[memo622]

قمت بتركيب عدسه مخرجين برفيكس من مجدى الغانم جديده على رسيفر هوماكس القديم وبرفيكس فوجدت الرسيفرين يشتغلوا رأسى فقط او افقى فقط
فغيرت العدسه من نفس النوع فما زالت المشكله قائمه فهل اغير العدسه من نوع اخر مع العلم السلك جديد

[satytree]

جرب القطعة FUJI KT01-001

---------------

[السيد الوحش]

العدستين شغالين ومفهومشى عيب بص معلومه ووجهت نظر قديمه الهيومكس زى الفريق ميحبش فى العدسه شريك جرب رسيفر غير الهيومكس مع البرفكس هتلاقى شغال تمام

[memo622]

المشاركة الأصلية كتبت بواسطة السيد الوحش

العدستين شغالين ومفهومشى عيب بص معلومه ووجهت نظر قديمه الهيومكس زى الفريق ميحبش فى العدسه شريك جرب رسيفر غير الهيومكس مع البرفكس هتلاقى شغال تمام

جربت ونفس المشكله بس نفس الهيوماكس كان شغال على عدسه 2 مخرج تمام

[SHERFFAHMY]

جرب فوكس 2 مخرج غطاء برتقالى و العلبة لونها ازرق فى ابيض ممتازة ركبتها كتييير مع الهيوماكس و اى نوع تانى شغالة تمام بدون اى مشاكل

[memo622]

شكرا استاذ SHERFFAHMY

[zedan2]

بص ياصاحبى الخلاصه انك تجيب طبق صغيرتانى وليكن60او70 وريح دماغك من تضاد المخارج

[ahmed hassn2012]

العدسة البريفكس اللبنى اتنين مخرج من افضل القطع المزدوجة حاليا ومشاكلها اقل من البقيه لذلك العيب من الرسيفرات عندك وكما قال لك الاخ zedan2 ركب طبق اخر وريح بالك

[السيد الوحش]

بص يا اخى الغالى انا شايف ان المشكل فى الرسيفر وده عن تجربه اما موضوع انك واثق ان الرسيفر كان شغال على عدسه 2 مخرج فلاعدسه الثقه حاليا برفكس 2 مخرج لبنى

[hazzuma]

المشاركة الأصلية كتبت بواسطة ahmed hassn2012

العدسة البريفكس اللبنى اتنين مخرج من افضل القطع المزدوجة حاليا ومشاكلها اقل من البقيه لذلك العيب من الرسيفرات عندك وكما قال لك الاخ zedan2 ركب طبق اخر وريح بالك

هوا الأخ بيقول إنه ركب بريفيكس،وفيها المشكلة،أعتقد صعب يغيرها ويجيب موديل تانى من نفس الماركة،على فكرة,أنا عندى نفس القطعة المذكورة ونفس المشكلة مستمرة،وأعانى منذ خمس سنوات من إنعدام إشارة الأفقى معظم الوقت،فمطلوب من المشرفين او المحترفين مساعدتنا فى إيجاد قطعة من ماركة محددة،ماتكونش فيها العيب دا ،(ويتم تجربتها جيدا)،خاصة وإنه عيب شائع بمعظم القطع المزدوجة بالسوق،ولكم منا جزيل الشكر

[memo622]

المشاركة الأصلية كتبت بواسطة hazzuma

هوا الأخ بيقول إنه ركب بريفيكس،وفيها المشكلة،أعتقد صعب يغيرها ويجيب موديل تانى من نفس الماركة،على فكرة,أنا عندى نفس القطعة المذكورة ونفس المشكلة مستمرة،وأعانى منذ خمس سنوات من إنعدام إشارة الأفقى معظم الوقت،فمطلوب من المشرفين او المحترفين مساعدتنا فى إيجاد قطعة من ماركة محددة،ماتكونش فيها العيب دا ،(ويتم تجربتها جيدا)،خاصة وإنه عيب شائع بمعظم القطع المزدوجة بالسوق،ولكم منا جزيل الشكر

بارك الله فيك اخى كلامك نفس كلامى وشكرا

[camryh]

الفريك مش الفريق ياوحش

[عاصفة الصحراء]

المشاركة الأصلية كتبت بواسطة ahmed hassn2012

العدسة البريفكس اللبنى اتنين مخرج من افضل القطع المزدوجة حاليا ومشاكلها اقل من البقيه لذلك العيب من الرسيفرات عندك وكما قال لك الاخ zedan2 ركب طبق اخر وريح بالك

فعلا البريفكس اللبنى محترمة والاحسن منها كمان ستار سات الاصلية

[hazzuma]

المشاركة الأصلية كتبت بواسطة memo622

بارك الله فيك اخى كلامك نفس كلامى وشكرا

عشان الدعوة الحلوة دى,هقول لحضرتك على الأغرب,وهى انه أحد القطع المزدوجة دى اللى قاطعة أفقى, ركبتها على طبق تانى بمحافظة تانية,واشتغلت عادى!!! يعنى الموضوع فيه انا, (بكسر حرف الألف) فعشان كدة طلبت من المحترفين والمشرفين, يشوفولنا حل, او قطعة مزدوجة ,معينة من ماركة محترمة مجربة كويس اوى,من دون العيب دا ,لعل وعسى ,تحياتى

[ahmed hassn2012]

المشاركة الأصلية كتبت بواسطة hazzuma

عشان الدعوة الحلوة دى,هقول لحضرتك على الأغرب,وهى انه أحد القطع المزدوجة دى اللى قاطعة أفقى, ركبتها على طبق تانى بمحافظة تانية,واشتغلت عادى!!! يعنى الموضوع فيه انا, (بكسر حرف الألف) فعشان كدة طلبت من المحترفين والمشرفين, يشوفولنا حل, او قطعة مزدوجة ,معينة من ماركة محترمة مجربة كويس اوى,من دون العيب دا ,لعل وعسى ,تحياتى

معظم القطع المزدوجة بتعمل مشاكل والبريفكس اقلهم واشارتها قوية
مثلا كنت مركب قطعة 2 مخرج لا اتذكر اسمها وبعد 4 شهور فصلت افقى على مخرج منها وتم تركيب بريفكس 2 مخرج بدل منها من حوالى اسبوع