[احمدوعماروبسملة]

عدلي القيعي لـ وائل جمعة:
دورك إيه؟ إشاعة الانضباط، تحقيق العدالة، إنك تخلي أوضة اللبس مكان صحي، واللعيبة تشعر إن فيه مسطرة واحدة في الثواب والعقاب للي يخرج عن دوره، من منظور الالتزام الإداري والانضباط.
أما الجوانب الفنية، مظنش إن كان فيه حد يجرؤ يناقش صالح سليم لو تدخل في الكرة، مظنش إن كابتن حسن حمدي محتاج ياخد إذن حد لو تدخل في الجوانب الفنية، أو الكابتن الخطيب.
ولكننا كنا نرى دائمًا كل واحد فيهم قاعد على الكرسي بتاعه، وحاطط الحد اللي ما يتجاوزوش ولا مرة.
لو أنا وشوشت المدرب قدام اللعيبة، حاجة من اتنين: يا المدرب هيتجاهل رأيي، فدي حاجة مش كويسة عشاني، يا هيقولي من فضلك اقعد عالدكة، ودي مش حلوة عشاني برضه، لا عشاني ولا عشان الفرقة، يا إما هيسمع كلامي.
طب لو سمع كلامي وخسرنا؟ بقت النصيحة اللي خسرتنا نصيحة مين؟ لمدير الكورة اللي قالها له.
لا، لازم أسيطر أنا عشان أدي الكتالوج للي بعديا.
الكابتن وائل جمعة مسؤول عن إخراج كوادر، هو بحسن نية طبعًا، أو الظرف دفعه، لكن لازم وإحنا بنحاسب الناس نحاسب نفسنا، نرجعها للصح.
من فضلك يا كابتن وائل، أنا أعلم إنك تستطيع أن تدلي بدلوك في النواحي الفنية إذا سُئلت فيه خارج الملعب وبينك وبين الكوتش، لكن قدام الناس كل واحد يأدي وظيفته، لأن دي ليها معنى قد يترجم بشكل مختلف.
عدلي القيعي لـ عموتة:
شوف أدواتك، شوف مين اللي بيجري.. اللي بيحصل حاجتين، يا إما نوع من التعالي يا إما عدم الفهم.. يعني إيه حارس يلعب إيد ورجل وتوصل لدفاعنا وميعرفوش يتعاملوا واحنا أصلا مبنلاقيش الكلام ده قدام الفرق اللي بنلاعبها.. مفيش لاعب أكبر من الدكة مهما كان اسمه، احنا مش مطالبين نتحمل حد، الأهلي أكبر من أي حد.
عدلي القيعي للاعبي الأهلي :

إنتوا بتاخدوا عشرات الملايين، والمفروض تكونوا مميزين عن اللي حواليكم مش طبيعي الأهلي يخسر 4 نقاط في 7 أسابيع ويدخل في مرماه 3 أهداف في ماتش، هنقول مدرب؟ مدرب إيه؟ إنتوا في المنتخب بتبقوا حاجة تانية، مفيش تفسير غير التقصير أو التعالي.. يا إما مش ماشيين صح يا إما مش مقدرين قيمة المكان اللي إنتوا فيه