[م / وليد هانى]

مصـراوى ســات

انهارده هنتكلم عن موضوع مش جديد
وهو شرح سوفت المعالج ali
وفى ظل ان شغلنا بيحكم نعدل ريموت
او ملف قنوات او تغيير اوبشن ... الخ
بلاقى بعض الاخوة مش عارفين مكونات السوفت ايه
او المنطقة المسؤلة عن ( س ) ايه هى
وبيفضل يعدل ويلعب فى السوفت كله
وحتى لو اشتغل اكيد هيكون به خلل ما نتيجة العبث ده
والجديد انى هشرح بالتفصيل كل منطقة فى السوفت
للاخوة اللى ميعرفوش وبذكر الاخوة اللى على دراية بهذا
على بركة الله نعتمد

نتعرف الاول على مكونات السوفت من الداخل
boot loadr
common data
tuner drive
main code
logo
user db 64×64

boot loadr
لكل شئ بداية او بوابة وبوابة اى سوفت boot loade
وهى بمثابة كلمة السر للسوفت وللجهاز
بمعنى ان حضرتك عايز تمرر سوفت للجهاز
وبمجرد وضع السوفت داخل اللودر والضغط على بدء السوفت
يبدأ اللودر فى تمرير ***** السوفت اللتى به على هيئة بيانات
الى الجهاز ثم يستقبل الجهاز هذه البيانات ويحللها عن طريق المعالج
والفلاشة فى نفس ذات الوقت للتأكد من صحتها حتى لا يسقبل الجهاز
اى سوفت اخر غير خاص به وبمجرد التأكد من ان البيانات صحيحة
ومناسبة للجهاز على الفور يعطى البروسيسور اوامر الى اللودر
بالسماح له بتمرير باقى اجزاء السوفت اللى هنشرحها فيما بعد
وعشان كده اللودر فى اول خانة بعد الانتظار لمدة حوالى 3 ثوانى
بيكتبلك done يعنى تم الموافق او تم السماح
وعشان كدا بعض الشركات بتعمل حماية على المنطقة دى
لعدم العبث الا من خلالهم هم فقط
وبكدا يبقى عرفنا اهمية boot loadr ووظيفته

common data
اذا فتحنا اى سوفت عن طريق برنامج act المعروف
ووقفنا على بند common data ونظرنا الى الخانات
سوف نجد الاتى
بيانات الريموت - بيانات الفرونت بانل
يعنى تقدر تقول ان المنطقة دى
مركز تعديل التحكم اليدوى للانسان بالجهاز
مثال
عايز تعدل ريموت لجهاز ماركة ( س )
واللى هو بالاساس يعمل بريموت فيجا 111
وانته عايز تشغله بريموت دريم الصف واحد
يبقى الطبيعى هتجيب سوفت الجهاز وتضعه فى برنامج act
وتدخل على خانة common data وتكون محضر مسبقا
قيم ريموت الصف واحد من اى سوفت وتضعها فى البرنامج
وتبدا تدمجها بالسوفت ثم تمرر السوفت للجهاز
على وضع common data وليس على اى وضع اخر
لان المنطقة اللى انته عدلت به common data
والجهاز مش هيتغير فيه غير جزء common data فقط
اللى حضرتك عدلته
يعنى ملقيش حد معدل ريموت ويروح يمرر السوفت على
user db مثلا هههههه
اتفقنا حضراتكم على النقطة دى
وللعلم تقدر تتحكم فى اضائة الفرونت بانل والكتابة اللى بتظهر
وترتيب البرست وده انا شرحتها قبل كدا
وهى دى الـ common data

tuner drive
بداخل كل جهاز
علبة تيونر اشارة او ايسى اشارة مربع صغير
هذا البند خاص ببيانات هذا الايسى او هذه العلبة
لان زى ما احنا عارفين ان لكل ايسى داتا شيت
وبياناته تختلف من ايسى لاخر
وعن طريق هذا البند داخل السوفت تقدر
تخلى الجهاز يعمل باى ايسى اشارة او علية تيونر
بتاعة جهاز تانى مع مراعاة الداتا شيت وبعض الاشياء الاخرى
دون الدخول فى تفاصيل عشان اخلى ذهنك صافى معايا
وان بيانات التيونر الموجودة بالسوفت
يجب ان تطابق بيانات ايسى الاشارة الموجود داخل الجهاز
عشان كدا بعض الاخوة لما بيعدلوا ريموت ببرنامج act
بيفصل اشارة منهم وده سببه ان بعض برامج الاكت
بتكون ناقصة قييم ايسهات بعض الاجهزة
فبتالى الجهاز لما بيجى يحفظ بيترك خانة tuner drive
فاضية عشان مش مدمجه به بيانات الايسى بتاعة الجهاز
ودى وظيفتها الوحيدة ومنصحش باللعب بالبند ده كتير
عشان الاجهزة الصينى زى ما انتو عارفين صحتها على قدها
( اه بتشرب سجاير ههههه )

