[mahmoud torres]

السلام عليكم

عندي ترومان بريمر كنت منزل عليه سوفت الانقاذ فكان بينزل القنوات ويشغلها تمام بس بلجن ******* كان بيقطع عليه فقلت انزل احدث سوفت اللي هو 86

المهم نزلت السوفت بس كل لما باجي اعمل بحث بيجيب اشارة والقنوات بتنزل بس لما اجي اشغل اي قناة مفيش ولا قناة جايبة اشارة مع اني مش مركب دايزك والقنوات شغالة تمام علي الانجيما الكلام ده علي الاوروبي والنايل ويوتل سات 16 جربتهم كلهم نفس المشكلة

جرب امسح كل الترددات والقنوات واعمل ظبط مصنع واغير في اعدادات الطبق برضو مفيش نتيجة
جربت سوفت 84 و82 و72 برضو كلهم مش شغالين

السوفت الوحيد اللي اشتغل هو سوفت الانقاذ اللي هو حاجة وخمسين

والقنوات كلها شغالة تمام علي كل صور الانجيما

يا تري العيب في ايه

[mahmoud torres]

برجاء الاهتمام من الاخوة المشرفين

[Dr. Hazem Tamim]

نصيحة امسح كل القنوات من الرسيفر
وخلى الجهاز من غير دايزك بس نجرب المشكلة فين
بعدها نزل ملف قنوات نايل سات بس وظبطه ان مفيش دايزك
لو اشتغل .ركب الدايزك وابحث عن باقى الاقمار وظبط المداخل

[mahmoud torres]

المشاركة الأصلية كتبت بواسطة Dr. Hazem Tamim

نصيحة امسح كل القنوات من الرسيفر
وخلى الجهاز من غير دايزك بس نجرب المشكلة فين
بعدها نزل ملف قنوات نايل سات بس وظبطه ان مفيش دايزك
لو اشتغل .ركب الدايزك وابحث عن باقى الاقمار وظبط المداخل

الف شكر علي اهتمام حضرتك

عملت اللي حضرتك قلت عليه عملت ظبط مصنع ومسحت كل القنوات وحملت ملف قنوات نايل سات بس وشيلت الدايزك برضو نفس المشكلة موجودة

بس انا لاحظت حاجة غريبة لما بخش علي ظب القمر واقف علي اي تردد الاقي الاشارة 100 في المية علي كل الترددات

واغلب الترددات اللي بتبدا ب10 مفهاش اشارة خالص

انما اشارة السلك 79

[Dr. Hazem Tamim]

ممكن تروح بالرسيفر عند حد غيرك
وقبل كده غير الكهربا ل 13.5/18.5