[م/احمدمبروك]

= عندى طبق بريفكس 130 الجديد بذراع واحد (البيضاوى ) وعليه الاشارات ممتازة
= وعندى طبق 120 بريفكس بيضاوى واشاراته اقل من ال130 طبعا
= وعندى الواح صاج فهل لو قصيت هذه الالواح وعملتها شرائح واضفتها للطبق ال 120 ليصل الى 140 او 150 هيزيد فى الاشارة عن ال130

= قرات فى مواقع اجنبية عن فكرة تزويد الطبق الدائرى لكن اعلم ان لها قواعد من اهمها البؤرة للوضع الجديد والحد الاقصى للتزويد وغيرها
وعاوز اعرف الطريقه الصحيحة للتزويد واضافه الشرائح للبيضاوى
وده موضوع للمناقشة والعلم ارجو الافادة من عمالقة المنتدى

[م/احمدمبروك]

انت فين يا حج شريف

[م/احمدمبروك]

عاوزين رد يا كبار المنتدى

[الحاج شريف]

المشاركة الأصلية كتبت بواسطة م/احمدمبروك

انت فين يا حج شريف

حاضر يا باشمهندس بس قولت حد غيرى يرد لأن كلامى مش حيعجبك
زيادة مساحة الطبق الدائرى تحكمها معادله واحده ولها شيت إكسيل ولها موضوع أعددته بناءا على طلب أخى محمد ناصرر تجده فى دليل موضوعاتى

الطبق البيضاوى كما هو معروف جزء من طبق دائرى أكبر ( حوالى ضعفه )
علشان تكبر الطبق البيضاوى يلزمك معرفة الطبق الأصلى المقطوع منه ( ليس بالضروره أن يكون الطبق مقطوعا من طبق أكبر لكن بالتأكيد الإسطمبه تماثل الجزء المقطوع )
بعد حصولك على أبعاد الطبق الأصلى يمكنك التخطيط للزياده سواء رأسيا أو أفقيا أو فى الإتجاهين بدلالة شىء محدد له معادله نعرفها
أرجو أن تكون الفكره وضحت وأنا حاضر للنقاش معك ولا أمل إن شاء الله

[م/احمدمبروك]

حبيبي يا حج شريف يا غالى ومع كل احترامى لكل الناس انا عارف ان العلم ده عند حضرتك فقط
ثانيا انا بستمتع جدا بالحوار معاك واكيد بنتعلم منه
ثالثا فيه بعض الاخوة فى بعض المنتديات عملوا التزويد عشوائى زى الصورة المرفقه وقالوا الاشارة زادت لكن دى مواضيع قديمة وتملى معلوماتهم ناقصة زى البعد البؤرى الجديد واقصى حد للتزويد وعدد القطع او الشرائح المضافة وغيرها عشان كده طرحت الموضوع هنا وبالتحديد عشان اسمع ردك واستفيد من علمك وعاوز اوصل لنتيجة مرضيه ويكون الموضوع ده مرجع لكل الناس

[م /احمد جمال]

البعد البؤرى ثابت حتى فى تزويد الشرائح
كنت زيك كنت فاكر البعد البؤرى هيزيد ولاكن فى تزويد
الشرائح الامر مختلف وممكن الحاج شريف يفسر نقطه دى

[م/احمدمبروك]

الف شكر يا غالى على الإضافة والمعلومه دى واكيد الكل بانتظار الحج شريف لتوضيح كل الامور

[الحاج شريف]

بالنسبه للصوره اللى حضرتك عارضها باشمهندس احمد الزياده عشوائيه غير محسوبه
بمعنى إنك بتزود بقطعه وبعدين مع الثنى الفرد تحصل بالصدفه على إشاره اعلى فتتمسك بها
هذا بخلاف الزياده المخططه التى اشرت اليها فى موضوعى وقد التزم بها الأخ زيزو فى تجربته المنشوره

بالنسبه لتأكيد البعد البؤرى وكما قال المهندس أحمد جمال البعد البؤرى لا يتغير بالزياده فهو شخصية الطبق وإذا كانت الزياده ستتجمع فى بعد بؤرى آخر فلا لزوم لها

أما النداء على كل فتره فلايجوز أخى العزيز فالنداء يكون على الغائب والغياب عن المنتدى تقصير فى واجباته
انا عرضت عليك الخطه وأريد أن أرى إسهامك فيها وتفكيرك لكنك مازلت مستمعا ، الموضوع رياضى بحت ويمكنك بالتأكيد المساهمه حتى بالفكره

[Cairo Sat]

الزياده عشوائيه غير محسوبه
بمعنى إنك بتزود بقطعه وبعدين مع الثنى الفرد تحصل بالصدفه على إشاره اعلى فتتمسك بها

أصبت أستاذى الفاضل
كلام سليم لا غبار عليه
وأضيف لكلام حضرتك الاتى..
أن أضافه شريحه عشوائيا
يتسبب فقط بتشتيت السجنال
وبالتالى ذيادته نسبياً
____________________
(متابع المناقشة فى خلال ساعه فقط)
نظرا لزيارتى السريعه على أعز قسم على قلبى
دمتم بود.

[احمـــد اليكس]

المشاركة الأصلية كتبت بواسطة Cairo Sat

أصبت أستاذى الفاضل
كلام سليم لا غبار عليه
وأضيف لكلام حضرتك الاتى..
أن أضافه شريحه عشوائيا
يتسبب فقط بتشتيت السجنال
وبالتالى ذيادته نسبياً
____________________
(متابع المناقشة فى خلال ساعه فقط)
نظرا لزيارتى السريعه على أعز قسم على قلبى
دمتم بود.

اولا منور القسم اخي الغالي احمد عاشور
ثم ساعه بس طب زودها شويه
ولا احنا خلاص
وحشني والله يااحمد

[Cairo Sat]

احمـــد اليكس

حبيبى يا ابو ريماس والله واحشنى جدااا
يعلم ربنا نفسى أنام هنا بس والله غصب عنى
انا فايت بالصدفه كدة وقولت أمسى على حبايبى

[فني تركيبات]

المشاركة الأصلية كتبت بواسطة احمـــد اليكس

ثم ساعه بس طب زودها شويه
ولا احنا خلاص

بالضبط كده ابوريماس
اصل احمد عاشور بيحسبها بالساعه
فين ايامك ياغالى

[فني تركيبات]

المشاركة الأصلية كتبت بواسطة م/احمدمبروك

ومع كل احترامى لكل الناس انا عارف ان العلم ده عند حضرتك فقط

لاحول ولا قوه الا بالله

[Cairo Sat]

ابوافنان

منور يا قمر
أيام وعدت ولا دايم الا وجهه تعالى
ومحبه الحبايب حبيبى

[احمـــد اليكس]

المشاركة الأصلية كتبت بواسطة ابوافنان

بالضبط كده ابوريماس
اصل احمد عاشور بيحسبها بالساعه
فين ايامك ياغالى

احترف بره خلاص ياهيما