلي السوكت بتاعه

http://c.top4top.net/p_1765p7s5.jpg
الشاشه من الخلف بعد عمل ثقوب للاسلاك والوصلات بمكواه اللحام وتوجد فتحه عريضه شويه كنت عاملها لسلك الاتش دي ولم تصلح لسمك جاك السلك لا داعي لها

http://d.top4top.net/p_176pyms6.jpg
تجهيز مكان تركيب الرسيفر/ توجد ذوائد بلاستيكيه في الكفر الخلفي للشاشه - علي ما يبدو كانت معموله لبطاريه زي بتاع المحمل الكبيره - نزيل جزئ منهم لتركيب الرسيفر مرتاح ولا يلامس ظهر الشاشه من الداخل


http://e.top4top.net/p_176r1f07.jpg
الرسيفر بعد التثبيت / بمسمار صغير وثلاث نقاط من الشمع الاصق باستخدام مكراه اللحام لتسيله وصقه فوق اطراف الرسيفر بحرص حتي لايصقط علي مقاومه طبع في برده الرسيفر وقد ينزعها من مكانها بسبب الحراره
http://a.top4top.net/p_17692qn8.jpg

صوره اخري بعد التركيب/ بع التثبيت بالشمع والمسمار يراعي تركيب جاكات الخاصه بالاديبتور وال AV الخاص بخرج الصوت والصوره وجاك IR شاشه البيان (مرفق صوره)
وبالنسبه لكابل الav لم اجد كابل ذكرمتاح عندنا من الطرفين فقمت بشراء كابلين av من طرف واديو فديو من طرف وقص الطرفين الاديو والفديو ومع ترك 10 سم من السلك من كل طرف واعاده توصيلهم ليكون الكابل ذكرav من الطرفين لان مدخل الصوت والصوره بالشاشه av فقط وطبعا الافوميتر له دور كبير في توصيل الكابلات مع بعضها بالطريقه الصحيحه حتي لو اختلفت الوان الاسلاك الداخليه في الكبلات - وانا لا اعتمد علي لون الاسلاك لانها ليست الوان قياسيه لشركات معروفه كله بالافو ميتر اامن لسلامه العمل-
http://b.top4top.net/p_1769d7u9.jpg
استراحه قصيره رمضان كريم
a056--a056--a056--

الشاشه من الداخل بعد التجميع وتركيب الرسيفر/ بتكون بالشكل ده

http://c.top4top.net/p_1767z8310.jpg
ناتي للبطاريه
صوره بطاريه الاب بعد فكها ونزع دايره الشحن منها وتوصيلها بجاك الشحن الذكر الطرف الموجب في السن والسالب في الدبله
http://d.top4top.net/p_176syo31.jpg
والصوره السابقه للبطاريه بعد ما افلتها وتم العمل بنجاح بفضل من الله تعالي
قلت لازم افكها تاني بالكتر علشان خاطر عيون ابو افنان لتوضيح طريقه التوصيل بدل ما يستفزني زي ماعمل مع الاخ مسعد patch_rir-- قولت اخدها من قاصرها وباه اطالبه بلفه شكرتون حلوه شكرتون دي اصلي قديم شويه 49 سنه وفي 9 الجاي لو عشنا وكان لينا عمراتم الخمسين
كفايه رغي كده ونكمل

صوره اوضح للحام

http://e.top4top.net/p_176ia5f2.jpg

صوره لحام الاسلاك السالب والموجب الاحمر موجب ويلحم به سلك يتصل بسن الجاك الذكروالاسود سالب ويلحم به سلك يتصل بالدبه بتاع الجاك ومرفق صور
http://a.top4top.net/p_176u3fi3.jpg

