[$waseem$]

السلام عليكم ورحمه الله تعالي وبركاته
اهداء الي كل احبتي في قسم التركيبات اداريين واعضاء وعلي راسهم
استاذنا/ الفاضل الحاج شريف والاستاذ / الخلوق ابراهيم جمعه والاستاذ/ طارق السقا والاخوه الافاضل المرشحون للاشراف اعانهم الله
موضوعنا اليوم ليس بالجديد فقد نوه عن فكرته الاخ مسعد مشكورا في احد المداخلات بدون تفصيل او صورتوضيحيه
والموضوع يتلخص في عمل جهاذ مبسط شبيه بطريقه عمل السات فيندر لضبط اطباق الستلايت بدون مصدر كهربائي 220 فولت وباستخدام الكهرباء ايضا
ندخل في الموضوع والصور حتشرح كل حاجه
الادوات المطلوبه
تليفزيون محمول 9.5 بوصه ( مرفق صوره له)
رسيفر اتش دي مني ( مرفق صوره له)
بطاريه لاب توب 12 فولت ( مرفق صوره لها)
مكواه لحام
صباع شمع
افوميتر
شكرتون -شريط لحام-
اديبتور 12 فولت 2 امبير لشحن البطاريه
عدد 2 وصله اديبتور انثي لعمل كابل ثلاثي لتوصيل الشاشه والرسيفر(مرفق صوره لها)
يوجد مع الشاشه وصله شاحن سياره نقص الجاك الانثي ب15سم من السلك لتكمله الوصله الثلاثيه
واحد وصله ذكر لتوصل الكهرباء للرسيفر من الحصول عليها من اي سويتش او راوتر قديم وتباع في المحلات ( مرفق صوره لها)
انا كنت افضل انه يباه فديو بس النت عندي ضعيف ومليش في رفع الفديوهات دي
اتركم مع الصور والشرح عليها واي استفسار انا تحت امركم

كرتونه الشاشه الصوره الأعلى
االرسيفر المني قبل الفك ( اي رسيفر مني الاوبشن بتاعه يعجبكم ويفضل يكون hd الصوره الأسفل



hd


الرسيفر المني بعد فكه من علبته الصوره الأعلى
والشاشه بعد فكها الي نصفين/ نفك جميع البراغي حلوه البراغي دي (المسامير) 9 مسامير مع ملاحظه ان فيه مسمار بيباه تحت استيكر صغير مدور في اعلي منتصف الشاشه


ويلاحظ وجود كابل يربط الشاشه بالبورده في الغطاء الخلفي بشاشه العرض بعد فك الكابل بحرص ومعرفه اتجاهه بوضع علامه عليه وعلي السوكت بتاعه


الشاشه من الخلف بعد عمل ثقوب للاسلاك والوصلات بمكواه اللحام وتوجد فتحه عريضه شويه كنت عاملها لسلك الاتش دي ولم تصلح لسمك جاك السلك لا داعي لها


تجهيز مكان تركيب الرسيفر/ توجد ذوائد بلاستيكيه في الكفر الخلفي للشاشه - علي ما يبدو كانت معموله لبطاريه زي بتاع المحمل الكبيره - نزيل جزئ منهم لتركيب الرسيفر مرتاح ولا يلامس ظهر الشاشه من الداخل



الرسيفر بعد التثبيت / بمسمار صغير وثلاث نقاط من الشمع الاصق باستخدام مكراه اللحام لتسيله وصقه فوق اطراف الرسيفر بحرص حتي لايصقط علي مقاومه طبع في برده الرسيفر وقد ينزعها من مكانها بسبب الحراره


صوره اخري بعد التركيب/ بع التثبيت بالشمع والمسمار يراعي تركيب جاكات الخاصه بالاديبتور وال AV الخاص بخرج الصوت والصوره وجاك IR شاشه البيان (مرفق صوره)
وبالنسبه لكابل الav لم اجد كابل ذكرمتاح عندنا من الطرفين فقمت بشراء كابلين av من طرف واديو فديو من طرف وقص الطرفين الاديو والفديو ومع ترك 10 سم من السلك من كل طرف واعاده توصيلهم ليكون الكابل ذكرav من الطرفين لان مدخل الصوت والصوره بالشاشه av فقط وطبعا الافوميتر له دور كبير في توصيل الكابلات مع بعضها بالطريقه الصحيحه حتي لو اختلفت الوان الاسلاك الداخليه في الكبلات - وانا لا اعتمد علي لون الاسلاك لانها ليست الوان قياسيه لشركات معروفه كله بالافو ميتر اامن لسلامه العمل-

استراحه قصيره رمضان كريم


الشاشه من الداخل بعد التجميع وتركيب الرسيفر/ بتكون بالشكل ده


ناتي للبطاريه
صوره بطاريه الاب بعد فكها ونزع دايره الشحن منها وتوصيلها بجاك الشحن الذكر الطرف الموجب في السن والسالب في الدبله

