[م/محمدزيان]

أحبابى أعضاء منتديات مصراوي سات أهلا بكم

(¯`·._طريقة تنصيب الانيجما 2 وازالتها بكل سهولة للمبتدئين _.·´¯)



طبعا كلنا عارفين جمال الانيجما عن الاسبارك وكمان قوتة فى التعامل مع ********* وكمان قوة الدعم له عن الاسبارك
ولكن اغلبنا بيخاف يجرب الانيجما لانة معقد نسبيا عن الاسبارك ويمتاز الاسبارك انه سهل التعامل وواجهة خفيفة جدا
لكن صدقونى بعد التعامل مع الانيجا تستطيع ان تقول انك تمتلك جهاز من اقوى الاجهزة المعروفة حاليا فى الاسواق
سيتم شرح تنزيل الانيجما بالفلاشة عن طريق البلجن او الطريقة اليدوية من واجهة الجهاز وانا شخصيا افضلها اكثر من البلجن
لكن لكل شخص حرية الاختيار
واترككم مع الشرح الفريد والممتاز لطريقة تسطيب نسخة الانيجما 2 وايضا طريقة ازالتها بكل سهولة ويسر للمبتدئين وهناك طرق اخرى سيتم ذكرها بالتوالى
ولتحميل افضل النسخ المدعومة للجهاز تقدروا تختاروا من اكبر مكتبة نسخ انيجما 2
بالضغط على
قسم الانيجما 2 للبريمير1+ والتوب بوكس
ونأتى الان الى الشرح:
اولا لابد من توافر هذة البلجنات على الريسيفر
الاول لتنصيب نسخة الانيجما بلجن plugin_e2upgrade.s
الثانى لحذف النسخة لو اردت تغييرها بلجن WLTool
وهما موجودين فى اخر ملف بلجن للريسيفر على هذا الرابط
حمـــــــــــل مــــــــــــــن هنـــــــــــــــــــا
نأتى للخطوة المهمة لو احنا متأكدين من عدم وجود نسخة انيجما على الجهاز يبقى نيجى
للخطوة الاولى وهى تنصيب نسخة الانيجما 2 على جهازنا كالتالى
اولا اخوانى يفضل ان تكون الفلاشة مفرمتة ب fat32
وبعدين حنحط السوفت الخاص بالانيجما2 داخل الفلاشة ويفضل ان يسمى enigma2
بعدها حنقوم بالدخول الى بلجن plugin_e2upgrade.s بالضغط علية ok سيتم الدخول داخل البلجن اتوماتيكيا
بعد ذلك نقوم باختيار الملف المسمى enigma2 وحتدخل فية حتلاقية فاضى من جوة اضغط على الزر الاحمر فقط واحنا جواة
بكدا يبقى اختارنا الفولدر الصحيح بعد التحديد حنقوم بالضغط على الزر الاحمر ايضا مرة تانية ليقوم بتحميل النسخة
حيقوم الريسيفر فى المرحلة الاولى بتحميل ملفات الكرينال وهى بتاخد وقت متقلقوش سيبوة براحتة
ويفضل عدم غلق الباور او فصل الكهرباء عن الريسيفر علشان مشاكل البوت
بعدها حيقوم بتحميل ملفات السيستم وهى برضة بتاخد وقت لكن مش طويل ان شاء الله
بعدها باذن الله حيجيلك رسالة تفيد بان عملية التحميل ناجحة ونقدر ندخل على نسخة الانيجما كما نريد
واذا ما جتش يبقى النسخة متحملتش عندكم على الجهاز
ويفضل اعادة تحميلها بنفس الطريقة ال ذكرناها
وخلوا بالكم كل نسخة او اغلبهم ليها كلمة مرور وباسورد للدخول الى ال ftp فياريت تاخدوا بالكم من النقطة دى قبل تحميلها
واليكم اخوانى الكرام الطريقة بالصور لتنصيب النسخة