صوره البطاريه بعد تركيب جاك الشحن الدكر بها

http://b.top4top.net/p_1762zi04.jpg
والملاحظ علي البطاريه اني تركتها في الكفر السفلي بتاعه ونزعت الكفر العلوي ودايره الشحن وتركت توصيلاتها كما هي واخدت طرف او ريشه الموجب ومن طرف التاني ريشه السالب وذلك لمتانه الكفر ومتانه لحام الشريط المعدني الي موصل الست خلايا ببعض ومخرج طرفين سالب وموجب مجموعه 12 فولت وطبعا الافوميتر له دور كبير لتحديد السالب والموجب ولحام الاسلاك وقياس الفولت 12 لان فيه طرفين لغيتهم في المنتصف كانو بيدو فولت اققل تقريبا 5 فولت انا اخدت الاول والاخير من اطرافها الاصليه

صوره توضح تركيب جاك الرسيفر/ ده الي سوف نلحم فيه السلك بتاع الجاك الي راكب علي الرسيفر جوه الشاشه الطرف الموجب مع الذكر والسالب مع الدبله وده بيتباع او من اي روتر او سويتش قديم
http://c.top4top.net/p_176wl0s5.jpg


صوره لعمل كابل ثلاثي لتشغيل الشاشه والرسيفر من البطاريه

http://d.top4top.net/p_176j6b86.jpg
صوره للكابل بعد توصيله ولحامه وقياس اطرافه للتاكد من صحه توصيل السالب والوجب بها وده ضروري جدا لسلامه الشاشه والرسيفر الداخلي
http://e.top4top.net/p_1760ab17.jpg

صوره للكابل الثلاثي الاطراف بعد تشطيبه ويلاحظ انه فيه طرف رفيع نسبيا نهايته صفراء اللون عن الباقي ده بتاع كهربه الشاشه وده الي انا قصيته من وصله شاحن السياره الي بتاتي مع الشاشه
http://a.top4top.net/p_1763wl48.jpg

صوره للكابل موصل بالبطاريه وبه طرفان للشاشه والاخر للرسيفر
http://b.top4top.net/p_176w12s9.jpg

صوره وصله كابل الاشاره ومركب عليها وصله او نبل سن في سن
والملاحظ في الصوره دي اني مخرج وصله سلك من الرسيفر ومركبتش الرسفر مباشر في اعلي الشاشه ده علشان الرسيفر يباه متسبت مرتاح موش علي العاصي ويبه بعيد عن ظهر الشاشه ولا يلامسها بتبريد المعالج علشان كده فضلت اني ارحل الرسيفر لجوه الشاشه واطلع وصله بالشكل ده

الشاشه بعد التشطيب من الخلف
http://c.top4top.net/p_176wl9d10.jpg

الحمد لله انتهي العمل بنجاح والان مع صور للتجارب
http://e.top4top.net/p_176du911.jpg

http://a.top4top.net/p_17664k42.jpg
صور للشاشه بعد نجاح التوصيلات

http://b.top4top.net/p_1769at03.jpg
قائمه الترددات وخطين الاشاره
http://c.top4top.net/p_1766w904.jpg

قايمه الترددات

http://d.top4top.net/p_176ewvy5.jpg
صوره قناه وشريط المعلومات
http://e.top4top.net/p_176v4sp6.jpg

صوره لشاشه التوقف زي بتاع الاب توب لحمايه الشاشه وعليا اسم معالج الشاشه صن بلاص
http://a.top4top.net/p_176jp3a7.jpg

ارجو ان تكون الصور واضحه للجميع
واي استفسارانا في الخدمه
وعلي فكره انا هاوي في مجال الدش وبعض المعلومات البسيطه في الكهربا
وانا حاولت اعمل التصميم ده بطريقه سهله ومبسطه
وممكن استخدام التركيبه دي بالبطاريه وبالكهرباء ايضا عن طرق الاديبتور عادي خالص ودي الميزه في الموضوع وخصوصا للتركيبات المتحركه الكبيره الي بتحتاج وقت اطول في الضبط للجماعه الي غاوين زي حلاتي كده كل ما يشوفو تردد يطلعو السطوح patch_rir--
ورجاء لو الموضوع محتاج تنسق او عمل ديكورات ابو افنان فيه البركه لاني مليش في المواضيع دي
انا مبعرفش اعمل حقوق اسم علي الصور الي عاوز ينقل يتفضل بس يجب عليه ذكر اسم صاحب الموضوع الي تعب فيه يومين في الجو الحار ده
وارجو كل من يوفق في هذا التصميم ان يستخدمه فيما لا غضب المولي عز وجل