والصوره السابقه للبطاريه بعد ما افلتها وتم العمل بنجاح بفضل من الله تعالي
قلت لازم افكها تاني بالكتر علشان خاطر عيون ابو افنان لتوضيح طريقه التوصيل بدل ما يستفزني زي ماعمل مع الاخ مسعد قولت اخدها من قاصرها وباه اطالبه بلفه شكرتون حلوه شكرتون دي اصلي قديم شويه 49 سنه وفي 9 الجاي لو عشنا وكان لينا عمراتم الخمسين
كفايه رغي كده ونكمل

صوره اوضح للحام



صوره لحام الاسلاك السالب والموجب الاحمر موجب ويلحم به سلك يتصل بسن الجاك الذكروالاسود سالب ويلحم به سلك يتصل بالدبه بتاع الجاك ومرفق صور


صوره البطاريه بعد تركيب جاك الشحن الدكر بها


والملاحظ علي البطاريه اني تركتها في الكفر السفلي بتاعه ونزعت الكفر العلوي ودايره الشحن وتركت توصيلاتها كما هي واخدت طرف او ريشه الموجب ومن طرف التاني ريشه السالب وذلك لمتانه الكفر ومتانه لحام الشريط المعدني الي موصل الست خلايا ببعض ومخرج طرفين سالب وموجب مجموعه 12 فولت وطبعا الافوميتر له دور كبير لتحديد السالب والموجب ولحام الاسلاك وقياس الفولت 12 لان فيه طرفين لغيتهم في المنتصف كانو بيدو فولت اققل تقريبا 5 فولت انا اخدت الاول والاخير من اطرافها الاصليه

صوره توضح تركيب جاك الرسيفر/ ده الي سوف نلحم فيه السلك بتاع الجاك الي راكب علي الرسيفر جوه الشاشه الطرف الموجب مع الذكر والسالب مع الدبله وده بيتباع او من اي روتر او سويتش قديم



صوره لعمل كابل ثلاثي لتشغيل الشاشه والرسيفر من البطاريه


صوره للكابل بعد توصيله ولحامه وقياس اطرافه للتاكد من صحه توصيل السالب والوجب بها وده ضروري جدا لسلامه الشاشه والرسيفر الداخلي


صوره للكابل الثلاثي الاطراف بعد تشطيبه ويلاحظ انه فيه طرف رفيع نسبيا نهايته صفراء اللون عن الباقي ده بتاع كهربه الشاشه وده الي انا قصيته من وصله شاحن السياره الي بتاتي مع الشاشه


صوره للكابل موصل بالبطاريه وبه طرفان للشاشه والاخر للرسيفر


صوره وصله كابل الاشاره ومركب عليها وصله او نبل سن في سن
والملاحظ في الصوره دي اني مخرج وصله سلك من الرسيفر ومركبتش الرسفر مباشر في اعلي الشاشه ده علشان الرسيفر يباه متسبت مرتاح موش علي العاصي ويبه بعيد عن ظهر الشاشه ولا يلامسها بتبريد المعالج علشان كده فضلت اني ارحل الرسيفر لجوه الشاشه واطلع وصله بالشكل ده

الشاشه بعد التشطيب من الخلف

الحمد لله انتهي العمل بنجاح والان مع صور للتجارب

صور للشاشه بعد نجاح التوصيلات


قائمه الترددات وخطين الاشاره


قايمه الترددات


صوره قناه وشريط المعلومات


صوره لشاشه التوقف زي بتاع الاب توب لحمايه الشاشه وعليا اسم معالج الشاشه صن بلاص


ارجو ان تكون الصور واضحه للجميع
واي استفسارانا في الخدمه
وعلي فكره انا هاوي في مجال الدش وبعض المعلومات البسيطه في الكهربا
وانا حاولت اعمل التصميم ده بطريقه سهله ومبسطه
وممكن استخدام التركيبه دي بالبطاريه وبالكهرباء ايضا عن طرق الاديبتور عادي خالص ودي الميزه في الموضوع وخصوصا للتركيبات المتحركه الكبيره الي بتحتاج وقت اطول في الضبط للجماعه الي غاوين زي حلاتي كده كل ما يشوفو تردد يطلعو السطوح
ورجاء لو الموضوع محتاج تنسق او عمل ديكورات ابو افنان فيه البركه لاني مليش في المواضيع دي
انا مبعرفش اعمل حقوق اسم علي الصور الي عاوز ينقل يتفضل بس يجب عليه ذكر اسم صاحب الموضوع الي تعب فيه يومين في الجو الحار ده
وارجو كل من يوفق في هذا التصميم ان يستخدمه فيما لا غضب المولي عز وجل

وتقبلو تحياتي لكم
وكل عام وانت بخير

[علىمبروك]

موضوع جميل شكرا لك ويسعدن ان اكون اول المشاركين

[فني تركيبات]

