[kim000]

ازيكم يا جماعه...
اصحاب المزاج العالى (Truman 900 hd) (او اى ترومان عشان محدش يزعل)

عندى سؤال بخصوص التسجيل من الجهاز
جربت اسجل من الترومان على فلاش ميمورى ولاحظت ان التسجيل بيبقى على شكل 4 ملفات

curpos.cps
data00.trp
info.ifo
time.idx

طبعا اكبرهم مساحة هو data00.trp على حسب وقت التسجيل

اسئلتى:

1- نفس ال 4 ملفات دول بيبقوا موجودين مرتين فى فولدر تانى جنب ال 4 ملفات دول وبنفس الحجم
دى مشكله لانى لو بسجل حاجة هتاخد 100 ميجا مثلا
ف دة معناة ان فى 100 ميجا تانيين هيتاخدوا من حجم الفلاشة فى حين انهم نفس الملفات هما هما

2- انا جربت افتح الملفات بكذا برنامج مفتحش غير ب Elecard Player
يا ترى حد يعرف برنامج تانى غير دة لانى مبحبوش خالص

3- هل فى برنامج يدعم تحويل هذا الامتداد *.trp الى اى امتداد اخر؟
لان الدقيقة بتاخد تقريبا 22 ميجا
يعنى فيلم ساعتين ياخد 2 ونص جيجا (ودة طبعا كتير جدا جدا)

4- هل يمكن انى احول اى امتداد اخر الى هذة الصيغه عشان اقدر اتفرج على فيلم من على الكمبيوتر (يعنى حاجة مش متسجلة من الريسيفر)

5- لما ببدأ التسجيل بيطلع سؤال هل انا عايز اوقف التسجيل مع اخر البرنامج
كل مرة بقول لا
هل فى اوبشن اقدر بيه انى اخلى السؤال دة ميطلعش كل مرة احب اسجل فيها

6- لما بوقف التسجيل واقول save بلاحظ ان القناة بتقف و تيجى شاشة سوداء لمدة ثانيتين و ترجع القناة تشتغل عادى
هل دة طبيعى؟

انا جربت الكلام دة على 2 سوفت
1.2.53
1.1.58

واخير شاكر ليكم ولمساعدتكم وانا تحت امركم فى اى حاجة

[alex]

جميع اجهزة الترومان وخاصة 900 و 909 التى بها خاصية التسجيل تزهأ الواحد فى عيشته سواء اذا حبيت تتفرج على الكمبيوتر او اذا حبيت تاخد فيلم من الكمبيوتر تتفرج عليه من خلال الفلاشه وانا اخدت اكتر من وعد بحل هذه المشكله من خلال المنتدى العظيم ولكن لافائده

[ashraf64]

المشاركة الأصلية كتبت بواسطة alex

جميع اجهزة الترومان وخاصة 900 و 909 التى بها خاصية التسجيل تزهأ الواحد فى عيشته سواء اذا حبيت تتفرج على الكمبيوتر او اذا حبيت تاخد فيلم من الكمبيوتر تتفرج عليه من خلال الفلاشه وانا اخدت اكتر من وعد بحل هذه المشكله من خلال المنتدى العظيم ولكن لافائده

عندك حق فى كل اللى قلته

[kim000]

انا لقيت برنامج بيحول من ال trp لاى امتداد تانى و حوله بنفس الجودة

بس لسة بقيه النقط
وخصوصا نقطة ان الحاجة بتتسجل مرتين
حد يشوفلنا حل يا جماعه

[kim000]

البرنامج اسمه format factory
وبجرب برنامج تانى

[م/سامح الجبالى]

ان شاء الله هيكون فى حل بخصوص التسجيل 900
و909

[kim000]

المشاركة الأصلية كتبت بواسطة م/سامح الجبالى

ان شاء الله هيكون فى حل بخصوص التسجيل 900
و909

اعتقد ان ال duplication اللى بيحصل دة software bug وممكن يتحل

حد يقولنا نبعت ال bugs دى لمين عشان يعملوا سوفت جديد
خصوصا انى عندى كمان bug فى ال epg

[kim000]

لاحظت حاجة فى موضوع ان الملف المتسجل بيتكرر
لما بسجل ملف كبير 80 ميجا مثلا
التكرار بتاعه لقيته جزء من الفيديو 20 ميجا بس

وموضوع الرساله اللى بتطلع مع التسجيل (بتاعة نسجل لاخر البرنامج) دى ملهاش اوبشن بردة يلغيها؟

[جابر وليد جابر]

جزاك الله خيرا ومزيد من التقدم

[ashraf64]

بصراحه يا جماعه التسجيل والعرض من خلال 900hd اللى امتلكه غير مريحه والله اعلم ب 909 وياريت المهندس سامح يشوف لنا حل كما اوعد لان دى اكبر مشكله فى هذا الجهاز العملاق

[kim000]

الوووو يا جماعة

لسة مفيش حلول؟؟؟

كل سنة وانتم طيبين

[kim000]

الوووو يا جماعة

لسة مفيش حلول؟؟؟

[aboyousf]

الجهاز مهمل فى كل شى حتى تشغيل السى سى كام علية محدش راضى يرد علينا

[zohny]

يا اخونا الكرام نحن ليسه الشركه المنتجه للجهاز
نحن كل ميصدر عن الشركه نقوم برفع لكم
ونوفر كل ما يتاح تحت ايدنا
وما تطلبوة هو بايد الشركه المنتجه للجهاز
ونحن ليس لان الحق بمطلبتهم بش
فهم ادرا بمنتجهم
كل اللى نقدر نعملو عند وجود جديد يخص اجهزتكم سوف يكون متاح لكم
لكن الامر ليس بايد مشرف ولا مدير هنااااااا
الامر يخص شركه ترومان
والل منضرر من شى عليه بتوكيل
وبخدمه العملاء ويشتكى برحتو

[aboyousf]

الشكر الى الاخ zohny على سرعة الرد واحنا متاسفين بس احنا مش عاوزين غير نشغل الجهاز سى سى كام لو مش بيشتغل نعرف ولكم الشكرعلى المجهود المبذول منكم