[PRO WAEL]

إن شاء الله ناوى اشترى اليوم ترومان بريميير بلاس +1 من باب اللوق .
المطلوب الإفادة عن خاصية التايم شيفت على هذا لجهاز على القنوات ال hd هل شغالة الخاصية تمام ولا هناك تقطيع لأن غرضى الأول واهتمامى الاول هذه الخاصية لإنى زهقت من الكيوماكس بسبب التقطيع الرهيب على التايم شيفت .
ثانياً سعر الجهاز لو تكرمتم هو والتوب بوكس
وأخر طلب تنصحونى بأى جهاز منهم البريمييير بلاس ولا التوب بوكس أفضل مع ذكر الفرق بينهم والسعر
ربنا يبارك فيكم .

[Dr. Hazem Tamim]

طبعا لو علي الاختيار هو التوب بوكس أفضل
وبالنسبة للتايم شفت لازم تكون الفلاشة من الحاجات النضيفة والسريعة لان ده مش الرسيفر لوحده هو المشكلة

[PRO WAEL]

المشاركة الأصلية كتبت بواسطة hazem tamim

طبعا لو علي الاختيار هو التوب بوكس أفضل
وبالنسبة للتايم شفت لازم تكون الفلاشة من الحاجات النضيفة والسريعة لان ده مش الرسيفر لوحده هو المشكلة

شكراً يا استاذ حازم على اهتمامك
انا قدرت اوصل لرقم التوكيل وكلمتهم وعرفت الاسعار
البريميير 675
التوبوكس 800
لكن بالنسبة لو حضرتك تفدنى اكتر بخصوص التايم شيفت هل حضرتك جربته على هذا الجهاز ؟
وثانياً ايه نوع الفلاشة اللى ممكن اجبها تتوافق مع الجهاز ؟ ولو اعرف ايه الميزة اللى موجوده فى التوبوكس مش موجوده فى البريميير
وشكراً جزيلاً .

[Dr. Hazem Tamim]

الجهازين لهم نفس الرامات 256 ونفس حجم الفلاش 512
النظام سبارك صورة طبق الاصل من بعض
النظام انيجما صور متعددة ولو نفس نوع الصورة بيبقوا ذى بعض
الدعم والبلاجن هما هما مع اختلاف نوعية المعالج
انا عن نفسى افضل سبارك لانه سهل وبسيط
الانيجما اسرع ولكن انا شايفها معقدة وباخد كل اللى انا عايزه من سبارك
نيجى للاختلافات
البريمير st7111 وسرعته 450 بروسيسور ميجا هرتز
التوب بوكس st7162 وسرعته 540 بروسيسور ميحا هرتز
كده التوب بوكس اسرع
الشكل الخارجى التوب بوكس احسن بكتير وواجهته اشيك والباب القزاز كله بيتحرك مع بعضه وكل الزراير وال يو اس بي ومداخل الكارت تحته على عكس باب الترومان اللى بيتكسر دايما لانه فى جنب الجهاز وتحته مدخل الكارت وال يو اس بى
كده التوب بوكس احسن
من اسوا الحاجات فى اى رسيفر انه يكون يو اس بى واحدة
التوب بوكس 2 والبريمير 1 كدة التوب بوكس احسن
بالنسبة للتهنيج تقريبا مش موجود مع التوب بوكس
وبالنسبة لثبات اليوبووت التوب بوكس مش بيحتاج اصلاح له
وبالنسبة للدعم الاستاذ محمد زيان معايا فى القسم موجود بقوه والقسم حاليا من انشط اقسام المنتدى وتقدر تشوف بنفسك
كل ملفات القنوات والبلاجن شغالة على الاتنين مفيش مشكلة
التوب بوكس مدخلين كارت و البريمير 1 بس ودا مش فرق جوهرى

وبالنسبة للفلاشات اى حاجة ذى سانديسك او كينجستون او توشيبا وتكون بتدعم usb 3 علشان الديسك بتاعها مصمم انها تتحمل الكتابة السريعة

[PRO WAEL]

الله ينور عليك يا أستاذ حازم
كده حضرتك جبت من الأخر
شكراً جزيلاً للأهتمام والمعلومات القيمة جدا وبارك الله فيك .

[هادي موسي]

لو على التايم شفت الترومان و التوب بوكس 50فى الميه احسن جهاز فى التايم شفت اسكاى اير باك v3 و دريك 7500 v3 عن تجروبه

[هانى عنانى]

المشاركة الأصلية كتبت بواسطة PRO WAEL

شكراً يا استاذ حازم على اهتمامك
انا قدرت اوصل لرقم التوكيل وكلمتهم وعرفت الاسعار
البريميير 675
التوبوكس 800
لكن بالنسبة لو حضرتك تفدنى اكتر بخصوص التايم شيفت هل حضرتك جربته على هذا الجهاز ؟
وثانياً ايه نوع الفلاشة اللى ممكن اجبها تتوافق مع الجهاز ؟ ولو اعرف ايه الميزة اللى موجوده فى التوبوكس مش موجوده فى البريميير
وشكراً جزيلاً .

التوب بوكس انا لسه جايبه امبارح ب770 وطبعا خليته يركبلى الكامه بس عندى مشكله مع تفعيل ******* ال1000 يوم طلع عينى عشان افعله وفى الاخر كاتبلى تاريخ قديم والقنوات مش بتفتح