ثانيا ازاله نسخه الانيجما 2 التى تم تنصيبها علي الترومان
لحذف النسخة لو اردت تغييرها لابد من استخدام بلجن WLTool
نفوم بفتح البلجن بالضغط علية ok ثم الدخول الية عن طريق الزر الاحمر
ثم نأتى للخيار الثالث Erase E2 ثم نضغط ok
سيأتى لنا رسالة تحذير مفادها انك ستقوم بمسح نسخة الانيجما 2 التى على الجهاز
وللموافقة اضغط على رقم صفر 0
بعد الضغط على 0 ستظهر رسالة تفيد بمتابعة عملية المسح ولن تأخذ اكثر من 10 ثوانى
بعدها ستأتى لك كلمة فى اخر الصفحة Done وهى اتمام عملية المسح وبكدة يبقى احنا مسحنا نسخة الانيجما 2 ال على الجهاز







وللدخول الى نسخة الانيجما والتحويل من الاسبارك الى الانيجما
حنقوم بغلق الريسيفر من الباور الخلفى
ثم الضغط على زر ok من واجهة الجهاز والباور الخلف مغلق
ثم قم بفتح الباور الخلفى وانت ضاغط على زر ok ستظهر فى واجهة الجهاز كلمة (Forc)
شيل ايديك من على زر ok ثم إضغط على الزر (ch+) حتلاقية كتب spark ودا للرجوع الى الاسبارك من واجهة الجهاز اضغط على زر (ch-) حتلاقية كتب Enigma ودا للدخول الى الانيجما من واجهة الجهازحتضغط على كلمة ok حيقوم بتحميل ملفات الانيجما ال قمنا بتحميلها من الفلاشة وحتلاقية بيعد ويجيب ارقام على الجهاز والعملية دى بتغيب حوالى 10 دقائق وبعدها حيكتب (SUCC)
ياريت تسيبوا الجهاز لحد ما يخلص تحميل ويديكم الرسالة

طب فى طريقة مشابهة لنفس الطريقة دى من الاسبارك لتحميل الانيجما لكن بدون الدخول الى البلجنات بس البلجنات مهمة برضة
حنعمل اية
حقولكم
سوفت الانيجما زى اى سوفت عادى بنحملة ولو قولنا انه زى سوفت الانقاذ يبقى كلنا حنعرف ان تحميلة سهل عن طريق الفلاشة او الطريقة اليدوية
بعد ما نحط السوفت على الفلاشة زى ما قلنا وسمناة enigma2
حنحط الفلاشة فى الريسيفر
ونقوم بغلق الريسيفر من الباور الخلفى ثم نقوم بالضغط على زر ok من واجهة الجهاز والباور الخلف مغلق
ثم قم بفتح الباور الخلفى وانت ضاغط على زر ok ستظهر فى واجهة الجهاز كلمة (Forc)
شيل ايديك من على زر ok ثم إضغط على الزر (V+) حتلاقية كتب U LD وسيقوم الجهاز بتحميل ملفات الانيجما ال على الفلاشة وحتلاقية بيعد ويجيب ارقام على الجهاز والعملية دى بتغيب حوالى 10 دقائق وبعدها حيكتب (SUCC)

ملحوظة هامة جدا
فى اغلب النسخ الانيجما الجديدة فى امر فى النسخة بيقوم بالتحويل بين الاسبارك والانيجما عن طريق الريموت مش عن طريق واجهة الجهاز كما ذكرنا من قبل


وبكدة اخوانى يبقى شرحت للاخوة المبتدئين اسهل طريقة لتنصيب الانيجما 2 على جهازهم
وكما ذكرت قبل ذلك ان فى اكثر من طريقة لتنصيب الانيجما2 ولكن دى من وجهة نظرى اسهلهم وامتعهم
وبراحة كدا على الاخوة المبتدئين ال لسة بيقولوا ياهادى وربنا يقويهم

وتقبلوا تحياتى وانتظرونى فى شروحات قادمة واكثر تشويق خاصة بالمبتدئين

[abuyouo]

بارك الله فيك اخي الكريم
شرح فوق الممتااااااااااااااز

[aliloz]

الله يباركلك ويديمها عليك نعمه

[Ahmed RZ]

