[AHMED BASHER 20]

السلام عليكم عندى مشكلة على كارت Tevii s662 وويندوز 10 انا حملتلوا كذا تعريف بس برضوا مش عايز يجيب قنوات خالص جربت كذا تعريف منهم الى بيعرف الجهاز عاد بس اجى اعمل بحث على القنوات يقولى في اشارة بس مفيش ولا قناة بتنزل خالص مع انى جربت الطبق الاشارات كلها ممتازة ومش عارف اعمل اية تانى ؟ انا جربت التعريف الى موجود هنا ونفس المشكلة الاشارة موجودة والكارت متعرف بس مفيش قنوات بتتحمل خالص ؟
وجربت على كذا ويندوز 7 و 10 وبرضوا مفيش حاجة شغالة فيهم خالص

[البلعوطي]

انا عندي نفس المشكله بس علي ويندوز 8 ونفس نوع الكارت بيجيلي اشاره ولما بجي ابحث مش بينزل قنوات خالص ومش عارف ليه
نتمني حد يقولنا المشكله فين مش اكتر

[AHMED BASHER 20]

ياريت والله لانى بكلم دلوقتى الشركة المختصة وبحاول معاهم بس قولى انت الجهاز عندك لسة جديد برضوا قديم ولا حصلوا حاجة منك وهو كان شغال قبل كدا ؟

[البلعوطي]

انا لسه شاري الكارت من اسبوع بس وبصراحه كرهته عشان انا اوقات بلاقي فيد تنس واجي ابحث عنه يديني اشاره وابحث يقولي مفيش قنوات في نفس الوقت لما شيلت السلك وحطيته في الريسيفير الفيد نزل
وياريت تقولي الشركه قالتلك ايه
وياريت تقولي انت بتستخدم برنامج ايه

[AHMED BASHER 20]

لا انا مشكلتى اكبر من كدا بكتير انا مفيش اى قناة اصلا بتنزل عندى ولا مفتوح ولا مشفر مع انى اجرب على الرسيفير عندي شغال والاشارة ممتازة ولو فيد بلاقي الاشارة عالية ومفيش رمشة حتى والقناة بتشتغل بعد ****** عادى جدا جدا مش عارف بقى الكارت دة مالوا ومشكلتى بقى انى مجربتيش الكارت اول ما جبتوا لحد ما خرج برة الضمان لظروف السفر وكان معايا رسيفير تانى ولما جيت اجربوا دلوقتى لقيت المشكلة دى كدا وكلوا طبعا فرحان وعمال يقولى اسفين خرج برة الضمان فانا بحاول وربنا يكرم وان شاء الله اول ما اوصل لرد ويشتغل بالنسبالي هبعتلك الطريقة باذن الله وانت لو لسة عندك نفس المشكلة روح غيروا على طول متستناش من حد حاجة علشان تريح نفسك خالص متغلطتش غلطتى وبالتوفيق يارب

[البلعوطي]

طيب هقوله ايه وانا بغيره وانا اصلا مش عارف الطريقه فين وهو اكيد هيجربه وينزل القنوات وتشتغل معاه وهيقولي مفش حاجه
طيب قولي انت نزلت ملف قنوات جاهز ولا لاء عشان لما تنزل ملف قنوات وتقف علي القمر بتشتغل عادي لو لاء قولي وانا هحاول ابعتلك ملف قنوات فيه 20 قمر تقريبا واقف علي النايل سات وجرب
وبالنسبه اروح اغيره هغيره عشان مش بينزل قناه ولا عشان ايه انا بينزل معايا فيدات الدوري الاسباني علي 10 شرق
وهل انه يجيب اشاره ومينزلش قنوات دي مشكله الجهاز ولا برنامج العرض احنا مش متاكدين العيب فين انا والله بجرب البرامج كلها بتاع العرض ولو حاجه ظبطت هكتبلك برده وعرفني انت عندك برنامج ايه بتشتغل عليه

[AHMED BASHER 20]

بص انت مشكلتك انك هتحتاج علشان تنزل الفيدات تلعب شوية فى ارقام الترددات يعنى لو الرقم مثلا يعنى 12015 انت تحاول تكتبوا كدا 12010 او 12011 او تزود شوية علية وهكذا لحد ما يجيب اشارة فاهم قصدى وبرضوا فى الترميز برضوا لو 07200 ممكن تكتب 7190 او 7195 وهكذا يعنى لحد ما تعرف انت بعد كدا هتحتاج تزود ولا تنقص التردد علشان يلقط معاك الاشارة كويس وهكذا يعنى قبل ما تروح ترجعوا وانت لسة معاك وقت طويل يعنى فى الضمان وان شاء الله متحتاجش اصلا ترجعوا ويشتغل معاك كويس
انا بقى مجننى انا جربت كل حاجة تتخيلها بروج او الدريم او ماى ثيتير او اى حاجة تانية برضوا مش شغالة الاشارة موجود زى ما هبعتهالك كدا وبرضوا مفيش ولا قناة بتتحمل وادينى بحاول اكلم الشركة وطلبوا منى اصورلهم الى بيحصل معايا وصورتوا فعلا وبعتوا ومستنى بقى الرد من عندهم وربنا يكرم ويشتغل باذن الله وبرضوا ابعتلى الملف بتاع القنوات بتاعتك لو مش هتعبك معايا اجربوا ونشوف كدا وربنا يكرم باذن الله

[AHMED BASHER 20]

دى صورة برضوا من تجربتى مع DVB Dream

http://imgur.com/a/tu1lV

[محمد شرف]

اسوء كارت ستالاليت بصراحة انا رميته واشتريت ريسيفر

[AHMED BASHER 20]

المشاركة الأصلية كتبت بواسطة محمد شرف

اسوء كارت ستالاليت بصراحة انا رميته واشتريت ريسيفر

طيب اعمل اية ارمية يعنى ولا اية حرام والله دة انا لسة فاتحوا مكملتيش 4 ايام ؟

[البلعوطي]

نرميه ازاي بس انا لسه جايبه من اسبوع ب 550 جنيه والله حتي ملحقتش اتهني بيه
وبعدين انا عملت اللي انت قولت عليه بزود في التردد وانقص وبرده جايب اشاره بس لما ببحث مفيش قنوات بتنزل وبعدين حتي من غير ما ازود ولا انقص التردد بيجيب معايا اشاره ومفيش قنوات بتنزل ومش عارف اشمعني فيدات 7 شرق بالذات عشان انا بلقط فيدات الدوري الاسباني علي 10 شرق انا هتجنن واعرف السبب بصراحه

[البلعوطي]

بص انا متاكد انك محتاج ملف قنوات ولما تقف عالنايل سات مثلا وملف القنوات فيه القنوات هتشتغل معاك بس انا مش عارف اجبلك الملف انا جديد ومن زمان في مصراوي ومسجل بس مكنتش عارف اشارك فسامحني وقولي ازاي بس اقدر انزلك الملف هنا

[ABOZIAD@AHMAD]

اخوانى الافاضل حمل ملف قنوات جاهز لأى برنامج ووافينا بالرد

[محمد شرف]

ملف قنوات للفيور في اكتر من قمر وهو منقول للحفاظ علي حقوق صاحبه

[البلعوطي]

استاذ محمد حضرتك شايف ان ممكن المشكله تكون في الدريم وفي ملف القنوات
يعني انزل ال dvbviewer واجرب ملف القنوات ده
ولا ده ملف قنوات للدريم
شكرا ليك