[elnazerasd]

السلام عليكم
عايز اشتري شاشة ال اي دي
كان عندي ال جي وتعبتني في الاعطال
وعايز اشتري شاشة مضمونة ان شاء الله
في ناس قالت توشيبا وفي رشح لي سامسونج
عايز حاجة 43 بوصة ومش غاليه اوي في المعقول
مش مهم اسمارت ولا اندوريد
الاهم فلاشة لمعظم الامتدادات في الافلام وصورة كويسة
هل حد عنده اسم الموديل والسعر ؟؟؟؟؟

[usama safe]

من الاخر يا اما
سونى رقم 1 ..... سامسونج رقم 2

[bebo606]

عندي شاشة سامسونج 40 بوصة full hd

الشاشة صورتها تحفة وخاصة قنوات hd وبتشغل اي امتددات في الأفلام وغيرها من usb ---- وعن نفسي كنت بعتبر سامسونج افضل الشاشات في مصر

لكن للأسف الشاشة بقالها عندي سنة اتصلحت للآن مرتين كان يظهر في الشاشة بقع سوداء
وكنت اتصل بالدعم الفني بصراحة كان بيجي بعد يومين او ثلاثة بالكتير وكان بيغير الكرستالة بواحدة جديدة ( المقصود بالكرستالة الشاشة الزجاج فقط ) يعني مش بيغير الشاشة كلها
الموضوع دا حصل مرتين والفني اللى بيجي يغير الشاشة قال ان من حقك تبدل الشاشة لو حدثت نفس المشكلة

عندي شاشتين كمبيوتر سامسونج وشاشة تليفزيون تاني بصراحة شغالين كويس جدا جدا وبقالهم عندي حوالي 3 سنين او اكثر لكن مش عارف ايه الحظ دا في الشاشة دي

المهم تقريبا علشان تشتري شاشة كويسه تلجأ إلى الخارج لأن عندي أحساس ان كل شاشات التليفزيون في مصر سيئة جدا للأسف

اسف للإطالة

تحياتي لحضرتك

[عماد رياض]

اهم نقطة فى شراء الشاشة هو دقتها تكون فول اتش دى ثانيا قوة الهرتيز كل ما تعلة تكون افضل فى افلام الحركة والالعاب وهتجد شاشة دقتها 100 هرتيز وشاشة 600 هرتيز

[elnazerasd]

الف شكر لكم جميعا علي الاهتمام والرد
وبالنسبة ل bebo606 انا برده كان عندي الي جي وكانت تحفة بس صرفت عليها مره 550 والمره التانية قالو عايزة 960 فبعتها وريحت نفسي
فالحمد لله علي كل شئ

[moodyemam]

بص بعد ما دورت كتير من احسن الشاشات في الصورة افلام او ماتشات من النوع اللي انت عاوزه اللي مفهوش 3D و 4K و الحاجات دي
هي سامسونج 40J6200 و ممكن تشوف تقرير عنها علي موقع اسمه rtings.com

[moodyemam]

بالنسبة للسعر تقريبا 4300