[ابوosama]

تسلم ايدك على المعلومات الجميله ياغالي

[yasserelgohary]

السلام عليكم ورحمة الله وبركاته
بسم الله الرحمن الرحيم
سبحانك لا علم لنا إلا ما علمتنا إنك أنت العليم الحكيم
سبحانك لا فهم لنا إلا ما فهمتنا إنك أنت الجواد الكريم

المختصر المفيد في ظبط السي باند من الألف إلى الياء

مبدئيا السي باند ابوه وامه الطبق الأميركي
وأخوه واخته اي طبق 240 عميق عموما
وابن عمه وخالته الطبق 212 المسطح وده أقلهم في الإشارة ويحتاج مجهود لمساواته بالعميق
وقريبهم من بعيد 180 سواء مسطح او عميق

يعني لما تلاقيني بفضل الله تعالى طبقي محلي 212 مسطح وعدسه مخرجين اضعف بدرجه من المخرج الواحد و inbut 3.7 يعني اضعف كمان في بعض الترددات من inbut 3.4 وكنت بفضل من الله الوحيد اللي جاب أوكا افريقيا 86 علي التردد القديم علي طبق محلي مسطح في تغطية القاهرة علي عدسه مجهولة المصدر
وحاليا التقط جميع الفيدات ع قمر 10 بعدسه بيوكسس 2 مخرج زيي زي اي طبق عميق أو قطر أكبر من طبقي يبقي اي معلومه أقولهالك فهي نتاج تجارب عديده لما السطح أشتكي مني
وف النهاية رأيي صواب يحتمل الخطأ ورأي غيري خطأ يحتمل الصواب

أولا ظبط العدسه بدون فبرة

قمر الباكستاني 38 شرق اسفل التركي 42 بتكتين
الوصول لأعلي إشارة الترددات الآتيه
PTV SPORT
4002 V 13335
M-SPORT TEST
3793 V 4000
FAST SPORTS HD
4185 V 1650

اتأكد إزاي إن مداري بدون فبرة مظبوط تمام هيظهر معاك الآتي

قمر 20 شرق موازي 26 بدر كيو باند
ERI TV
3883 H 27500

قمر 10 شرق موازي يوتل 16 كيو باند
RWANDA TV
3870 H 3333

قمر 3 شرق أوكا افريقيا بين 7 و 9 كيو باند
RTB
3729 V 16835

قمر 8 غرب اسفل ثور بتكتين
SCOPUS-NET-TECH
3889 V 2982
TVE INT AFRICA
3896 V 3500

في النهاية طبقك مظبوط علي الشعرة ازاي تروح قمر 46 موازي التركماني 51 كيو باند هتشوف التردد ده
CLOUDS TV
4133 V 1843
وهو لوحده كفيل إنك تبدء ظبط بية لو طبقك 240 وتختصر كل اللي فات

و هتشوف كمان ترددين داتا برضة باشارة عالية
4160 V 16325
4180 V 16325

طب طبقي مظبوط ع شعرة الشعره تقابل وانت واقف مكانك اكتب التردد ده
K24
4118 V 3050
طيب مظهرش معاك يبقي محتاج سنة ميل أو سنة بعد بؤري وحاول رفعه قدر المستطاع وربط العدسه وكهرب طبقك وابدء ظبط الفبرة

الفبرة مقاساتها ونوعها أختلف فيها العلماء
سيراميك سمك 5 لـ 7 ميللي
زجاج أزرق سمك 3 ميللي ولف شيركرتون عليها للوصل إلي 4 او 5 ميللي
بلاستيك من مواسير المياة وقصها وفردها بشوار
خشب ابلكاش
وكلنا جايبين نفس المدار بنفس الإشارات
معني الكلام ده إن

عرض الفبرة خاضع لمقاس فتحة اي عدسه معاك 5.8 او 6 او 6.2 سم

طول الفبرة متغير معاك حسب طول زور العدسه معاك من 3.5 إلي 14 سم

سمك من 3 ميللي الي 7 ميللي حسب المسافة بين الإبر

بروز العدسه متغير حسب طول زور العدسه

بمعني التعميم ف اي جزء مما سبق (طول-عرض-تخانه-بروز) هو نتاج تجربه شخصية تصلح معاك في حاله معاك نفس العدسه عدستك مختلقة يبقي تجربتك مش هتجيب نفس النتائج

لظبط بروز الفبرة يوجد تردد حساس جدا ويفضل وانت بتظبط استخدام ريسيفر علي خاصية dB نظرا ان اقل رقم زيادة ترفعه يفرق معاك من نص درجه إلي درجه كامله ليس شرط خروج مقدار معين أو دخولها ف العدسه بأي مقدار التجربه هي الفيصل

قمر 10 شرق موازي يوتل سات 16 كيو باند
الوصول لأعلي إشارة بالفبرة
K24
3898 H 20150

قمر 5 غرب بين الهوتبيرد و يوتل 10 كيو باند تردد أيضا حساس نسبيا ولكنه ينفع تظبط علية الفبرة أعلي اشارة
BBC AFRICA TV FEED
4000 H 18200

عدسات السي باند انت وحظك
بيوكسس / ستار جولد / طوكيو سات / سانتك ممتازين ومش شرط ممكن عدسه مجهولة الهوية تتفوق عليهم والعكس صحيح.

[gaberkraym11]

ربنا يبارك فيك ويزيدك من علمه وفضله اللّه ينورعليك ليا سؤال استاذ/ياسر انا عندى اوكا باشارة86درجه بس قناة باكستان الرياضية بحاول معاها مش جايه هل يمكن استقبالها وعندى اوكا ام لا وياريت الطريقه وربنا يجازيك كل خيرعلى مجهودك الرائع.