[ahmed_omer60]

الباور خرجه سليم وبيقبل ملف عادى وكان مركون شغال

[Moh-elkzaz]

اهلا بك
تاكد من دائره البور
خاصه 12 فولت
ورجليوتر خرج 5فولت علي البورده هتلاقي 2 ريجلتور
ان كان البور سليم نظف البورده كويس بالثنر والفرشاه

هتلاقي ثلاث مكثفات خلف مدخل الايديو فيديو مباشره كميائي مفيش غيرهم

اتنين جنب بعض لوحدهم وبين الاتنين والتالت ترانسستورين طبع
اتاكد أن الترانسستورات دى شغاله مع تغير التلات مكثفات الكيميائيه
اووووووو
ضع سلك الصوت فى الرسيفر وسلك الصوره جرب علي
اطراف المكثفات والمقاومات الطبع خلف مدخل الايديو فيديو
ومن اقرب نقطه تلاقي صوره ممكن تلحم ا كوبرى منها الى مدخل الصوره مع فصل تراك الصوره من خلف مدخل الفيديو علشان ميعملشي ريجه وشوشره علي الشاشه او تتبع التراك وتغير التالف من عليه من مقاومات وترنسستورات طبع
كذالك الصوت ان لم يأتى بعد ظبط الصوره افعل كما فعلت بالصوره
مرر سلك الايديو مثلما فعلت بالفيديو

[ahmed_omer60]

مفيش غير ريجيلتور واحد مخرج 2.5 وصورتلك البورده اهو

[Moh-elkzaz]

انا عاوز تنفذ فضلا اللي انكتب في المشاركه رقم 2
وبالإضافة انا عاوز البورده تكون بالشكل ده بالثنر
وبعد ما تغسلها وقبل ماتنفذ المشاركه رقم 2
سخن بالهوت خلف مدخل الايديو فيديو بالهوت
علي صف المقاومات وايسي العمليات مهم
شوف بعد التسخين فيه نتيجه ولا لاء
وبعد كده نفذ المشاركه رقم 2

[adhmsat]

حاول اولا تغير مكثفات 1000 فى البور حتى لو شكلهم سليم
او جرب بور اخر
وحضرتك يجب ان تجرب سوفت اولا قبل شحن الفلاشة

[Moh-elkzaz]

المشاركة الأصلية كتبت بواسطة Moh-elkzaz

انا عاوز تنفذ فضلا اللي انكتب في المشاركه رقم 2
وبالإضافة انا عاوز البورده تكون بالشكل ده بالثنر
وبعد ما تغسلها وقبل ماتنفذ المشاركه رقم 2
سخن بالهوت خلف مدخل الايديو فيديو بالهوت
علي صف المقاومات وايسي العمليات مهم
شوف بعد التسخين فيه نتيجه ولا لاء
وبعد كده نفذ المشاركه رقم 2

جبتلك صوره لايسي العمليات لعدم توفر صور الجهاز ده عندى الصوره دى واللى فوق منقولين من البحث في الانترنت لتسهيل الأمر

[Moh-elkzaz]

المشاركة الأصلية كتبت بواسطة adhmsat

حاول اولا تغير مكثفات 1000 فى البور حتى لو شكلهم سليم
او جرب بور اخر
وحضرتك يجب ان تجرب سوفت اولا قبل شحن الفلاشة

في غيابه وحضوره له الشكر

[ahmed_omer60]

هوا مكثف واحد 1000 وغيرته نفس الكلام وقبل ما اعمل سوفت الجهاز بيستجيب للريموت وبيقفل ويفتح ويغير ولما بحط سلك الدش لمبه الاشاره بتنور معنى كده ان العطل ف دايره الصوره

[Moh-elkzaz]

المشاركة الأصلية كتبت بواسطة ahmed_omer60

هوا مكثف واحد 1000 وغيرته نفس الكلام وقبل ما اعمل سوفت الجهاز بيستجيب للريموت وبيقفل ويفتح ويغير ولما بحط سلك الدش لمبه الاشاره بتنور معنى كده ان العطل ف دايره الصوره

انت صح

لكن وصلت لايه ؟؟؟ بعد مشاركاتى اللي كتبتها لك في الاعلي ؟؟

[ahmed_omer60]

نضفت كويس وغيرت المكثفات نفس الكلام وغيرت الايسى حتى برده مفيش صوره

[Moh-elkzaz]

المشاركة الأصلية كتبت بواسطة ahmed_omer60

نضفت كويس وغيرت المكثفات نفس الكلام وغيرت الايسى حتى برده مفيش صوره

ركب الايسي القديم واعمل اللي فوق

شوف علي الايسي والتراك اللي رايح الايديو فيديو بكبل الاشباح
مع التسخين بالهوت اير علي البروسيسور

الجهاز شغال معاك ومعتقدش يكون البروسيسور تالف

حاول تاني

[ahmed_omer60]

كابل الاشباح مش بيحس باى صوت او صوره

[Moh-elkzaz]

المشاركة الأصلية كتبت بواسطة ahmed_omer60

كابل الاشباح مش بيحس باى صوت او صوره

طيب يغالي لو عملت كل اللي فوق مع التسخين علي البروسيسور
اعتقد ان يكون عيب بروسيسور
اسمحلي بالانسحاب من موضوعك وكنت سعيد في مشاركتك العطل وكنت أتمنى أن يتحل بواسطتي
لكن اترك الموضوع لمن هو اكفأ منى خبره مثال للاخوه المشرفين والمراقبين احتمال يكون عندهم حل

انتظر حين يمرون لأنهم يمرو علي كل المواضيع من وقت لآخر

حظ سعيد

[adhmsat]

المشاركة الأصلية كتبت بواسطة Moh-elkzaz

في غيابه وحضوره له الشكر

بتقصد ايه يا اخى ؟ من الطبيعى بنحاول نلاقى حل للاخ صاحب المشاركه بنساعد على اد ما نقدر اما بالبحث او بأى طريقه اخرى
وبعدين مراقب القسم كان واضع حل للمشكله دى فى المنتدى اى المشكله بتاعتك