[karemgalal]

انا هفتح محل زى كوفى شوب كده وعايز شاشة 40/42 بوصة وعايز احسن حاجة عشان لو لقدر الله حصل وهقفل ابيعها مخسرش فيها كتير ونفس الوقت متضلعنيش فى الفلوس عشان كده الدين هيكبر اوى ورسيفر البين سبورت اجيبه قسط وادفع 150ج فوايد فوق ال 1000 ولا اداين تانى واجيبه فورى

[اسامه حامد]

اخى الكريم انصحك

1
سامسونج

2
lg

3
توشيبا

طبعا يكون صناعه كوريه وده الاهم

لكن لو الميزانيه افضل اشتري سوني هوا افضل منهم لكن ثمه غالي

[karemgalal]

المشاركة الأصلية كتبت بواسطة اسامه حامد

اخى الكريم انصحك

1
سامسونج

2
lg

3
توشيبا

طبعا يكون صناعه كوريه وده الاهم

لكن لو الميزانيه افضل اشتري سوني هوا افضل منهم لكن ثمه غالي

لو تكرمت واديتنى الاسعار يبقى عملت معايا الصح
وانا روحت سألت فى اكتر من مكان قالولى كله تقفيل مصرى

[hosamabouageza]

ابعد عن منتجات العربي سواء توشيبا او تورنادو
اسوأ شاشات عن تجربة

[سام علاء]

افضل نوع هي lg صناعة كورى وتقفيل مصرى

[jetlin]

كل تقفيل مصري
جميع الشاشات بمصر علشان تبقي عامل حسابك
وده من اكثر من اربع سنوات

[karemgalal]

يا جدعان lg ,samsung غاليين انا عايز حاجة كويسة ونفس الوقت متكونش غالية اوى


والتورنادو وحشة فى ايه بالظبط اصلى كنت رايح اشتريها بكره ولا بعده

[jok37]

المشاركة الأصلية كتبت بواسطة karemgalal

يا جدعان lg ,samsung غاليين انا عايز حاجة كويسة ونفس الوقت متكونش غالية اوى


والتورنادو وحشة فى ايه بالظبط اصلى كنت رايح اشتريها بكره ولا بعده

طالما الشاشة لكافيه مش للبيت مش لازم تجيبها سامسونج او lg هات توشيبا عليها ضمان 5 سنين و سعرها حنين و افضل من التورنادو بكتير

[محمد_saper]

lg هى الافضل

[karemgalal]

طب لوسمحتم عشان محدش ينصب عليا الاسعار ايه

[jetlin]

المشاركة الأصلية كتبت بواسطة karemgalal

طب لوسمحتم عشان محدش ينصب عليا الاسعار ايه

لو قررت تجيب توشيبا
وكنت من القاهره عليك وعلي توشيبا العربي بشارع عبد العزيز (( توكيل توشيبا
هناك عامل زي مول فيه كل منتجات توشيبا واكيد محدش هينصب عليك
اما لو قررت اي نوع تاني عليك وعلي كارفور الاقرب ليك وهناك حاليا
تنيلات علي بعض الشاشات
بالتوفيق

[احمد المرعب]

انصحك بشاشات يونيون تيك من يونيون اير شاشه تحفه بمعنى الكلمه وعن تجربه شخصيه لاكثر من سنتين . وتعمل بنظام الاندراويد وبوصله نت ومعها ماوس كيبورد الشاشه 42 منها عامله 3100 يابلاش بجد

[karemgalal]

انا احترت والله العظيم فى ناس تقولى التوشيبا والتورنادو وحشين وناس تانية تقول كويسين ومحدش ادانى سعر ولا نوع شاشة معين يعنى مثلا فى خمس انواع لشاشة سامسونج 40 بوصة مش عارف ايه الفرق بينهم لحد دلوقتى وانا من المنوفية

[القدس2010]

اخى الكريم انا هاجبلك من الاخروالله العظيم عن تجربةز
ابعد كل البعد عن منتجات توشيبا غالية على الفاضى والله العظيم واسوء معملة بعد الشراء ضمان اسوء مما تتخيل.
شوف هات شاشة تكون كورى تقفيل مصرى سعرها كويس وفى نفس الوقت توكيلها مضمون فى الصيانة وما تستغربش من الماركات اللى هاقولك عليها انا حابب اقدم المساعدة فقط:
1-شاشة جاك ال39بوصةب2250جنيه.
2-شاشة جروهى(بضمان اليكترونيك هاوس)ممتازة وفل اتش دى39بوصة 2000جنيه.
3-شاشة يونيون تك 42بوصة 2600جنيه.
صدقنى البحث عن الماركة المعروفة ده كان زمان دلوقتى كله متافا فى مصر
انت بتبدا مشروع حاول توفر وركب الشاشه على حامل بعيد عن الايادى وحافظ عليها من التيار الكهربائى وهى ان شاء الله تعيش معاك مده طويلة.

[abuyouo]

المشاركة الأصلية كتبت بواسطة القدس2010

اخى الكريم انا هاجبلك من الاخروالله العظيم عن تجربةز
ابعد كل البعد عن منتجات توشيبا غالية على الفاضى والله العظيم واسوء معملة بعد الشراء ضمان اسوء مما تتخيل.
شوف هات شاشة تكون كورى تقفيل مصرى سعرها كويس وفى نفس الوقت توكيلها مضمون فى الصيانة وما تستغربش من الماركات اللى هاقولك عليها انا حابب اقدم المساعدة فقط:
1-شاشة جاك ال39بوصةب2250جنيه.
2-شاشة جروهى(بضمان اليكترونيك هاوس)ممتازة وفل اتش دى39بوصة 2000جنيه.
3-شاشة يونيون تك 42بوصة 2600جنيه.
صدقنى البحث عن الماركة المعروفة ده كان زمان دلوقتى كله متافا فى مصر
انت بتبدا مشروع حاول توفر وركب الشاشه على حامل بعيد عن الايادى وحافظ عليها من التيار الكهربائى وهى ان شاء الله تعيش معاك مده طويلة.

اخي الكريم شكرااا لك
لكن تنصح بهذه الماركات ل تشغيل المنزلي
علشان عايز اجيب شاشه ل بيت