نقاش حول اسعار التركيبات والصيانة

[moustafaabdou]

عفوا مع أحترامى للجميع ،، الموضوع باختصار قبل أن نتكلم عن الأسعار ،، أسال السوق أخباره ايه ،، بمعنى أنت بتعمل كام ريسفر كل يوم ،، انت بتركب كام طبق كل يوم وبتعمل صيانه قد ايه فى كل يوم ،، يعنى مثلا باب اللوق والعتبه دائما يتجه الناس لهم بحكم أنه سوق للرسيفرات صيانة وسوفت وقنوات ،،، مع الأعتبار اللى بيعمل ملف قنوات حيشعر مدى التعب الذى يقوم به من ترتيب قنوات وتعريبه ولكننا علشان بنحمل من مصراوى سات الملفات لايشعر بعضنا بتعب من يعمل الملف ،، حتى كلمة (شكرا ) تجدها قليله ،، تجد ثلاثمائة عضو حمل الملف وعشره فقط قالوا متشكرين رغم أنه بياخد الملف يأكل من ورائه لقمه عيش ، خلاصه القول كل من كتب الأسعار بالاعلى ليست صحيحة مع احترامى للجميع لأننا فى السوق وبنعرف ده بيركب بكام فى المدينة والقرية ،، شركة ترومان نفسها بتعمل الملف بمبلغ 40جنيها منذ عام 2020 رغم انهم حاصلين عليه من مصراوى سات وغيرهم ،، المهم أن نكون نتقى الله عملنا ولانظلم أحد ولا أحد يظلمنا ،، حفظكم الله ورزقكم من حيث لاتعلمون

[حسام الدين مصطفى]

والله العظيم
انا فى واحد فى منطقتى بيعمل الملف بــ 5 جنيه
بالعند فى المحلات اللى حواليه
والناس عليه شبه زحمه طوال الاسبوع
وفعلا بيوقف حال المحلات اللى بالمنطقة
بسبب ان الحصول على الملفات من مصراوى ببلاش
ومش تعبان فيها
بجد أرجو من الادارة
تخلو الملفات فى مصراوى باشتراك رمزى

[moustafaabdou]

والله العظيم
انا فى واحد فى منطقتى بيعمل الملف بــ 5 جنيه
بالعند فى المحلات اللى حواليه
والناس عليه شبه زحمه طوال الاسبوع
وفعلا بيوقف حال المحلات اللى بالمنطقة
بسبب ان الحصول على الملفات من مصراوى ببلاش
ومش تعبان فيها
بجد أرجو من الادارة
تخلو الملفات فى مصراوى باشتراك رمزى
هو برضه مجرد رأى منى أيضا ،،، ياريت إللى يحمل ملف قنوات من مصراوى يكون عمل على الاقل عشره ملفات محترمين وكمان يتم قبولهم من الأدراة ،،، علشان يعرف تعب الملف بياخد وقت من صاحبه ومجهود قد أيه ،،، وده برضه لايجعلنا أن نرفع الأسعار أكتر مما لاتستحق ،، فالرحمه حلوه ،، لكن الذى متأكد منه أنه لايوجد أحد يعرف يأخد رزق غيره ،، حفظكم الله جميعا

[حسام الدين مصطفى]

هو برضه مجرد رأى منى أيضا ،،، ياريت إللى يحمل ملف قنوات من مصراوى يكون عمل على الاقل عشره ملفات محترمين وكمان يتم قبولهم من الأدراة ،،، علشان يعرف تعب الملف بياخد وقت من صاحبه ومجهود قد أيه ،،، وده برضه لايجعلنا أن نرفع الأسعار أكتر مما لاتستحق ،، فالرحمه حلوه ،، لكن الذى متأكد منه أنه لايوجد أحد يعرف يأخد رزق غيره ،، حفظكم الله جميعا
كلام مضبوط
او اللى يحمل قنوات
لازم يكون عمل مشاركات اكثر من 1000 مشاركة مثلا

[ممدوح حسين صادق]

كل واحد ربنا جعله رزق
سبحان مقسم الازارق
خلاصة الكلام
محدش يخد اكتر من نصبه ورزقه

[اسماعيل عمر]

قرى البحيره تركيب طبق 40الى50 وصيانه الطبق 30 جنيه
ملف القنوات 10 جنيه عادة و hd احيانا 15 جنيه وبعض الاجهزه اليدوى الرخمه بتبقى ب20

[وليد عجينة]

والله العظيم
انا فى واحد فى منطقتى بيعمل الملف بــ 5 جنيه
بالعند فى المحلات اللى حواليه
والناس عليه شبه زحمه طوال الاسبوع
وفعلا بيوقف حال المحلات اللى بالمنطقة
بسبب ان الحصول على الملفات من مصراوى ببلاش
ومش تعبان فيها
بجد أرجو من الادارة
تخلو الملفات فى مصراوى باشتراك رمزى
اللى بيعمل ملف قنوات ويرفعة دا لوجهة الله عشان الكل يسترزق
ولو اتعمل ملف القنوات برسوم واشتراك فية منتديات تانية هتستغل دة وهتحمل منها مجانى
الحل الوحيد ان الناس تراعى ربنا فى اكل عيشها ويكون فية رحمة بالزبون لو دخلك زبون على قد حالة اية المشكلة لما تعملة ب 5 او ب 10 ولو جهاز وزبون مرتاح شوية خد يا عم منة ال 20 وربنا بيباارك فى القليل