تم تصغير الصور وارفاقها بالموضوع لعيونك ياغالى
وشاكر لك الاهداء والموضوع المميز والحصرى
مثبت لفتره الاستفاده منه

[mohamed2090]

الله ينور عليك

[alaa2003]

ما شاء الله ا/ وسيم شغل كبير ومجهود
اشكرك على الاجتهاد الضخم
س: هل يمكن شحن البطارية مباشرة من خلال الاطراف الخاصة بها دون الحاجه الى فكها ؟

[الحاج شريف]

شغل عالى ومحترم أستاذ وسيم ، الحاجه شديده إلى مثل هذه التركيبه المميزه لتوفير الجهد والمال علي الإخوه القائمين بالتركيبات
وعمل يستحق التثبيت فشكرا لمشرفنا الكبير علي تثبيته للموضوع
بارك الله فيك أخى الكريم وشكرا لحضرتك على الإهداء

[علىمبروك]

كم سعر الشاشة استاذى

[جوهركامل]

تسلم أيدك أستاذوسيم ألموضوع طبعاخدمنك وقت كتير
لذلك بقولك بارك ألله فيك
لكن لى تنويه
ألأخ مسعدألمذكوربالموضوع ليس أنا
لأنى أناأيضاأسمى مسعدجوهر
ومره تانيه تحياتى أخى ألكريم

[satytree]

كالعادة موضوع و ابداع رائع وكل سنة وانت طيب ورمضان كريم وفى انتظار المزيد من الاخترعات الجديدة


--------

[$waseem$]

المشاركة الأصلية كتبت بواسطة ابوافنان

تم تصغير الصور وارفاقها بالموضوع لعيونك ياغالى
وشاكر لك الاهداء والموضوع المميز والحصرى
مثبت لفتره الاستفاده منه

شكرا استاذ ابراهيم تشريفك للموضوع وتثبيته
ودي ثقه اعتز بيها
وكل عام وانت بخير

[sameh sat]

بارك الله فيك
وجزاك الله خيرا عن هذا العمل
لما له من افادة اعضاء منتدانا الغالي

[$waseem$]

المشاركة الأصلية كتبت بواسطة جوهركامل

تسلم أيدك أستاذوسيم ألموضوع طبعاخدمنك وقت كتير
لذلك بقولك بارك ألله فيك
لكن لى تنويه
ألأخ مسعدألمذكوربالموضوع ليس أنا
لأنى أناأيضاأسمى مسعدجوهر
ومره تانيه تحياتى أخى ألكريم

اهلا بالنجوم الصاعده بسرعه الصاروخ في عالم التركيبات
نورت استاذ مسعد جوهر موضوعي
وانا عارف ان الاخ مسعد صاحب الفكره مشكورا
موش يباه حضرتك خايف ليتقال عليك بخيل في المعلومه هههههه
تحياتي لك ياغالي

[فني تركيبات]

المشاركة الأصلية كتبت بواسطة $waseem$

شكرا استاذ ابراهيم تشريفك للموضوع وتثبيته
ودي ثقه اعتز بيها
وكل عام وانت بخير

المهم بقى تعرفنا كم ساعه تعمل البطاريه
لاننى عندى نفس البطاريه بالضبط
كانت بتاعه لاب توب acer

[$waseem$]

المشاركة الأصلية كتبت بواسطة علىمبروك

كم سعر الشاشة استاذى

فيه منها نوعين 7،5 بوصه ب 250 ونوع اخر 9،5 بوصه زي الي في الموضوع ب 320 جنيه وانت وشطارتك في الشراء والبحث وموجوده علي موقع سوق كوم ب 540 جنيه غاليا جدا طبعا
اي خدمه

[$waseem$]

المشاركة الأصلية كتبت بواسطة asharif

شغل عالى ومحترم أستاذ وسيم ، الحاجه شديده إلى مثل هذه التركيبه المميزه لتوفير الجهد والمال علي الإخوه القائمين بالتركيبات
وعمل يستحق التثبيت فشكرا لمشرفنا الكبير علي تثبيته للموضوع
بارك الله فيك أخى الكريم وشكرا لحضرتك على الإهداء

والله ده شرف كبير استاذنا الفاضل الحاج شريف
اشادتك بوضوعي المتواضع والفضل لتشجيع حضرتك وامدادنا بالمعلومات العلميه الصحيحه وخصوصا عمليه شحن البطاريه لانها كانت قلقاني شويه ونفذت كلام حضرتك وشحنتها باديبتور محترم - لاني فكيته اشوف دايرته - 12 فولت 2 امبير مباشره بالجاك بدون اضافه موحدات سليكون لان الشاحن او الاديبتور به دايره متكامله وليس في حاجه لاي اضافات خارجيه
ولو تحب حضرتك ارفق لك صوره له من الداخل لابداء الراي فيه لا يوجد ما يمنع
تقبل تحياتي
وكل عام وحضرتك بخير