وتقبلو تحياتي لكم
وكل عام وانت بخير

[علىمبروك]

موضوع جميل شكرا لك ويسعدن ان اكون اول المشاركين

[فني تركيبات]

تم تصغير الصور وارفاقها بالموضوع لعيونك ياغالى
وشاكر لك الاهداء والموضوع المميز والحصرى
مثبت لفتره الاستفاده منه

[mohamed2090]

الله ينور عليك

[alaa2003]

ما شاء الله ا/ وسيم شغل كبير ومجهود
اشكرك على الاجتهاد الضخم
س: هل يمكن شحن البطارية مباشرة من خلال الاطراف الخاصة بها دون الحاجه الى فكها ؟

[الحاج شريف]

شغل عالى ومحترم أستاذ وسيم ، الحاجه شديده إلى مثل هذه التركيبه المميزه لتوفير الجهد والمال علي الإخوه القائمين بالتركيبات
وعمل يستحق التثبيت فشكرا لمشرفنا الكبير علي تثبيته للموضوع
بارك الله فيك أخى الكريم وشكرا لحضرتك على الإهداء

[علىمبروك]

كم سعر الشاشة استاذى

[جوهركامل]

تسلم أيدك أستاذوسيم ألموضوع طبعاخدمنك وقت كتير
لذلك بقولك بارك ألله فيك
لكن لى تنويه
ألأخ مسعدألمذكوربالموضوع ليس أنا
لأنى أناأيضاأسمى مسعدجوهر
ومره تانيه تحياتى أخى ألكريم

[satytree]

كالعادة موضوع و ابداع رائع وكل سنة وانت طيب ورمضان كريم وفى انتظار المزيد من الاخترعات الجديدة

http://www3.0zz0.com/2015/01/30/00/348060354.gif
--------
http://s6.postimg.org/wt3fx16zl/3_gif.gif

[$waseem$]

تم تصغير الصور وارفاقها بالموضوع لعيونك ياغالى
وشاكر لك الاهداء والموضوع المميز والحصرى
مثبت لفتره الاستفاده منه

شكرا استاذ ابراهيم تشريفك للموضوع وتثبيته
ودي ثقه اعتز بيها
وكل عام وانت بخير

[sameh sat]

بارك الله فيك
وجزاك الله خيرا عن هذا العمل
لما له من افادة اعضاء منتدانا الغالي

[$waseem$]

تسلم أيدك أستاذوسيم ألموضوع طبعاخدمنك وقت كتير
لذلك بقولك بارك ألله فيك
لكن لى تنويه
ألأخ مسعدألمذكوربالموضوع ليس أنا
لأنى أناأيضاأسمى مسعدجوهر
ومره تانيه تحياتى أخى ألكريم
اهلا بالنجوم الصاعده بسرعه الصاروخ في عالم التركيبات
نورت استاذ مسعد جوهر موضوعي
وانا عارف ان الاخ مسعد صاحب الفكره مشكورا
موش يباه حضرتك خايف ليتقال عليك بخيل في المعلومه هههههه
تحياتي لك ياغالي

[فني تركيبات]

شكرا استاذ ابراهيم تشريفك للموضوع وتثبيته
ودي ثقه اعتز بيها
وكل عام وانت بخير


المهم بقى تعرفنا كم ساعه تعمل البطاريه
لاننى عندى نفس البطاريه بالضبط
كانت بتاعه لاب توب acer

[$waseem$]

كم سعر الشاشة استاذى


فيه منها نوعين 7،5 بوصه ب 250 ونوع اخر 9،5 بوصه زي الي في الموضوع ب 320 جنيه وانت وشطارتك في الشراء والبحث وموجوده علي موقع سوق كوم ب 540 جنيه غاليا جدا طبعا
اي خدمه

[$waseem$]

