مشكلة في العرض و التسجيل بواسطة كارت dvb-s480

MGadAllah · #1 2011/07/30, 12:41 AM

السلام عليكم و رحمة الله و بركاته

قمت بشراء كارت dvb-s480 الذي يدعم عدد 2 lnb

سؤالي هو، هل يمكن التسجيل من قناتين مختلفتين في نفس الوقت؟

الحمادوى · #2 2011/07/30, 06:51 AM

نعم اخى ممكن والكارت مصمم خصيصا لذلك
لكن لابد انه يكون متوصل بطبقين او على طبق بلاقط مخرجين
لكى يعطيك حرية اختيار القناه الاخرى للتسجيل دون التقيد بالتردد
ياريت اعرف منك سعره كام
وايه البرامج المستخدمه معاه غير الاصلى بتاعه

MGadAllah · #3 2011/07/30, 07:33 AM

- السلام عليكم و رحمة الله و بركاته

- جزاك الله كل خير علي الرد و الإهتمام

اقتباس:

المشاركة الأصلية كتبت بواسطة الحمادوى

نعم اخى ممكن والكارت مصمم خصيصا لذلك

- هذا ما أتمناه و ما فهمته و لذلك قمت بشراؤه.

اقتباس:

المشاركة الأصلية كتبت بواسطة الحمادوى

لكن لابد انه يكون متوصل بطبقين او على طبق بلاقط مخرجين لكى يعطيك حرية اختيار القناه الاخرى للتسجيل دون التقيد بالتردد

- فضلاً ممكن توضح لي الكلام ده بتفصيل شوية علشان معلوماتي لسه علي قدي في موضوع الريسيفرات و الكلام ده أخي الكريم.

- أنا بصراحه كل اللي عملته إني إشتريت الـ lnb الـ 4 مخرج ماركة ترومان، و داخل المنزل عندي بجوار الكمبيوتر وصلت السلك الرئيسي اللي نازل من الطبق علي مكان فتحة الريسيفر في قطعة الـ lnb الـ 4 مخرج.
- و بعد كده قطعت عدد2 سلك ريسيفر كل سلك طوله 50 سم ، ووصلت كل سلك من اللي هما 50 سم الجديد اللي عملته في مخرج فتحة في الـ lnb الـ 4 مخرج بتاعت ترومان اللي انا لسه مشتريها و قمت بتوصيل الطرف الأخر من السلك بمدخل كل lnb موجود في الكارت علشان أشغل الكارت.
- و بعد كده لما أجي أسجل القناة المعروضة بتكون بتقطع و زي الزفت بصراحه.

اقتباس:

المشاركة الأصلية كتبت بواسطة الحمادوى

ياريت اعرف منك سعره كام

- أنا إشتريته من حوالي شهر و نصف من مركز البستان في باب اللوق بـ 740 جم.

اقتباس:

المشاركة الأصلية كتبت بواسطة الحمادوى

وايه البرامج المستخدمه معاه غير الاصلى بتاعه

- و الله أنا ما أستعملتش غير الإسطوانه اللي جايه معاه و ما جربتش أي برامج تانية، زي كا قلت لك أنا لسه معلوماتي علي قدي في الموضوع ده.

- لكن بالنسبة لبرنامج الإسطوانة الأصلية لما بينزل بيخلي في 2 برنامج للتشغيل ، الأول إسمه (myTeVii LNB1) ، و الثاني إسمه (myTeVii LNB2)، و الإثنين نسخة طبق الأصل في كل شئ.

أرجو الرد و التوضيح وجزاكم الله عنا كل خير أخي الكريم.

