[tarek84]

عندي طبق240 ecc السطح مبني جميع اسواره( الداير) هل ينفع اركب الطبق علي عامود الخرسانه مع العلم ان العمود محاط من الثلاث جهات بسور ارجو الرد بالافاده ولكم جزيل الشكر

[ahmed hassn2012]

اذا كان مفيش اى بديل اختارعمود فى وسط المبنى وركب الاستاند وطبعا حتحتاج سلم
وتركيبه حيكون فيه مشقه وصعوبه وقد يحتاج لفنى مميز

[ahmed hassn2012]

وطبعا تركيب الاستاند بيكون بميزان مياه بحيث يكون قائم بزاويه 90 ولا يوجد به ميل يؤثر على استقبال الطبق
وفى انتظار تفاعل السادة الافاضل خبراء التركيبات حول استفسار الاخ صاحب الموضوع

[احمد انور خضر]

تركيب الطبق علي عامود مسلح اشبه بالانتحار فنيا
وهتتمرمط اخر مرمطة ....ومتسألش عن ترددات سوبر
لو المدار ظبط معاك يبقي ربنا بيحبك
كلامي عن تجربة وليس من باب التشاؤم

[ahmed hassn2012]

المشاركة الأصلية كتبت بواسطة احمد انور خضر

تركيب الطبق علي عامود مسلح اشبه بالانتحار فنيا
وهتتمرمط اخر مرمطة ....ومتسألش عن ترددات سوبر
لو المدار ظبط معاك يبقي ربنا بيحبك
كلامي عن تجربة وليس من باب التشاؤم

تسلم للمتابعه استاذ احمد انور
هناك خطورة بالفعل على الشخص القائم بعمليه الضبط
لكن الموضوع قد يكون سهل لو فى سقالات جنب بعض يتم الضبط عليها
ويكون موجود اكثر من شخص للمساعدة

[tarek84]

جزيل الشكر للساده الفنيين علي الردود
بس ده هو الحل الوحيد ليا ان اركبه علي عامود ولو سمحتم ممكن ترتيب اللي بتيجي علي الطبق ده الاقمار من الشرق للغرب مع ذكر تردد قوي واخر ضعيف لكل قمر واكون شاكر ليكم

[asembadran]

بلاش وجع قلبك ياطارق
انا قمت بتركيبه قبل ذلك بسبع سنين
على استاند طوله مترين وشوفت فيه العذاب الوااااااان
تقوم انت عاوز تركبه على عمود خرسانة طوله 270سم
ثم عليه الاستاند حوالى 160 سم
ياصبر ايووووووووب
عاوز فريق من الفنيييين اعلى مهارة فى التركيب
ولابد من وجود سئالة خشب داير الطبق
بعد ذلك لاصيانة ولا حتى تغير العدسة ولا السلك
يلزمك ضرورى طائرة هيلكوبترررررررررر
ويلزمك فنى دش ممتااااااز ويجيد قيادة الطائرة
ثم ناتى لعوامل الجو والرياااااااااااااح
بلاش مجازفة وشوف البديل

[satytree]

لو عندك عمارة أخرى مجاورة ممكن تضع الطبق عليها

[tarek84]

طيب ممكن اضع الطبق علي السطح بس الداير كله سور بارتفاع العامود الخرساني هل سيوثر علي الاشاره

[الحاج شريف]

المشاركة الأصلية كتبت بواسطة tarek84

عندي طبق240 ecc السطح مبني جميع اسواره( الداير) هل ينفع اركب الطبق علي عامود الخرسانه مع العلم ان العمود محاط من الثلاث جهات بسور ارجو الرد بالافاده ولكم جزيل الشكر

طبعا تركيب الطبق علي عامود فيه مخاطره كبيره كل مره تشتغل ع الطبق زى ما وضح لك الأخ العزيز احمد أنور
لكن علشان نقدر نفكر معاك ياريت صوره أو صور توضح الوضع عندك

[tarek84]

سوف اقوم بتصوير السطح وارفعه غدا نظرا لدخول الليل وشاكر للتواصل معي

[المعلم هشام]

انا عملت الفكره ديه من حوالى 8 سنين تقريبا" سبت القاعده
وعند تركيب الطبق حطيت خشب كتير على الطوب
علشان اعرف اتحرك عليه برحتى عملت الخشب كانه سقف زى نجار المسلح كده انا تعبت فيه بس كانت الفكره جميله وكله كان تمام

[tarek84]

الساده الاعضاء قمت برفع صور للسطح والجانب الخاص بالعمود المراد وضع الطبق عليه من الاعلي والاسفل وصوره عامه للسطح ارجو الافاده

[gego230]

فعلا انت عايز تتنتحر لو هتركب طبق 180 مبلوعة انما 240 علي عمود مسلح وسط السطح دة فعلا هيوريك العذاب الوان

[الحاج شريف]

المشاركة الأصلية كتبت بواسطة tarek84

الساده الاعضاء قمت برفع صور للسطح والجانب الخاص بالعمود المراد وضع الطبق عليه من الاعلي والاسفل وصوره عامه للسطح ارجو الافاده

إختيار العمود فى منتصف السطح غير مناسب تماما
لكن العمود اللى حضرتك بتصوره فوق السطح بين البابين هو أنسب مكان
كل ما عليك إنك حتلبس الإستاند فى القشاير من ناحيتك مطرح ماكنت بتصور
وتملاه بالخرسانه "زلط : رمل : اسمنت بنسبه 4 : 2 : 1 "
وتوزنه بميزان الميه قبل الخلطه ماتجف ، وممكن تحبش عليه من تحت لا يضر
وفى الغالب حيكون الطبق متوجه ناحيتك مطرح ماكنت بتصور
وممكن تركيبه وتضبيطه من علي السطح اللى يبدو لى إنك واقف عليه بأمان
والله أعلى وأعلم