شغل عالى ومحترم أستاذ وسيم ، الحاجه شديده إلى مثل هذه التركيبه المميزه لتوفير الجهد والمال علي الإخوه القائمين بالتركيبات
وعمل يستحق التثبيت فشكرا لمشرفنا الكبير علي تثبيته للموضوع
بارك الله فيك أخى الكريم وشكرا لحضرتك على الإهداء
والله ده شرف كبير استاذنا الفاضل الحاج شريف
اشادتك بوضوعي المتواضع والفضل لتشجيع حضرتك وامدادنا بالمعلومات العلميه الصحيحه وخصوصا عمليه شحن البطاريه لانها كانت قلقاني شويه ونفذت كلام حضرتك وشحنتها باديبتور محترم - لاني فكيته اشوف دايرته - 12 فولت 2 امبير مباشره بالجاك بدون اضافه موحدات سليكون لان الشاحن او الاديبتور به دايره متكامله وليس في حاجه لاي اضافات خارجيه
ولو تحب حضرتك ارفق لك صوره له من الداخل لابداء الراي فيه لا يوجد ما يمنع
تقبل تحياتي
وكل عام وحضرتك بخير

[م \ رامى الاسناوى]

شغل عالى ومحترم أستاذ وسيم ، الحاجه شديده إلى مثل هذه التركيبه المميزه لتوفير الجهد والمال علي الإخوه القائمين بالتركيبات
وعمل يستحق التثبيت فشكرا لمشرفنا الكبير علي تثبيته للموضوع
بارك الله فيك أخى الكريم وشكرا لحضرتك على الإهداء

[$waseem$]

المهم بقى تعرفنا كم ساعه تعمل البطاريه
لاننى عندى نفس البطاريه بالضبط
كانت بتاعه لاب توب acer


من عني استاذ ابراهيم اشحنها شحن كامل وارد علي حضرتك
وللعلم موضوع مده التشغيل ده نسبي بمعني ان البطاريه لو بتعمل علي الاب ساعه حتشتغل ساعه علي التركيبه دي تقريبا وكلما كانت البطاريه قويه وتعمل مده كبيره علي الاب بتكون افضل علي التركيبه دي لانه من المعرف ان لكل بطاريه عمر افتراضي في عدد ساعات الشحن والتفريغ
والتركيبه دي فيها ميزه انها ممكن تشتغل بالكهربا والاديبتور عادي لو البطاريه فارغه
تحياتي لك ياغالي

[$waseem$]

شغل عالى ومحترم أستاذ وسيم ، الحاجه شديده إلى مثل هذه التركيبه المميزه لتوفير الجهد والمال علي الإخوه القائمين بالتركيبات
وعمل يستحق التثبيت فشكرا لمشرفنا الكبير علي تثبيته للموضوع
بارك الله فيك أخى الكريم وشكرا لحضرتك على الإهداء
نورت يابشمهندس رامي
وشكرا للاستاذ ابراهيم التثبيت

[$waseem$]

بارك الله فيك
وجزاك الله خيرا عن هذا العمل
لما له من افادة اعضاء منتدانا الغالي


نورت اخي الفاضل
وشكرا لدعاءك الجميل

[$waseem$]

ما شاء الله ا/ وسيم شغل كبير ومجهود
اشكرك على الاجتهاد الضخم
س: هل يمكن شحن البطارية مباشرة من خلال الاطراف الخاصة بها دون الحاجه الى فكها ؟

اهلا بيك اخ علاء
بالنسبه للشحن والبطاريه كما هي اعتقد صعب جدا لانك حتشحنا بشاحن اللاب ال 20 فولت وهذا النوع من البطاريات عنيده في الشحن وليها اطراف دخول للشحن واطراف تفريغ للشحن وكل ده عباره ان اسنان صغيره متلاصقه بجانب بعضها في سوكت الشحن الخاص بالبطاريه ، والبطاريه في هذه الحاله معرضه لحدوث شورت او قصر في دايره الشحن او في الشاحن بتاع الاب نفسه
واعمل حسابك انك لازم تعجل بنزول السات فيندر الي وعدت بيه
لان فيه شركات كتير اتصلت عليا لشراء التركيبه وتوزيعها عالميا
ومكن لا سمح الله متلقيش حد يشتريه
هههههههههههههههه
تحياتي لك ياغالي