[سامح السريع]

تركيب 50 صيانة 20 ملف من 5 الى 15 فى القاهرة دار السلام

[الفارس الاوحد]

انا اعتقد ان الشبكات الهوائيه سحبت البساط من تركيب الدش كذلك الموبايل وتطبيقات نت فلكس **** اما الناس اللى بتعمل ملف القنوات ب5 جنيه وتركيب الطبق ب50 جنيه الكلام ده غلط لان الدش مش اكل وشرب علشان تخسف بالاسعار الارض للدرجة دى

[tvhany]

ماهو ده اللى انا بتكلم فيه الاسعار بتولع واحنا زى مااحنا

[Ahmed Abd Elsmd]

طيب ما كدا حلو جدا امال حضرتك عايز تناقش اية
الاسعار لازم تبقي متفاوتة القرية غير المدينة كل مكان
ولة ظروفة وبتختلف من واحد صاحب محل وواحد اخدها
منازل تقبل تحياتي

كلام سليم 10/10

[يحيي البوب]

كل واحد ربنا جعله رزق
سبحان مقسم الازارق
خلاصة الكلام
محدش يخد اكتر من نصبه ورزقه

[اسلام شوقى]

انا بعد اذن الاعضاء اللي اكلمو في الموضوع انا هاطلب منهم حاجه واحده ليه كل حاجه رفعت اللي الصنايعي ليه لمه تقول للزبون الريموت رفع 7 جنيه بيقولك حاضر لان عندك كل المحلات السعر واحد لاكن لمه 10 جنيه زيده في الصانعه يزعل ويدخلك في نقاش ليه وزاي مع ان كل حاجه رفعت الطاق عشره يعني الريموت قبل الثوره كان بكام والرسيفر كان بكام لمه بتنزل تشتري اي حاجه في حياتك كانت بكام ودوقتي بكام يجماعه انا اعرف ناس معندهاش داخل غير حتة المحل اللي بياكل منه عيش وبيصرف على اولاده اللي في التعليم اللي ميعلمش بيه اللى ربنا من دروس ومصريف دراسه يعني الناس اللى بتكلم خف على الزبون طيب فين تعب السنيين اللى راحت في تعليم الصانعه والله حرام مين يرحم الصنايعي من ايجار محل ولا الكهرباء اسف على الاطاله وشكرا

[tvhany]

والله كلامك صح انا واحد من الناس رزقى يوم بيومه ولا فى مرتب ثابت ولا معاش يوم تركيب وعشرة لا يوم صيانة وعشرة مافيش

[احمد عبدالله محمود]

الناس بتعتبر تركيب الطبق رفاهيه او ليست مهنه ذات قيمة او كماليات
فبيحاولوا يبخسوا اجر الفنى
عن نفسى تركيب 50
صيانه 30 او 40
ملف قنوات 20
متحرك من 200 وطالع على حسب المجهود
هوائى 50 وطالع
والارزاق على الله
والحال واقف

[tvhany]

سؤال بس للى لسه بيركبوا الطبق ب50 جنيه والطبق الكامكس بقى ب160 والبريفكس ب200 غير ال ال ان بى والسلك وفى الاخر يبقى تركيب 50 اقل واجب يبقى 100 جنيه

[gezerasat2]

بصراحة لا ١٠٠ ولا ٥٠ جنية مهنة زى عدمها فى ظل اسعار اليوم تركيب طبق كبير كان زمان اول للزمان ارجع يا زمان وكثرت العمال فيها كتير اوى اذا قلت للزبون ١٥ ج وواحد تانى قلة ١٠ ج هيروح لة حتى لو كان قليل الخبرة و بعدين بتركب الان طبق كبير اشك فى السنة مرة

[gezerasat2]

اسف فى تعليق خفيف كنت واقف عند احد محلات بيع قطع غيار الدش واجهزة كهرباءية وقف زبون قلة عاوز طبق المهم خلص بيع وزبون بيقول للبياع عاوز حد يركب الطبق قلة لية شوف على السطح طبق راكب وعمل مثلة سهولة تركيب الطبق الصغير خلاص قول للمهنة باى باى

[tvhany]

امبارح جالى زبون روحت معاه نشترى طبق وعدسة وسلك ورسيفر كانت الحسبة 650 جنيه وسالنى هتاخد تركيب كام قولتله 100 قالى ليه ان شاالله انت هتعمل ايه يدوب هتربط مسمارين هما 50 جنيه حلو اوى

[belya2010]

يا جماعة الاسعار دي فين؟
انا روحت لواحد علشان طبق ثابت و اربع اقمار قالي القمر الواحد 150 جنية في النزهه الجديدة، طبعا سيبته و مشيت وركبتهم انا باشارات ضعيفة شويه
في الرحاب نايلسات 150 - 200 جنية