[م / وليد هانى]

انهارده ان شاء الله هشرح لأخواتنا المبتدائين وهواة التعديلات
خبايا السوفت الصينى معالج ali بالتفصيل
وده هيساعدك انك تدمج وتعدل وتبتكر سوفتات جديدة لجهازك
ومش هتحتاج حد يعدلك واهم شئ ركز فى كل جزء هشرحه
كوباية شايك الجميلة ويلا على الشرح

اولاً : بعض المصطلحات الهامة
السيكتور
السيكتور هو مكان لحفظ جزء ما من بيانات السوفت
واحيانا السيكتور الواحد ممكن يحمل بداخله بيانات لحرف واحد
وبتجميع الاف وملايين السيكتورات مع بعض
الناتج يكون دمج وتكملة السيكتورات لبعض وبالتالى يعطينا
السوفت كامل كما نراه
................
الإندكس
الإندكس هو عنوان لجزء ما من بيانات السوفت داخل السوفت
لجعل اوامر السوفت عند التشغيل اسهل على البروسيسور والمبرمج
................
الأكت او ACT
الأكت هو عبارة عن برنامج يتم وضع السوفت بداخله
ويقوم بتقسم كل جزء فى السوفت فى صفحة خاصة لوحدها
ليتم التعديل عليها سواء كان ريموت او بيانات التيونر او الفلاشة .. الخ
................
الهيكس
الهيكس هو عبارة عن برنامج يتم وضع السوفت بداخله
ويقوم بتحويل بيانات السوفت الى سيكتورات وارقام وحروف
للتعديل عليه وطبعا برنامج يعتبر من ضمن برامج الهندسة العكسية
وله استخدامات كثيرة ولكن اغلب استخدامته لدمج القنوات
................
برنامج الدمج الجديد
برنامج الدمج الجديد هو عبارة عن برنامج يتم وضع السوفت بداخله
وشبيه لبرنامج الاكت لدرجة كبيرة ولكن بواجهة مختلفة
وله استخدامات كثيرة ولكن اغلب استخدامته لدمج القنوات

ثانياً : مكونات السوفت

all code
boot loader
logo
tuner driver
common data
main code
userdb64+64


ثالثاً : وظيفة مكونات السوفت
all code
هو الوضع الذى يقوم فيه اللودر بإختيار جميع سيكتورات
السوفت لتمريرها بالكامل الى الريسيفر
..............
boot loader
لكل قفل مفتاح ومفتاح السوفت هو البوت لودر
وهو المسؤل الاول والاخير عن حماية السوفت
واول نبضة من البروسيسور لسلسة اوامر تقويم الجهاز
ونصيحة عدم العبث به
لانه ممكن يعطل الجهاز بالكامل ( لمبة حمرا )
..............
logo
من اسمه باين انه خاص بالصور
وطبعا الجزء الوحيد اللى به صور داخل السوفت
هو خلفية الجهاز وتقدر تعدل الخلفية من هذا البند
عن طريق برامج تعديل الخلفية ودى هبقى اشرحها
بالتفصيل فى موضوع منفصل بإذن الله
..............
tuner driver
هو الجزء الخاص بكل شئ متعلق بإشارة القنوات للسوفت
ويحمل بداخله قيم ايسى التيونر واعدادات التيونر واى اختلاف
داخل هذه القيم عن الموجودة بالريسيفر بيفصل اشارة
ويجب التعامل مع هذا البند بحرص
..............
common data
هذا البند خاص بنوع الريموت واوامر الزراير الخاصة به
وتقدر تعدل اى ريموت يعجبك على السوفت الخاص بك
عن طريق جلب قيم الريموت الجديد ودمجها داخل
السوفت فى هذا البند سواء عن طريق الهيكس او الاكت
..............
main code
وده أهم جزء فى السوفت كله لانه يحمل الاتى
شكل السوفت وقوائمه وحروف الكتابة وعددها والرقم السرى
للجهاز ولغة القوائم وقبول ملف القنوات عربى من عدمه
وفى بعض الاجهزة يحمل جزء من قيم الاشارة
والتعامل معه يجب ان يكون بخبرة عالية
لانك تقدر تحول جهازك لاى نوع يعجبك
يكون معالج ali عن طريق تعديل قييم السوفت الجديد
على السوفت القديم ببرنامج الهيكس
..............
userdb64+64
وده الجزء الخاص بالقنوات سواء كان ترتيب القنوات
عربى او انجليزى وتقدر تدمج ملف حديث للريسيفر
عن طريق سحب هذه القيم من جهاز عليه ملف قنوات حديث
واستبدالها بقيم السوفت الخاص بجهازك مع مراعاة رقم الانديكس
خصوصا لو هتستخدم الهيكس او برنامج الدمج الجديد
ولو هتستخدم برنامج الاكت متشتغلش بالك برقم الاندكس
لانك هتستخدم الملف الماستر وده بيقبل على اى اندكس
بإستثناء الاندكس 4ff90 الوحيد اللى بيقبل من اندكس زيه
وله معاملة خاصة

وبهذا اكون انتهيت من الشرح
واتمنى انى اكون وفقت وقدرت اوصل المعلومة لحضرتك
ولو استفدت ولو بمعلومة واحدة ادعيلى بظهر الغيب

مع تحياتى
ولـيـد تـيـتـو ( ابـو نـــور )

[أحمد ربيع بكرى]

الله ينور عليك يا هندسه تسلم ايدك

[۩‏۩‏۩ Mr.Mohamed Gad ۩‏۩‏۩]

[محمد ياسر ابوكارما]

جزاك الله كل خير
واصل ابداعك يا فنان

[ابوحمدي ابوحمدي]

بارك الله فيك

[ابوذكري]

الله يصلح حالك
وكل عام وانتم باخير

[م / وليد هانى]

شكرا لمروركم العطر

[Mr.Mohamed Fatthy]

شكراً لك ابو نور على الشرح الجميل
مثبت لفترة و يُنقل لقسم الشروحات

[المايسترو]

الله ينور عليك

[nor esam]

تسلم أستاذ تيتو
تحياتى

[مختارالروينى]

حبيبى أستاذ تيتو
تحياتى هوا دا الشغل

[م / وليد هانى]

شرفنى مروركم الغالي والعطر

[m-20]

[مركز نورسات]

استاذ والله العظيم تسلم ايدك

[محمود ابوخالد]

بارك الله فيك