[شمس احمد1]

ارجوحل هذة المشكله ركبت قمريوتلسات 10 شرق على طبق 180 بريفكس والاشاره 56على تردد 10756 معدل الترميز 2480 عمودى التابع لقناة زمبيا اماالتردد دا 10876 معدل الترميز 7200 عمودى مش عايز يجيب اشارة عليه خالص من فضلكم ايه سبب المشكله مع العلم الرسيفر ال عندى بريغكس 8000H1

[hamada225490]

اشارة زامبيا ضعيفه شوية

[فني تركيبات]

المشاركة الأصلية كتبت بواسطة شمس احمد1

اماالتردد دا 10876 معدل الترميز 7200 عمودى مش عايز يجيب اشارة عليه خالص

انت جبت التردد ده منين

[شمس احمد1]

انهو تردد ياغالى ابوافنان ال حضرتك اصدك عليه

[فني تركيبات]

المشاركة الأصلية كتبت بواسطة شمس احمد1

انهو تردد ياغالى ابوافنان ال حضرتك اصدك عليه

10876

[شمس احمد1]

EUTELSAT 10A (10°E)
EutelSat 10E 10876 v 7200
MPEG 4 - 4:2:0 - HDTV
CW: AB CD CA 42 F2 11 11 14

[فني تركيبات]

ده تردد فيد
ومعامل الترميز مختلف

[شمس احمد1]

انا اسف يا بو افنان ياغالى على الاطاله انا غيرت معد الترميز بردوه مفيش اشاره

[فني تركيبات]

المشاركة الأصلية كتبت بواسطة شمس احمد1

انا اسف يا بو افنان ياغالى على الاطاله انا غيرت معد الترميز بردوه مفيش اشاره

مانا بقولك ياغالى
ده تردد فيد يعنى لابد من ضبط الطبق على الشعره
لان ترددات الفيدات ضعيفه جدا

[شمس احمد1]

معلهش يابوافنان ساعدنى فى حل هذة المشكلة بعد ازن حضرتك انا اوصل للحل ازى واعطنى تردد اضبط عليه ويكون تردد عادى مش اتش دى وهل التردد دا كده صح ال هوا 10876 على 6111 عمودى

[شمس احمد1]

EUTELSAT 10A (10°E)
Fréq: 10928 - V - 7200
ID: Zambia OB 6 HD Encoder 2
Zambia V Egypt
Fréq: 10874 - V - 7200
ID: Zambia ENC2
Guinea V Mali
MPEG 4 - 4:2:0 - HDTV
ممكن المساعده فى الفيدات دى وكيفة الشرح

[gamsdh]

الاشاره بتاعة الفيد وقت الحدث المخصص ليه الفيد يعني وقت لزومه فقد غير كده ملش اشارة

[شمس احمد1]

يعنى ايه ياغالى ارجوالتوضيح لوسمحت

[المهندس/احمد جمال]

بص يغالى لو فيد مش مديك اشاره يبقى غير فى تردد لو اخره 5 خليه3او7 طب مجابش اشاره يبقى بحث اعمى مجابش اشاره عليك بتجربه جهاز اخر وتعمل نفس الحكايه طيب مجابش اشاره يبقى نيجى لطبق اولا طبق 180 بريفكس ممتاز جدا طيب قطعه ايه نوعها عاديه زى اللى بتركب على طبق ثابت ولا معدلها طيب لومعدله جربت تعدلها على كذا طول ولا مدارك مضبوط ولا من قاعده وضبط بؤره طبق ومدار جميع الاقمار من الغرب الى الشرق هل لاقط الاقمار ولا اشاره معقوله ولا متوسطه

شرح لاستاذ عاصفه الصحراء ابو اياد عن استقبال الفيدات

المشاركة الأصلية كتبت بواسطة عاصفة الصحراء

بسم الله الرحمن الرحيم

اولا احبتى فى الله نستغفر الله العظيم من شرور انفسنا ومن سيئات اعمالنا

لقد تعبت فى هذا الموضوع فلا تخرج قبل ان تبدى رأيك سواء بنصح او اى شىء

وهذا الموضوع اهداء منى الى اعضاء مصراوى سات عامة والمصراوية الصعايدة بصفة خاصة وذلك لان الغالبية تعتقد فى صعوبة استقبال الفيدات عندنا بجنوب الصعيد والحمد لله كنت استقبل الفيدات على طبق 160 والان على 180 وبعد يومين سوف اقتنى طبق اكبر ان شاء الله فحبيت اعمل الموضوع بطبق 180 قبل الطبق الاكبر