ما شاء الله أخى الكريم محمد زيان شرح رااائع يا غالى تسلم وسلمت يداك

أفضل الانيجما عن السبارك وتقريبا كل تعاملى مع الجهاز دلوقتى على الانيجما2 جهاز(ترومان توب بوكس) وذلك للأسباب الاتية:
1- سرعة استجابة الريموت عن السبارك كأن نسخ الانيجما مصممة لهذا الجهاز.
2- سرعة التنقل بين القنوات مما لاحظت وجود فرق كبير عنه فى السبارك.
3- سرعة فتح القنوات المشفرة بمجرد ما اشغل القناة المشفرة تفتح فى لحظتها عكس السبارك القناة بتغيب شوية على ما تشتغل.
3- عرض جودات الصورة سواء 540 أو 720 أو 1080 بما فيهم 3D بطريقة صحيحة .
4- تشغيل ملفات **** مهما كانت الروابط معقدة وطويلة وبها رموز ومهما كانت صيغة الرابط وده عكس السبارك لازم الروابط ليها شكل معين وخالية من الرموز .
5- مع الانيجما تحس ان الجهاز خفيف ورائع فى ادائه لدرجة ان السبارك بالنسبالى بقى حاجة مملة واستخدمه فقط لو عاوز اشغل القنوات المشفرة بنظام الباورفيو PowerVu غير كده مش بستعمله
6- ويوجد الكثير من مزايا الانيجما برغم انه معقد فى التعامل معاه لكنى افضله عن السبارك بكل تأكيد

[ABOZIAD@AHMAD]

بارك الله فيك اخي الكريم
شرح فوق الممتااااااااااااااز

[who0ops]

وعليكم السلام ورحمة الله وبركاته

الله ينور يا باشمهندس
قد تجاوزت الحد المسموح به من الإبداع في هذا الموضوع
وحمستني لتجربة الأنيجما بعد حالة كسل طويلة الأمد
والأستاذ أحمد ما شاء الله زادني حماساً
فقمت بالتركيب وجاري التجريب
ملحوظة للأستاذ أحمد أعتقد powerVu يمكنه العمل الأنيجما
أرجو الإطلاع على هذا الملف

وإعطائي رأييك كخبير
فأنا يا دوب في أول خطوة بالتعرف على الأنيجما اليوم

وأستاذي الغالي محمد
طمعان بطلب من حضرتك ولك الحرية بالإيجاب أو الرفض
ممكن تشرح لنا طريقة تنصيب أيقونات القنوات Picons وهل ممكن نحول ايقونات انيجما لسبارك ؟
عشان كبار السن وضعف النظر لديهم
والف شكر مقدماً يا كبير القلب ووافي العطاء

دمتم بخير وسلامة وسعادة .

[Dr. Hazem Tamim]

المشاركة الأصلية كتبت بواسطة who0ops

وعليكم السلام ورحمة الله وبركاته

الله ينور يا باشمهندس
قد تجاوزت الحد المسموح به من الإبداع في هذا الموضوع
وحمستني لتجربة الأنيجما بعد حالة كسل طويلة الأمد
والأستاذ أحمد ما شاء الله زادني حماساً
فقمت بالتركيب وجاري التجريب
ملحوظة للأستاذ أحمد أعتقد powerVu يمكنه العمل الأنيجما
أرجو الإطلاع على هذا الملف

وإعطائي رأييك كخبير
فأنا يا دوب في أول خطوة بالتعرف على الأنيجما اليوم

وأستاذي الغالي محمد
طمعان بطلب من حضرتك ولك الحرية بالإيجاب أو الرفض
ممكن تشرح لنا طريقة تنصيب أيقونات القنوات Picons وهل ممكن نحول ايقونات انيجما لسبارك ؟
عشان كبار السن وضعف النظر لديهم
والف شكر مقدماً يا كبير القلب ووافي العطاء

دمتم بخير وسلامة وسعادة .

طريقة عمل البور فيو على الانيجما معروفة ولكن موضوع انها عن طريق Streaming ده فعلا عايز دوشة وانت عايز تتفرج وتتبسط مش تتكدر
وبالنسبه للايكونات بتاعة القنوات موجودة فى سبارك لكم مش مظبوطة فى كل القنوات ولما تجيب ال tv wall setting
فى miscellaneous setting فيه اوبشن انك تجبهم اونلاين او من الفلاشة جرب حطهم على الفلاشة وشوف بصراحة انا ما جربتش قبل كده وشغال على الاوتوماتيك يتاع سبارك

[م/محمدزيان]

