[م/محمدزيان]

أحبابى أعضاء منتديات مصراوي سات أهلا بكم

(¯`·._كيفية تشغيل التايم شيفت لاخوانى الكرام بالتفصيل _.·´¯)



اخوانى الكرام اليكم طريقة تشغيل التايم شيفت للجهازين العملاقين الترومان
بريمير1+ والتوب بوكس
اولا اخوانى تعريف خاصية التايم شيفت !!
هى خاصية متواجدة فى الاجهزة المذكورة وظيفتها اننا من الممكن ان نوفق صوت الراديو مع صورة القناة ال على الجهاز
بمعنى اننا لو بنتفرج على قناة على الاوروبى بتعليق اجنبى وعايزين نسمع التعليق العربى
الطريقة هى تشغيل رايو البين سبورت على الكمبيوتر من موضوع (راديو البين سبورت) فى المنتدى وطبعا احنا مشغلين الصورة على الريسيفر
وفى الاغلب الصوت من الكمبيوتر بيكون متأخر عن الصورة ال فى الريسيفر
فوظيفة التايم شيفت هى تقديم الوقت وتأخيرة حتى التوافق بين الصوت والصورة
ووظيفة اخرى للتايم شيفت اننا ممكن نتفرج على اى فيلم معروض فى الريسيفر بعد وقتة بفترة شرط يكون الريسيفر شغال والخاصية مفعلة

نأتى للشرح البسيط لكل احبائى الكرام
اولا لابد من وجود فلاشة موصلة بالريسيفر فى ال usb
بعدها نذهب الى الريسيفر لتشغيل الخاصية وتفعيلها
سيتم الذهاب الى
القائمة ثم النظام ثم سيظهر عندنا بعد توصيل الفلاشة PVR/HDD Setting ثم يمين اعدادات التايم شيفت
وفيها
سنقوم بتغير السطر الاول وفتح الخاصية بتغيرها من غلق الى فتح
ثم النزول ال السطر الثانى واختيار مكان حفظ الملفات على الفلاشة انا تركتة كما هو لعدم وجود فائدة
ثم النزول الى السطر الثالث والاخير وتغيير توقيت تخزين الفيديو انا جعلتة 150 دقيقة وهى حتفرق فى المحمل على الفلاشة والتوقيت دا مش مهم لدرجة كبيرة فممكن تجعلة 15 دقيقة او 30 دقيقة
وبعد ذلك عمل خروج وحفظ العمل
اما بعد ذلك اخوانى فهو وظيفة الريموت
طبعا من الريموت لتشغيل التايم شيفت وتظبيط التوقيت
حنضغط على زر التايم شيفت فى اسفل يسار الريموت من تحت وحتلاقى مكتوب علية TimeShift
حيظهر على الشاشة شريط وبه توقيت
لتظبيط الصوت كما ذكرنا مع الصورة او العكس يقال
حنشتغل بزر تعلية الصوت وخفضة بشرط ان يكون الشريط ظاهر على الشاشة
طب حنعمل اية لو الشريط اختفى ودا طبيعى حنظهرة ازاى
حنضغط على زر انفورميشن او INFO من الريموت حيظهر شريط الخاصية على الشاشة وحنبدأ نقدمها او نأخرها على حسب الصوت والصورة عندنا
وكما ذكرت هى لتظبيط الصوت من الكمبيوتر على الصورة على الريسيفر
وطبعا دى تنفع معانا لو بنتفرج على ماتش على قمر اجنبى وبتعليق اجنبى مع راديو البين سبورت ال على المنتدى كما ذكرت فى اول الموضوع
واليكم الصور الخاصة بشرح الخاصية واتمنى ان الجميع يكونوا استفادوا بالموضوع









والى لقاء اخر وشروحات اخرى مميزة ومفيدة
مع السلسلة العظيمة الف باء ترومان
وتقبلوا فائق تحياتى واحترامى لكم جميعا
اخوكم محمد زيان
وشكرا للجميع
ولا تنسونى من دعائكم

[ABOZIAD@AHMAD]

مجهود رائع ومميز ياجميل

تسلم الايادى

[م/محمدزيان]

المشاركة الأصلية كتبت بواسطة ABOZIAD@AHMAD

مجهود رائع ومميز ياجميل

تسلم الايادى

شكرا لمرورك ابوزياد
ومواضيعى بتنور بردودك
سلمت اخى الكريم

[islamkd]

بارك الله فيك اخى م محمد زيان

Sent from my SM-N9005 using Tapatalk

[م/محمدزيان]

المشاركة الأصلية كتبت بواسطة islamkd

بارك الله فيك اخى م محمد زيان

Sent from my SM-N9005 using Tapatalk

شكرا لك اخى على مرورك

[eljooker]

تسلم ايدك شرح ممتاز

[طارق العشري]

شكرا اخى هل يعمل التايم شفت على الانيجما . وماهى الطريقه لو امكن

[eng.sherbiny]

بس لى سؤال
هل كل المدة اللى هتفرج عليها بالتايم شيفت هتتسجل على الفلاشة

[Ahmed_asaad]

يا باشا انا عندى زرار اسمه time اعلى الريموت على اليسار ولما بدوس عليه كانه بيحول القناه بس مبيجبليش شريط كانه بيسجل ولا حاجه كانه بس بيحول لنفس القناه الجهاز truman premier 1 plus

[Dr. Hazem Tamim]

المشاركة الأصلية كتبت بواسطة Ahmed_asaad

يا باشا انا عندى زرار اسمه time اعلى الريموت على اليسار ولما بدوس عليه كانه بيحول القناه بس مبيجبليش شريط كانه بيسجل ولا حاجه كانه بس بيحول لنفس القناه الجهاز truman premier 1 plus

هات الشريط من زرار info

[Ahmed_asaad]

مش بيجى خالص

[Ahmed_asaad]

ولما بدوس 11 الصوره بتقف بس ادوس بلاى يكمل على الحالى مش بيكمل على الموجود يعنى بيعرض مباشر فاصبحت فايدتها انى اوقف الصوره بس

[Ahmed_asaad]

على فكره انا جهازى truman premier 1 plus

[tarekabdelwahab]

اشكرك اخى على الموضوع ولكن الموضوع يتقصه كيفيه الحصول على راديو البين سبورت وتوصيل الكمبيوتر بالتليفزيون عن طريق كابل اوديو فقط وتزع كابل الاوديو بتاع التليفزيون من الرسيفر

[برشلونى للابد]

شكرا ليك ياغالى
بس انا مش بتظبط معايا لما اجى ااخر الوقت بيجيب من الاول
عموما
هل ممكن اوقف الصورة لحد ما الصوت يوصل وبعد كده اشغلها ؟
من انهى زرار لو ممكن ؟