[ketoo2020]

ارجو الافادة عشان بجد التركيب دوخني دي المسطره الاصليه وجربت اكتر من مسطره اصليه ..الاوروبي سنتر ...ومش عارف اجيب اي قمر تاني يمين بعد يوتلسات 7 شرق ...دوخت على النايل سات او اموس او غيرهم مش عارف اجيب حاجه منهم اكثر من مره ا..المسطره الاصليه زاويتها 140 درجه قستها بالمنقله ...اللي لقته استرا 19 يوتلسات 7 و على مسطره تاتيه شمال بدر 26 ..اللي يهمني نايل سات واموس هلى المسطره دي مظبوطه ولا زاويتها ضيقه..وهل وضعها سليم ولا لازم تنزل لقدام وقد ايه موضح صوره جانبيه ليها

[الحاج شريف]

أسئلتك وجيهه أخى الكريم ولم أسمعها من قبل ، الكل يأخذ موضوع المساطر تجربه وخطأ بدون أساس علمى
بالنسبه لوضع المسطره الحالى يستحيل معه إستقبال بعد 7 شرق لأنه لو نظرت للرسم المرفق المعدل من رسم حضرتك
تجد أن كل العدسات لابد أن تقع على خط واحد يميل على الأفقى بزاويه تساوى زاوية الموقع أى زاوية خط طول الموقع وهى فى القاهره حوالى 31 درجه
إبدأ حضرتك بإستخدام ثقب المسطره أسفل ثقب عدسة المنتصف وليس ثقب عدسة المنتصف ، الناحيه الشمال للعرب سات كما هو الآن
والعدسات بعد ذلك لأقمار غرب الأوروبى 7 شرق والعاموس والنايل سات بحيث تكون على إستقامه واحده مع عدسة المنتصف والعربسات بزاويه 30
ويمكنك فتح زاوية المسطره لأكثر من 140 حسب الحاجه ولاتتقيد بالزاويه الأصليه
حدد مكان الإستقبال بإمساك العدسه بأفيزها باليد وتحريكها على إستقامة العرب سات والمنتصف ، ثم حاول بربط الأفيز فى المسطره بدون التقيد بربطه من أسفل


والله أعلم

[lolo213]

بارك الله فيك استاذنا

[ketoo2020]

شكرا حاج شريف على المعلومات القيمة ...الزاويه المسطرة قستها بدقة طلعت 120 مش 140 ...كده لازم توسع صح..بس المسطره اصليه وصلبه جدا تتوسع ازاي

[ketoo2020]

[الحاج شريف]

المشاركة الأصلية كتبت بواسطة ketoo2020

شكرا حاج شريف على المعلومات القيمة ...الزاويه المسطرة قستها بدقة طلعت 120 مش 140 ...كده لازم توسع صح..بس المسطره اصليه وصلبه جدا تتوسع ازاي

المشاركة الأصلية كتبت بواسطة ketoo2020

أولا ماتحاولش تستعدلها على وضعها الحالى وهى راكبه ، ثانيا بعد فكها ممكن تستعدلها بربع مرزبه على قورمه خشب أو تسخنها من عند الزاويه وبعدين تدق ع الزاويه
ويفضل تستعدلها على زاويه 150 والله أعلم

[ketoo2020]

شكرا يا حاج شريف ... بس سؤال اخير هل ممكن تعديله بالمنجلة .؟

[الحاج شريف]

المشاركة الأصلية كتبت بواسطة ketoo2020

شكرا يا حاج شريف ... بس سؤال اخير هل ممكن تعديله بالمنجلة .؟

لو عندك طبعا أفضل ، على زاويه 150 زى مااتفقنا .

[ketoo2020]

تمام طالما حضرتك شايف ان 150 درجة افضل من 140

[ketoo2020]

المسطره بعد الخلع والتعديل 150 درجة

[الحاج شريف]

تمام كده حضرتك ، عند التركيب راعى أن الميل يبدأ مباشرة من حامل العدسه على بعد يسمح فقط بصاموله يمين والناحيه التانيه صامولة زنق شمال الحامل وبعدين عدسة العربسات
والتركيب زى ماإتفقنا يكون فى ثقب المسطره أسفل ثقب العدسه وليس ثقب العدسه كما كان الوضع سابقا
بالتوفيق إن شاء الله أخى الكريم

[ketoo2020]

الا خ الفاضل الحاج شريف ..الصراحه مش عارف اقول ايه واشكر حضرتك ازاي ..الصراحه احترام وذوق وخبره و مبتبخلش على حد بمعلومه.
انا امبارح فعلا ركبت عدسه بطريقة عشوائية بدون رسيفر ولا تلفزيون ركبتها تقريبا بعد ما فردت المسطره وركبتها وقلت اجرب عشان مكنتش فاضي اطلع تلفزيون ورسيفر ...وفعلا من دقة زاوية المسطره و تقريبا اخترت مكان صح لاني شفت صور كتير ..نزلت لقيت القمر اموس جه واشارته تمام ...فقلت كويس مؤقتا لحد يوم الجمعه اكمل التركيبه كلها ...حصور حاليا التركيبه وارفعها بكره قبل اضافة المزيد من العدسات...و شكرا مره تانيه .

[الحاج شريف]

بالتوفيق أخى الكريم

[ketoo2020]

الصور بعد تعديل المسطرة وفقا لارشادات الحاج شريف ومظبوطه 100%

[الحاج شريف]

المشاركة الأصلية كتبت بواسطة ketoo2020

الصور بعد تعديل المسطرة وفقا لارشادات الحاج شريف ومظبوطه 100%

شكرا لإرفاق الصوره أخى الكريم ليسترشد بها المتابعون فى المشاكل المشابهه ، بارك الله فيك