MGadAllah · #4 2011/07/30, 09:08 AM

تذكير لطيف
أرجو الرد حتي أتمكن من ضبط الإعدادات و التوصيلات قبل شهر رمضان.
جزاكم الله كل خير

الحمادوى · #5 2011/07/30, 10:15 AM

هى فكرة الكارت تعتبر ان عندك اتنين كارت على الكمبيوتر
لذلك تجد ان البرنامج تم تفعيله بصورة طبق الاصل
هتستخدم برنامج للمشاهدة وممكن تسجل منه اثناء المشاهدة ** والبرنامج الاخر للتسجيل من قناه اخرى
حاليا سبب مشكلتك
لازم تركب الـ lnb الـ 4 مخرج ماركة ترومان، على الطبق نفسه مكان القديمه

وتنزل اسلاك من القطعة على الطبق بعدد الاجهزة اللى هتستخدمها ** الكارت هيحتاج سلكين لوحده
يعن لو هتستخدم رسيفر كمان يكون عدد الاسلاك 3 ** اتنين للكارت وواحد للرسيفر
سؤال
هل فيه برامج اخرى على اسطوانة الكارت؟؟؟

MGadAllah · #6 2011/07/30, 12:53 PM

يعني بالطريقة دي مش هايحصل أي مشكلة في التسجيل و هاقدر أسجل من قناتين في نفس الوقت؟ بدون الصورة ما تتقطع و تكون بنفسس الجودة؟

و هل لابد أن تكون القناتين علي نفس التردد أم يمكن أن يختلف التردد ما دمت علي نفس القمر؟

بالنسبة للي موجود علي الإسطوانة الأصليه هو فقط برنامج الـ myTeVii و التعريف الخاص بالكارت.

أرجو الرد للأهمية.

الحمادوى · #7 2011/07/30, 03:08 PM

بخصوص التسجيل احنا بنقدر نسجل من عدة قنوات فى وقت واحد لكن على تردد واحد*** ده على الكروت العاديه

لكن مع نوع كارتك فهو مزود ب2موالف لكى يتيح لك تشغيل قناه فى تردد والتسجيل من قناه فى تردد اخر وممكن اكتر من قناتين لكن طبعا يتوقف على البرنامج بتاع الكارت لو فيه هذه الخاصية
بل اعتقد ان ممكن يكون التردد من قمر اخر كمان
والتسجيل هيكون بنفس الجودة ومفيش تقطيع ان شاء الله لان طريقتك كانت غلط
وانت ممكن توصل الطبق حاليا مباشر على اى مدخل من الاتنين وتجرب التسجيل بنفسك مفيش مشكلة بشرط قناه واحدة لحين مايتم تركيب القطعة ال4على الطبق

MGadAllah · #8 2011/07/30, 03:15 PM

اقتباس:

المشاركة الأصلية كتبت بواسطة الحمادوى

بخصوص التسجيل احنا بنقدر نسجل من عدة قنوات فى وقت واحد لكن على تردد واحد*** ده على الكروت العاديه

لكن مع نوع كارتك فهو مزود ب2موالف لكى يتيح لك تشغيل قناه فى تردد والتسجيل من قناه فى تردد اخر وممكن اكتر من قناتين لكن طبعا يتوقف على البرنامج بتاع الكارت لو فيه هذه الخاصية
بل اعتقد ان ممكن يكون التردد من قمر اخر كمان
والتسجيل هيكون بنفس الجودة ومفيش تقطيع ان شاء الله لان طريقتك كانت غلط
وانت ممكن توصل الطبق حاليا مباشر على اى مدخل من الاتنين وتجرب التسجيل بنفسك مفيش مشكلة

جزاك الله كل خير أخي الكريم
أنا قمت بتوصيل السلك الرئيسي اللي نازل من الطبق علي أحد مخارج الـ lnb الموجودة في الكارت و فعلاً كلامك صح كل حاجة زي الفل و الصورة و التسجيل كله تمام.

هل من الممكن أن توضح موضوع تسجيل أكثر من قناة؟

الحمادوى · #9 2011/07/30, 04:55 PM

دور فى البرنامج بتاع الكارت على خاصية pip وشوف موجودة ام لا
وممكن تقف على الشاشة للابرنامج وتطغط كليك يمين

وبخصوص الدريم اللى حضرتك بتسأل عنه فى المشاركة التانيه
دى مشاركة فيها شرحه و خاصية pip سهلة لا تحتاج شرح مجرد ما تقفعلى الشاشة وتطغط كيك يمين هتظهر كما فى الصورة المرفقه فى المشاركة التانيه
http://www.masrawysat.com/vb/showthread.php?t=21304

اهم حاجة تختار التعريف BDA كما فى الصورة فى خطوة اختيار نوع تعريف الكرت
ودى نسخة ممكن تحملها وتجربها
http://www.masrawysat.com/vb/showthread.php?t=274423

MGadAllah · #10 2011/07/30, 05:02 PM

اقتباس:

المشاركة الأصلية كتبت بواسطة الحمادوى

دور فى البرنامج بتاع الكارت على خاصية pip وشوف موجودة ام لا

للأسف غير موجودة.