ندخل فى الموضوع على طول
اولا طريقة ضبط المدار ثابته ومعروفة ولن استطيع شرحها اكثر من الاساتذه


طريقه بسيطه لضبط ألمدارألمتحرك بأستخدام ألتردد أللى يستاهل جائزةنوبل


للاستاذ جوهر كامل

ومن ثم استخدم هذا الموضوع
اقوى الترددات لضبط الاطباق المتحركة والثابتة لجميع اقمار المدار

للاستاذ عادل عامر

فاستسمحهم لاقتباس اعمالهم داخل موضوعى المتواضع

الطبق المستخدم هيوماكس 180 بلحام وقطعه اريون معدله على 10سم
وتم استقبال الاقمار من تليستار غربا الخاص بقنوات espn الى القمر يوتلسات 70 شرقا ونظرا لوجود مبانى حول الطبق لم استطع استقبال اقمار اكثر من ذلك وكما يقول المثل اعطنى سطحا مفتوحا اعطيك اقمار بلا حدود


صور للطبق وبعض الاقمار

صورة للطبق ناحية الغرب



صورة للطبق ناحية الشرق


صور لبعض الاقمار



تابع



القمر يوتلسات 36





والقمر تليستار


تم بحمد الله استقبال جميع الاقمار المتاحه فى هذا المدار ولم ابحث عن استقبال اى تردد سوبر او قمر خارج نطاقى الجغرافى فشغلى الشاغل كان الفيدات على الثلاثة اقمار
يوتلسات 7 و10 و16 وكسر اسرارهم والحمد لله تم ذلك

الطريقة المثالية لاستقبال الفيدات
اولا على القمر يوتلسات 7 والمشهور بالقمر الافريقى
استقبال هذا التردد باشارة مرتفعة
12531
V
1666


بعد استقبال التردد المذكور بالاشارة المرتفعة اليكم النتيجة



تابع معى



كمان



لسه فى كتير



ولسه اكتر



وتوجد صور لفيدات



فيد اخر



فى صور تانى كتير فالحمد لله استقبلت جميع الفيدات اللى على هذا القمر وكنت اتابع المباريات الافريقية عليه

نأتى الى القمر الثانى وهو يوتلسات 10
اولا ثبات اشارة الترددين دول مقياس جيد للطبق
10756
V
2480
الخاص بقناة زيمبابوى
وتردد10840
v
3255
قناة ortc
واحد هيقولى مجيبتش جديد اقولو مفيش جديد فى الثوابت يا جدع هههههه

اليكم ناتج الكلام دا
اولا قناة مانشيستر


هو مانشيستر احسن مننا خد يا عم قناة الاهلى اهى



ترد فيد قناة الاهلى
11553
H
2399
ناتى الى الفيدات الاخرى وهارفع بعض الصور لان الفيدات كتير اوى والله



-------



-----




------



لو حبيتو صور اكتر لفيدات القمرين فى كتيييير

ناتى للقمر الثالث وهو اليوتلسات 16
لاستقبال فيدات هذا القمر لابد من استقرار اشارة قناة الجزيرة بلقان
بس خلى بالك ليها ترددين واحد قوى والتانى ضعيف انا اقصد الضعيف
وهو اللى فى الصورة



وعند استقبال هذه القناة بثبات ان شاء الله تضمن تستقبل كل فيدات هذا القمر وللعلم بعض الاحيان تكون عليه فيدات افريقية مفتوحه



------



وكمان القمر دا له صور فيدات تانى كتير ومش بخل منى والله بس انا توهت فى الصور ههههههههههههه
الصور اللى صغرتها للموضوع دخلت فى الصور الاساسية

----
نتطرق الان الى اخر قمر وهو اليوتلسات 3
اللى عليه فيدات البين

اشارة فيدات البين مرتفعة بمقارنتها بباقى فيدات الاقمار
ولاستقبال الفيدات على هذا القمر
وصل اشارة الباقة المغربية لاقصى ما يمكنك
12526
H
4444




وقبل الختام تم استقبال القمر الجديد ABS-3A @ 3° West
مع القمر الصهيونى
والقمر التركمانى مع الياه سات واكسبريس
واقمار اخرى لم اجد جدوى من رفعها
ملحوظة

ممكن الترددات المذكورة على انها ضعيفة تكون قوية فى الوجه البحرى
فتم تنفيذ هذا العمل بشمال محافظة قنا

ارجو ان ينال اعجابكم
تلميذ فى مدرسة مصراوى سات
ابواياد

[فني تركيبات]

احمد جمال
ارجو فى المرات المقبله ان ترفق رابط الموضوع فقط
ولاداعى لتشويه الصفحه هكذا