[angola2010]

انا عارف ان ظهور الشكل n5 في وحدات التحريك معناها ان الموتور وصل لاخره او تخطى الليمت ( وصل لليمت يعني ) ، انما يظهر لي كل شوية و انا باحرك الدش ؟!! ده معناه ايه ؟؟!
يعني انا لما اكون على النايل سات و رقمه في وحدة التحريك 1 و لما احرك الطبق للعاموس رقم 2 ، ساعات يشتغل تمام التمام و ساعات يمشي سنة و يقف و يظهر لي الشكل ده n5 و عشان احركه للتركي مثلا اللي رقمه في وحدة التحريك 22 افضل اضغط ضغطة ضغطة و اقعد أعد عدد الضغطات في نفس الوقت عشان اعرف اوصل لل42 شرق
مع العلم اني غيرت السلك بنوع متين و أحسن و جربت وحدة التحريك تانية و مافيش فايدة ، وواحد فني نصحني بتغيير السنسور بس قال ده مش هيحل المشكلة برضو !!! لأنه ساعات يشتغل و ساعات يقف و لو السنسور بايظ ما يعملش كده
يا ترى الحل الأكيد بإذن الله هو تغيير السنسور و لا في حل تاني ؟
ساعدوني ، الله يكرمكم ، و آسف للإطالة و شكرا

[Cairo Sat]

بص حبيبى كل مشكله بأمر الله ولها حل
مشكله N5 او Erorr
سببها ان طرفى السينسور مش واصلين
بالبوزشنر وممكن يكون المشكله من السينسور نفسه
عموما الاول قبل كل شىء
خد حته سلك متر او مترين وخد معاك البوزشنر
وجرب فوق عند الطبق وشوف هيعمل معاك أيه لو تمام
نظف مكان طرفى السينسور فى البوزشنر
وقشر السلك من جديد وجرب
ولو جربت فوق ولاقيت نفس المشكله
غير السينسور
وأن شاء الله تتحل معاك المشكله
ملحوظه مهمه جدااا
ممكن يكون الموتور بيتحرك ببطىء مع الطبق
او يكون مربوط بأحكام جدا فابالتالى لازم تظهر المشكله دى
وأنا أرجح السبب الاخير
تحياتى.

[angola2010]

أولاً : أشكرك يا أخ Cairo Sat على الرد السريع
ثانياً : المفاجأة أني جربت كل حاجة ، غيرت وحدة التحريك ، أخدت السلك نفسه كله فوق عند الطبق و جربته كذا مرة و طلع زي الفل ، و مافيش حاجة مضايقة الطبق و آخد راحته على الاخر ، و كمان قمت بتزييت جميع المفاصل اللي موجودة في الموتور و الطبق عشان يتحرك براحته ، و لما نزلت تحت اتحرك تمام و بيقف عند مكانه المحقوظ في الوحدة و بعدها بفترة سواء ساعات او ايام يرجع يمشي سنة و يقف و يظهر الشكل n5 ، و بعدين كل فترة يجنني ساعات يشتغل تمام و ساعات يقف لوحده

معلش سامحني الكلام كتير بس و الله انا محتار و عايز اعرف الحل ايه ؟
مكونات الدش المتحرك مش متوفرة في محافظتي و هاضطر ابحث عليه في المنصورة زي ما الأخوة الأفاضل في المنتدى قالوا لي ، بس يا ترى لو غيرت السينسور هتتحل المشكلة نهائي ؟

[Cairo Sat]

بس يا ترى لو غيرت السينسور هتتحل المشكلة نهائي ؟

ان شاء الله يا غالى

[mostafa osman]

عن تجربة اخى وبعد عمل كل الشئ غير السنسور وكله هيبقى تمام المشكلة فقط فى السنسور

[angola2010]

شكرا لكم يا Cairo Sat و يا mostafa osman
هابحث عن السينسور و لما اركبه هاقول لكم عليه و شكرا مرة اخري

[احمد 1985]

السينسور دة شكله عامل ازاى

[mahmoud_zahran]

هتلاقي مغناطيس مدور بيلف مع حركة الموتور هتلاقي السنسور جنبه ومشبوك فيه طرفين سلك

[eslam8090]

[QUOTE=mahmoud_zahran;7819159]هتلاقي مغناطيس مدور بيلف مع حركة الموتور هتلاقي السنسور جنبه ومشبوك فيه طرفين سلك[هل يوجد سنسور جديد يباع بمفردة وكم الثمن

[Cairo Sat]

المشاركة الأصلية كتبت بواسطة احمد 1985

السينسور دة شكله عامل ازاى

[خالد ستار]

Cairo Sat
كبار الشخصيات


عملاق استاذ احمـــد عاشور ولك وحشه كبيره أخى الغالى

تحياااااتى لك وكل عام وأنت بألف خير ...

[حماد]

كما قال الاخوة الكرام ... المشكلة هنا تكمن فى السنسور....

ولكن هل بالفعل تاكدت من وصلات السنسور فى علبة الماتور والبوزشنر او وحدة التحريك..

[Cairo Sat]

خالد ستار

تسلم حبيب قلبى
كل سنه وانت بألف خير