[midoes]

لو سمحتم انا مسطب نسخة PKT Hyperion 5.4 OCTAGON بس عندي مشكلة و هي عند التغيير بين القنوات بين قمر و قمر ترددات القمر بتقطع بمعني اني لو واقف على قناة على النايل سات و بغير لقناة على الهوت بيرد الترددات على الهوت بيرد بتقطع لازم اروح على قناة معينة الاول زي كانال سبورت 2 لو رحت لأي قناة تانية مفيش حاجة تشتغل دا ممكن اشغلى يوروسبورت الاقي cbc sofra شغالة و العكس صحيح لما اغير من هوت بيرد لنايل سات تقريبا دا تتداخل بين الترددات فى القمرين و الرسيفر مش عارف يفرق ما بينهم

هل المشكلة دي قابلت اي حد قبل كدا و ايه الحل و هل العيب في نسخة النيجما 2 ولو فيه نسخة احلي من دي ممكن انزلها علشان اتفادي الموضوع دا

شكرا لكم اخواتي الكرام

[ادهم محمود يوسف]

انت متأكد من اعدادات الدايزك ؟
لو متأكد انها صح جرب تغير الدايزك لو العيب منه كان بها لو ماطلعش العيب منه جرب تغير الصورة اللي شغال عليها وجرب صورة اوبن بلي OpenPli

[midoes]

غيرت الدايزك اكتر من مرة و متأكد من الاعدادات
ان شاء الله هجرب صورة تانية دلوقتي

[midoes]

المشاركة الأصلية كتبت بواسطة ادهم محمود يوسف

انت متأكد من اعدادات الدايزك ؟
لو متأكد انها صح جرب تغير الدايزك لو العيب منه كان بها لو ماطلعش العيب منه جرب تغير الصورة اللي شغال عليها وجرب صورة اوبن بلي OpenPli

غيرت الصورة و نفس المشكلة

[em210]

هل نفس الوضع معاك علي اسبارك ام المشكله تظهر علي الانيجما فقط

[midoes]

انيجما فقط

[ادهم محمود يوسف]

طب اقولك
جرب تنزل تردد من الهوتبيرد كدا وليكن 11488 تردد اليفن وشوف بعد البحث هيجيب ايه
لو جاب معاك قنوات اليفن يبقا تمام
بعدها جرب تنزل تردد من النايل سات وشوفه هينزل ايه
هو السؤال بس انت بتستخدم ملف قنوات جاهز ولا انت عامله بأيدك لو جاهز جرب صورة خام ووصل السلك من العدسة بتاعة هوتبيرد في الريسيفر مباشر من غير دايزك واعمل بحث واعمل مفضلاتك يدوي واحفظ الملف وبعد كدا وصل سلك النايل سات مباشر برضه واعمل بحث ونفس الحوار واحفظ ملف قنواتك وان شاء الله تتحل

[midoes]

المشاركة الأصلية كتبت بواسطة ادهم محمود يوسف

طب اقولك
جرب تنزل تردد من الهوتبيرد كدا وليكن 11488 تردد اليفن وشوف بعد البحث هيجيب ايه
لو جاب معاك قنوات اليفن يبقا تمام
بعدها جرب تنزل تردد من النايل سات وشوفه هينزل ايه
هو السؤال بس انت بتستخدم ملف قنوات جاهز ولا انت عامله بأيدك لو جاهز جرب صورة خام ووصل السلك من العدسة بتاعة هوتبيرد في الريسيفر مباشر من غير دايزك واعمل بحث واعمل مفضلاتك يدوي واحفظ الملف وبعد كدا وصل سلك النايل سات مباشر برضه واعمل بحث ونفس الحوار واحفظ ملف قنواتك وان شاء الله تتحل

انا فعلا عملت كدا نزلت نسخة خام و مسحت كل القنوات من عليها و نزلت ترددات من النايل و بعد كدا نزلت ترددات من الاوروبي و جيت انزل ترددات mbc action 11471 V لقيته بينزل اسماء قنوات التردد دا على الاوروبي بس الغريبة ان قنوات mbc action اشتغلت على الرغم من ان مسمي القناة Somali Cable

[ادهم محمود يوسف]

يبقا فيه تداخل في الترددات احسن حاجه تنزل قنوات كل قمر لوحدها وهو متوصل مباشر من غير دايزك وترتب براحتك وبعد كدا تكرب الدايزك وان شاء الله تشتغل

[james_love_3]

نزل ملف قنوات جاهز والمشكله تتحل ان شاء الله

[midoes]

المشاركة الأصلية كتبت بواسطة james_love_3

نزل ملف قنوات جاهز والمشكله تتحل ان شاء الله

نزلت ملف جديد خالص و لسه الدنيا زي ما هي لدرجة اني نزلت الترددات واحد واحد و المشكلة لسه موجودة هل من الممكن ان المشكلة تكون فى العدسة لأن انا عندي عدسة الاوروبي و النايل من نفس النوع برفكس لبني

[amino]

اخى midoes روح على اعدادات التيونر حاتلاقى فى الاخر سطرين اعملهم yes بدل no وحاتشتغل معاك ان شاء الله وطمنى ع النتيجه

[midoes]

المشاركة الأصلية كتبت بواسطة amino

اخى midoes روح على اعدادات التيونر حاتلاقى فى الاخر سطرين اعملهم yes بدل no وحاتشتغل معاك ان شاء الله وطمنى ع النتيجه

لسه زي ما هي تقريبا كدا مفيش حل

بدأت اتعود عليها

[amino]

طب حاول تضبط التردد مانيوال بمعنى غير من قيمتة زود او نقص 10 درجات بس اعمل زى ماقولتلك قبل كده

[james_love_3]

انت متأكد ان المشكله دي مش موجوده على الاسبارك وموجوده على الانيجما فقط ؟
يعني السلك سليم والدايزك سليم ؟
ده معني ان مفيش مشكله على الاسبارك
على العموم جرب ريسيفر أخر عشان تحسم المشكله