main code
جينا لاخطر منطقة بالسوفت
ليه ؟!!!!!
عشان المنطقة دى تحتوى على الاتى
اوبشن الجهاز بالكامل - بيانات رابط اوامر الجهاز كلها -
لغة الكتابة - فرجن الجهاز
يعنى تقدر تقول 65% من السوفت
واقل غلطة الجهاز مش هيشتغل اساساً
مع العلم ان اى بند اخر الجهاز ممكن يقوم ويشتغل
رغم ان السوفت هيكون ناقص
لكن منطقة main code تختلف اذا حدث اى تعديل بها
ولو بسيط الجهاز لن يعمل مطلقاً
وعشان كدا التعديل فيها يكون بحذر
رغم انى معتقدش ان حد هيحتاج يعدل فيها
الا اذا كان هيعدل الاوبشن او اى شئ من السابق ذكره
مع العلم اننا ممكن ندمج main code جهاز
لجهاز أخر لكن بشرط يكون فى تشابه بينهم
وده طبعاً هيحتاج خبرة فى برنامج الهيكس
ودى قصة يطول شرحها دون الدخول فيها

logo
من قراءة الكلمة لاول مرة وترجمتها
هيتضح لنا انها تخص صورة او شئ من هذا القبيل
وهى فعلا كذلك
تخص خلفية الجهاز وهذا فى حال
ان حضرتك عايز تعدل خلفية السوفت سواء
للدعاية او للتغير .... الخ
وتعديل الخلفيات له طرق كثيرة وحسب الجهاز
لان فى بعض الاجهزة لها طرق خاصة فى التعديل
وده تم شرحه بواسطتة بعض الاخوة الكرام
سواء ببرنامج act او برنامج معاينة الخلفية ... الخ
وانا بعتبر وضع logo ده ترفيهى
يعنى مش بيأثر كتير على جودة السوفت

user db 64×64
90% من حضراتكم تعرف البند ده يخص ايه
لان ده اكتر جزء فى السوفت بنعمل عليه بحكم عملنا
والجزء ده الخاص بحفظ القنوات
وطبعاً بيختلف من جهاز لتانى فى عدد السيكتورات
وبيكون على هيئة إندكسات مثل
4ff90-dff90-bff90-8ff90-cff90-7ff90-6ff90-5ff90
او
4ff80-dff80-bff80-8ff80-cff80-7ff80-6ff80-5ff80
وده طبعا على حسب البرنامج اللى انته بتشتغل به
يعنى فى الهيكس الاندكس هيكون أخره 90
وفى برنامج الدمج الجديد هيكون أخره 80
المهم ان هذه المنطقة من السوفت
خاصة بتعديل القنوات فقط وبيتم تعديل
قنوات اى جهاز حسب اندكس السوفت الخاص به
وطبعا بعد التعديل بيتم تمرير الملف من اللودر
على وضع userdb

نرجو الدعوة الصالحة
والقادم أفضل

[مارك عزت]

ممـــــــــــتاز

[@أشرف عباده@]

جزاك الله خيرا اخي

[محمود صبرى1]

جزاك الله خيرا اخي وليد

[SHERFFAHMY]

والله زمان استاذ وليد فين الحاجات الحلوة دى

[م/احمدسليمان]

روعة يا غالى

[م / وليد هانى]

تسلموا على مروركم العطر
تحياتى ليكم جميعاً

[م \ رامى الاسناوى]

تسلم يا تيتو

شرح فى منتهى الابداع والروعة

[المهندس سـات]

[محسن اللبان]

تسلم ايدك يانجم بارك الله فيك

[شعبان جمعة]

يا سلام عليك يا تيتو
شغل عالى وده اللى اتعودنا عليه منك دايما
بالتوفيق ياغالى

[تامر مسعد]

جزاك الله خيرا

[اشرف عمار]

تسلم يا تييتووووو

مش جديد عليك الابداع ياغالى

مثبت لفتره ثم ينقل لقسم الشروحات

طلب يا تيتووو
عمل موضوع لشرح تعديل المعالج aliللاوبشن الجديد

تسلم ياغالى على كل جديد

[م / مدحــت الـكـيـنـج]

تسلم يا كبير على الشرح الوافى

[جمال سمير85]

بارك الله فيك