اقتباس:

المشاركة الأصلية كتبت بواسطة الحمادوى

وبخصوص الدريم اللى حضرتك بتسأل عنه دى مشاركة فيها شرحه

http://www.masrawysat.com/vb/showthread.php?t=21304

اهم حاجة تختار التعريف bda كما فى الصورة فى خطوة اختيار نوع تعريف الكرت
ودى نسخة ممكن تحملها وتجربها
http://www.masrawysat.com/vb/showthread.php?t=274423

جاري التجربة

جزاك الله كل خير.

MGadAllah · #11 2011/07/30, 08:54 PM

السلام عليكم و رحمة الله و بركاته
فضلاً كل ما يتم تسجيله يكون بصيغة .ts
كيف يتم ضبط الإعدادات حتي يكون التسجيل بصيغة .mpg
أرجو توضيح هذه النقطة للأهمية و ذلك لأن الكثير من برامج معالجة الفيديو و التحويل لا تقبل صيغة الـ .ts و تقبل صيغة الـ .mpg
شكراً جزيلاً و أرجو الإفادة و إعتبار الموضوع عاجل.

الحمادوى · #12 2011/07/31, 05:05 AM

متأسف على التأخير

لو تقصد مع برنامج الدريم
من واجهة البرنامج تختار اعدادات ثم اعدادات ثم بدء/ ايقاف التسجيل
بعدها هتجد نافذه ومن تحت نوع ملف المخرجات تغير الى .mpg مكان ts

عمرو امين · #13 2011/07/31, 12:47 PM

بس المساحه بتبقى كبيره

MGadAllah · #14 2011/07/31, 05:28 PM

اقتباس:

المشاركة الأصلية كتبت بواسطة الحمادوى

متأسف على التأخير

لو تقصد مع برنامج الدريم
من واجهة البرنامج تختار اعدادات ثم اعدادات ثم بدء/ ايقاف التسجيل
بعدها هتجد نافذه ومن تحت نوع ملف المخرجات تغير الى .mpg مكان ts

لا مش برنامج الدريم أنا قصدي برنامج الكارت الأصلي myTeVii
أرجو الرد للأهمية أخي الكريم

الحمادوى · #15 2011/07/31, 08:03 PM

صراحة اخى الكريم معنديش نفس كارت الشركة اللى معاك
ومعرفش فيه خاصية تغيير نوع ملف التسجيل ام لا
لكن ممكن تجرب برنامج بديل لان هتحتاجه لو فكرت تفتح قنوات مشفره
لو الدريم منفعش معاك جرب البروج
حمل نسخة من الموقع
http://www.progdvb.com/download_progdvb.html

وده شرح لاحد النسخ
http://www.masrawysat.com/vb/showthread.php?t=17299

معاهش لازم تجرب لان الكارت جديد ومفيش معلومات متوفرة عن البرامج الداعمة له
بس أكيد البروج ممكن نسخة توفق معاك ان شاء الله

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
مشكلة كارت axtrom مع برامج العرض	محمود امان	كروت الستالايت	1	2017/01/26 01:08 AM
استفسار بخصوص كارت tevii s480 dual tuner	ahmed salah ahmed	كروت الستالايت	7	2013/10/01 01:23 AM
انا نويت اشترى كارت TeVii S480 Dual DVB-S2 PCIE ايه رايكم فيه	MEDO60000	كروت الستالايت	9	2013/04/30 08:17 PM
اشترى منين كارت TeVii S480 Dual DVB-S2 PCIe	dvb master87	كروت الستالايت	10	2012/09/16 02:28 AM
كارت Tevii S480 ومشكلة التقطيع	mameab1	كروت الستالايت	7	2012/08/25 09:30 PM