[NOOR SAT]

بسم الله الرحمن الرحيم

كل مرة باحاول اساعد او انزل بمعلومة جديدة ..

المرة ده بقة محتاج من خبراء صيانة وحدات التحريك حل المشكلة ده

انى كسلت اطلع للطبق و اساعد البوزشنر فى ارجاع الطبق لان الجو برد

والساعة 3 بالليل وفوقى 7 ادوار لسة هاطلع ..

والطبق واقف قرب 100 شرق

المهم قعدت انزل ماينزلش وعافية وادوس وكدة لحد ماحلف انه مايتكش
الصوت بتاع اليمين تانى .. وبقى شمال بس

ده صورة بوردة الوحدة الجنتك 9900 صورتها لعل حد يفيدنى





وبالبحث لقيت الكلام ده بس للاسف الصور راحت ..

(وحدة التحريك بتحرك الطبق فى اتجاه واحد.
الاصلاح وهو وجود سويتش لونه ازرق فى البوردة مع اختلاف البورد فمنها اسود ايضا وهو ريليه فقوم بتغيره)

ولقيت برضه (الاحتمال الاخير والممكن حدوثة هو تلف القطعة المسؤلة عن العدد والتحريك بوحدة التحريك
وتسمى العازل الضوئى او الفتو كبلر pc317 وهى المسؤلة عن انتظام حركة المتور وتلفها يادى الة هذا العطل
ويجد تغيرها بجديد وهى اخر حاجة ممكن تشوك فى تلفها بعد فحص جميع الاجزاء و التوصلات التى تكلمنا فيها)

ارجو اللى عنده خلفية يفيدنا .. ولكم خالص الشكر والتقدير

[waelhshmat]

لو سمحت ممكن تحديد مكانها الخلية الضوئية pc317 على البوردة بالضبط

[waelhshmat]

فين اهل الخبر لا يوجد رد منهم

[الحاج شريف]

المشاركة الأصلية كتبت بواسطة waelhshmat

فين اهل الخبر لا يوجد رد منهم

الحقيقه حضرتك من خيرة أهل المنتدى
لكن أنا مش عارف هل عندك الخلفيه الكافيه لقياس وتغيير المكونات
فى الرسم اللى أنا شارح عليه حتجد الفكره الأساسيه للتحريك
الأمر بيطلع من الآى سى الكبيره فى نص الرسم وهى الكونترول الرئيسى للوحده إلى أحد الريلايهات المسئوله عن التحريك اللى اناكاتب عليه R1 أوR2
بحسب حضرتك عايز تحركه يمين أو شمال
لكن علشان التياراللى طالع من الآى سى قليل فيلزمه "درايفر " وهو عباره عن ترانزستور له 3 أطراف واحد منها متوصل بالريلاى وواحد بالكونترول عن طريق مقاومه .
المطلوب لتحديد العطل
أولا بالتجربه يمكن معرفه الريلاى الذى لا يعمل من صوت التكه عند وضع يدك عليه
ثانيا مقارنه قياساته بقياسات دائرة الريلاى الآخر وهى تشمل الترانزستور وملف الريلاى و الدايوود الموضوع ع التوازى مع ملف الريلاى
وبالصبر إن شاء الله يمكنك تحديد الجزء العاطل وبالتالى تغييره بالمثيل
لكن إذا كانت قياسات الدائرتين متطابقه فهنا يمكن أن يكون العطل فى الكونترولر
ومشكله الكونترولر أنه يحتاج لبرمجه بمعنى ممكن تشترى واحد جديد من السوق لكنه لا يعمل بدون تحميل برنامج التحريك عليه
أرجو أن أكون وصلت الفكره ولم أزد الأمر تعقيدا
والله أعلم
تحياتى أخى العزيز

[tavktavk]

انا عندي وحده تحريك جينتك بتشتغل علي الريموت وتمام لكن الريموت مش بتحريك ولا شمال ولا يمين معاني الزرير سليمه بتاعت الريموت الي هما الاسهم اليمين والشمال لكن مش بيشتغلو علي الوحده ارجو الحل