[hamzawi]

يا استاذ/ حماده الراجل بيقول انه عمل معاه كده وهو بيشاهد الart مش كان بينزل سوفت ولا حاجه واخوه اخرين الرسيفر الفاشل ده وقف على كلمة كيومكس اثناء التشغيل واخرين واخرين هو فيه ايه ناخد الرسيفرات الفشله دى ونروح نرميها فى وش الفاسد عبد العال بالزمه الناس دى مش صعبانه عليك يا راجل عوزين نتغير بقه دم الناس اللى ماتت فى الثوره مش عوزنها تروح هدر يعنى بلاش مجاملات اذا كان لك اتصال بالفاسد عبد العال انت او اى اخ من الساده المشرفين يبلغه بالبلاوى اللى عاملها الرسيفر الزباله ده ويترجاه ان ينزل اللودر لحل كثير من المشاكل ويعرفه بان السيلفر لن يكون له فائده لان جميع القنوات ستتحول الى نظام التشفير الجديد ولا هو مبيقراش ولا بيشاهد المنتديات وعايش مع نفسه زى عمنا حسنى مبارك مش عارف حاجه

[wdwsdvn]

المشاركة الأصلية كتبت بواسطة hamzawi

الاستاذ/ حماده ايه رايك فى المصايب اللى عاملها هذا الجهاز المشكله ادخل على جميع انواع الرسيفرات الhd مش هتلاقى ربع المشاكل دى لسه انت والاستاذ/ هانى والاستاذ/ وليد هتدفعوا عن هذا الجهاز الفاشل والله انا زعلان علشان اخوانى اللى النصاب عبد العال بالتهمه المسمى بالجوكر شيل كبلات وحط كبلات وجرب السوفت الاولانى وجرب . وجرب . وجرب . وجرب . بالزمه دا اسمه كلام يا جماعه مش هيبقى هذا المصيبه الجوكر محترم الا بالودر واسف على هذه الطريقه لانى والله مخنوق من الزفت اللى اسمه عبد العال

أخى حمزاوى الجهاز ممتاز جدا بس محتاج الحرص فى تمرير السوفت أو ملفات القنوات ويفضل عدم إعطاء ملف قنوات لأن معظم المشاكل تكون مع ملفات القنوات ويفضل أن يكون الترتيب يدوى
كما أن كثرة تغيير السوفت بغير الحاجة يضعف الفلاشة علما بأن أى جهاز يتم تغيير السوفت بكثرة يؤثر على مكوناته سواء كان جوكر أو غيره
عندما تقارن بين الجوكر وأى جهاز تانى الجوكر يكسب لإمكانياته الكثيرة وسعره المنافس جدا

[عمروعباس عثمان]

انا حصل معايا كدة بس غيرت الفلاشة خالص

[said_ghaber]

يا خى اهدى شوية وانشاء الله هتلاقى حل

[امير الاحزان كريم]

المشاركة الأصلية كتبت بواسطة wdwsdvn

أخى حمزاوى الجهاز ممتاز جدا بس محتاج الحرص فى تمرير السوفت أو ملفات القنوات ويفضل عدم إعطاء ملف قنوات لأن معظم المشاكل تكون مع ملفات القنوات ويفضل أن يكون الترتيب يدوى
كما أن كثرة تغيير السوفت بغير الحاجة يضعف الفلاشة علما بأن أى جهاز يتم تغيير السوفت بكثرة يؤثر على مكوناته سواء كان جوكر أو غيره
عندما تقارن بين الجوكر وأى جهاز تانى الجوكر يكسب لإمكانياته الكثيرة وسعره المنافس جدا

من غير حضرتك ما تزعل شيل كل امكانياته دى وخليه يشتغل زى الريسفرات العاديه مش كل دقيقه يكتب على القنوات المفتوحه انها مشفره
وبلاش ندافع عن الغلط الجهاز ده اقل ما يقال عنه انه جهاز فاشل

[كيموسات]

تم شحن الفلاشه ب80ج والله .. وعلي فكره ياجماعه الجهاز ده مش كفئ مشاكله كتيره

انا عندي محل واعمل في هذا المجال منذ 16 سنه ويمكن اكتر الناس تعرفني في اكتر

المنتديات وعلمت ناس كتير في هذا المجال في التركيب والسوفت وير ....

وللاسف اجهزه االنهارده كلها ورق وبذات منتجات عبد العال ؟؟؟

حسبي الله ونعم الوكيل

[bsbssalah]

ولله حرام الي بيحصل ده ياعني الراجل نزل سوفت وير بطريقه مظبوطه وعمل كل حاجه صح ويجي يتفرج علي الاي ار تي يروح يهنج وميشتغلش طب ده يرضي مين ياجماعه ؟؟؟؟؟ انا عمري مشوفت كده ولله