[احمدوعماروبسملة]

ابراهيم عبدالجواد:

الحسين عموتة جمعته جلسة خاصة بتوفيق محمد بعد ماتش الزمالك واشاد بيه وباداءه في المباراة وانه ادى اداء جيد جدا، وقاله لو استمر بنفس المستوى هيكون ليه دور اساسي لكن يكمل بنفس الحماس والتركيز والمستوى، وقاله انا عجبني فيك ان من ساعة وصولك الاهلي اتاخرنا في الدفع بيك مع الفريق لحد ما نشوف انك جاهز وطول الفترة دي مشفتش منك اي لوي بوز بلغة الكورة وكنت ملتزم ومركز في تمرينك بتدرب باقصى روح وجدية ودي حاجة انا اقدرها جدا واحترمها جدا وانا بطالبك انك تبقى بنفس العقلية دي وهيبقى ليك مستقبل كبير معايا.

ابراهيم عبدالجواد:

محمد الشناوي هو حارس مرمى الاهلي خلال مواجهة كيتارا الاوغندي السبت القادم.
ابراهيم عبدالجواد:

احنا دلوقتي بنعيش في عصر الاهلي في كرة اليد واللي يقول غير كده يبقى غير منصف، وغير أمين، وغير موضوعي، ويبقى راجل مش موجود معانا في الدنيا!

أنت بتتكلم عن رابع بطولة لدوري أبطال أفريقيا على التوالي!

ماتش النهاردة بين الاهلي والزمالك ماتش تقدر تعنونه بأنه «القاضية ممكن»، لأنه سيناريو طبق الأصل من نهائي دوري أبطال أفريقيا في كرة القدم من 6 سنين، بالحرف وبالملي وبالكربون!

بس بدل ما كانت عن طريق قفشة، النهارده بقت عن طريق مودي، محمد بسيوني، اللي جاب الهدف القاتل وحسم البطولة للنادي الأهلي.

وزي ما كنا بنقول من يومين تلاتة بعد ماتش كرة القدم في ديربي القاهرة إن القاهرة حمراء، فأفريقيا دلوقتي حمراء باللي بيعمله فريق كرة اليد بالنادي الأهلي