المشاركة الأصلية كتبت بواسطة who0ops

وعليكم السلام ورحمة الله وبركاته

الله ينور يا باشمهندس
قد تجاوزت الحد المسموح به من الإبداع في هذا الموضوع
وحمستني لتجربة الأنيجما بعد حالة كسل طويلة الأمد
والأستاذ أحمد ما شاء الله زادني حماساً
فقمت بالتركيب وجاري التجريب
ملحوظة للأستاذ أحمد أعتقد powerVu يمكنه العمل الأنيجما
أرجو الإطلاع على هذا الملف

وإعطائي رأييك كخبير
فأنا يا دوب في أول خطوة بالتعرف على الأنيجما اليوم

وأستاذي الغالي محمد
طمعان بطلب من حضرتك ولك الحرية بالإيجاب أو الرفض
ممكن تشرح لنا طريقة تنصيب أيقونات القنوات Picons وهل ممكن نحول ايقونات انيجما لسبارك ؟
عشان كبار السن وضعف النظر لديهم
والف شكر مقدماً يا كبير القلب ووافي العطاء

دمتم بخير وسلامة وسعادة .

والله ياغالى انت ال بتحرجنى بردودك الجميلة
وطلباتك عليا اوامر
ان شاء الله ارجع من شغلى انهاردة احضر لك اكبر شرح رائع لتحميل البيكونات وكيفية تحميلها اتوماتيكيا لجهازك
وعلشان خاطر عيونك حعملك شرح روسى محصلش قبل كدا
بس اتمنى انك تنتظر من رجوعى من الشغل
وان شاء الله يعجبك الموضوع

[م/محمدزيان]

المشاركة الأصلية كتبت بواسطة ABOZIAD@AHMAD

بارك الله فيك اخي الكريم
شرح فوق الممتااااااااااااااز

اخى الغالى ابوزياد انت بتزيدنى شرف بمرورك على موضوعاتى
شكرا لك اخى لمرورك الكريم

المشاركة الأصلية كتبت بواسطة abuyouo

بارك الله فيك اخي الكريم
شرح فوق الممتااااااااااااااز

اخى الكريم ابويويو نورت اخى وشكرا لك على ردك الكريم

المشاركة الأصلية كتبت بواسطة Ahmed RZ

ما شاء الله أخى الكريم محمد زيان شرح رااائع يا غالى تسلم وسلمت يداك

أفضل الانيجما عن السبارك وتقريبا كل تعاملى مع الجهاز دلوقتى على الانيجما2 جهاز(ترومان توب بوكس) وذلك للأسباب الاتية:
1- سرعة استجابة الريموت عن السبارك كأن نسخ الانيجما مصممة لهذا الجهاز.
2- سرعة التنقل بين القنوات مما لاحظت وجود فرق كبير عنه فى السبارك.
3- سرعة فتح القنوات المشفرة بمجرد ما اشغل القناة المشفرة تفتح فى لحظتها عكس السبارك القناة بتغيب شوية على ما تشتغل.
3- عرض جودات الصورة سواء 540 أو 720 أو 1080 بما فيهم 3D بطريقة صحيحة .
4- تشغيل ملفات **** مهما كانت الروابط معقدة وطويلة وبها رموز ومهما كانت صيغة الرابط وده عكس السبارك لازم الروابط ليها شكل معين وخالية من الرموز .
5- مع الانيجما تحس ان الجهاز خفيف ورائع فى ادائه لدرجة ان السبارك بالنسبالى بقى حاجة مملة واستخدمه فقط لو عاوز اشغل القنوات المشفرة بنظام الباورفيو PowerVu غير كده مش بستعمله
6- ويوجد الكثير من مزايا الانيجما برغم انه معقد فى التعامل معاه لكنى افضله عن السبارك بكل تأكيد

أ احمد حبيبى الغالى والله انت بتشرفنى لملحوظاتك الرائعة
وفعلا اجهزة البريمير1+ والتوب بوكس
على حسب ظنى لم تصنع الا للعمل فى بيئة الانيجما 2 الفوق رائعة
والاخوة الكرام فى قسم الانيجما مش بيبخلوا علينا بالصور الجميلة والمعدلة وفعلا سرعتها تفوق سرعة الاسبارك والتعامل معة بكثير
واتمنى من الجميع تجربة الانيجما
واتمنى ايضا تنشيط قسم الانيجما بالقسم بالردود والمواضيع
على هذا الرابط

[who0ops]

الرائعون أمثالكم كالكنوز الثمينة لا نصنعهم بل نبحث عنهم لنحتفظ بهم للأبد فسلامي بمقدار احترامي وحبي لكم ممزوجآ بود الوفاء

دكتور حازم :

ما تسطره بيدك الكريمة مختصر مفيد واضح وتام
فعلاً تشربت من حضرتك الفكرة والتعليل بثواني
الله يحرسك و أحبتك ويجمعكم في جنة خلد
تقبل إحترامي.


باشمهندس محمد :

ونعم الرجل الراعي لنا والموجه
تسلم على جبر خاطري وقبول طلبي براحة وترحاب راقيين
على مهلك وفي سعة من وقت حضرتك أكمل إبداعك
وكلي لهفة للقادم
جزاك الله عني خير أكثر مما تعد وتُحصي .
وفُتحت لك أبواب الجنة الثمانية تدخل من أيها تشاء
اللهم أمين .

[aboharb]

شرح جميل وسهل بس المهم انا مش من هواة انى انزل اى نظام تشغيل وبعدين امسحه لعيب بجوده النسخة عشان كده ممكن ترشحلنا نسخه للتوب بوكس من قسم الانجيما او الخيار الاصعب انك ترفع النسخه بتعتك

[سعيدياهوو]

ممكن سوفت الانجما 2

[سعيدياهوو]

أرجو نسخة الانيجما 2 للترومان توب بوكس التي سأضعها في الفلاشه ولكم جزيل الشكر
أرجو نسخة الانيجما 2 للترومان توب بوكس التي سأضعها في الفلاشه ولكم جزيل الشكر
أرجو نسخة الانيجما 2 للترومان توب بوكس التي سأضعها في الفلاشه ولكم جزيل الشكر
أرجو نسخة الانيجما 2 للترومان توب بوكس التي سأضعها في الفلاشه ولكم جزيل الشكر

[المحروس 5]

ومازال الابداع متواصل
استاذنا الكريم , محمد زيان
بصراحة مش ملاحقين على مواضيعك الرائعة , نحن نلهث ورائك , وبتعبير المواضيع الخاصة بالقنوات : هنجنا من التعب
بصراحة , كلمات الشكر وكلمات التقدير لا توفيك حقك , فانت احق بما هو اكبر من ذلك بكثير

[IMG]

[/IMG]

[المحروس 5]

المشاركة الأصلية كتبت بواسطة Ahmed RZ

ما شاء الله أخى الكريم محمد زيان شرح رااائع يا غالى تسلم وسلمت يداك

أفضل الانيجما عن السبارك وتقريبا كل تعاملى مع الجهاز دلوقتى على الانيجما2 جهاز(ترومان توب بوكس) وذلك للأسباب الاتية:
1- سرعة استجابة الريموت عن السبارك كأن نسخ الانيجما مصممة لهذا الجهاز.
2- سرعة التنقل بين القنوات مما لاحظت وجود فرق كبير عنه فى السبارك.
3- سرعة فتح القنوات المشفرة بمجرد ما اشغل القناة المشفرة تفتح فى لحظتها عكس السبارك القناة بتغيب شوية على ما تشتغل.
3- عرض جودات الصورة سواء 540 أو 720 أو 1080 بما فيهم 3D بطريقة صحيحة .
4- تشغيل ملفات **** مهما كانت الروابط معقدة وطويلة وبها رموز ومهما كانت صيغة الرابط وده عكس السبارك لازم الروابط ليها شكل معين وخالية من الرموز .
5- مع الانيجما تحس ان الجهاز خفيف ورائع فى ادائه لدرجة ان السبارك بالنسبالى بقى حاجة مملة واستخدمه فقط لو عاوز اشغل القنوات المشفرة بنظام الباورفيو PowerVu غير كده مش بستعمله
6- ويوجد الكثير من مزايا الانيجما برغم انه معقد فى التعامل معاه لكنى افضله عن السبارك بكل تأكيد

كنت قد توجهت بسؤال لاخى الفاضل , استاذ احمد / Ahmed RZ , على هذا الرابط , ياريت التفضل بالرد
http://www.masrawysat.com/vb/showpos...7&postcount=69