[دكتور فى الحب]

اليوم اقدم لكم تجربتى الشخصيه مع دونجل"الترومان888" .
احب ان اعرفكم بنفسى انا فنى تركيبات منذ اكثر من 13 سنه وعندى خبرة الحمد لله لا بأس بها ... المهم ندخل على الموضوع
جالى "زبون" وحب يركب الترومان دونجل لانه بصراحه زهق من "دونجل" الهيروشيما . المهم طلعت فوق على السطح عشان اشوف حجم الطبق وجدته طبق بريفكس 70 سم . فقولت اسمى الله واشتغل بدأت اجيب اشارة التركى w3 " على اشارة 10721 2200 H كانت الاشارة معايا على جهاز الهيروشيما 78 % فقلت لازم الاشارة تعلى اكتر من كدة المهم بعد محاولات عديدة ارتفعت الاشارة الى 91% فقلت كدة فل الفل خش ياريس على تردد الداتا الـ هو 12526 V 2900 جاب معايا صفر اجيبه شمال يمين ولا فيه فايدة

المهم قولت للزبون لازم حجم الطبق يعلى شويه عشان اعرف اشغلك الدونجل قالى ماشى راح اشترى طبق 1 متر نوع "ECC " ركبته وجيبت اشارة التركى 10721 لقتها اصبحت 97% بعد ما كانت 91% فرحت وقولت كدة زى الفل والدونجل كدة هيشتغل تمام بحثت عن تردد الداتا لقيته صفر نفسى اتسدت بس افتكرت حاجه مهمه جدا جدا ان من شروط استقبال تردد الداتا حاجتين :
1/ لابد من توافر حجم طبق كبير
2/ توافر قطعه او لاقط او LNB من النوع الجيد
جربت عدة قطع ما بين الرويال الى سترونج الى سكاى ومفيش فايدة المهم كان معايا قطعه "كومكس " استعمال قولت اجربها وكانت هى السر ولها مفعول السحر اول ما ركبتها وانتظرت حوالى 30 ثانيه وجدت تردد الداتا سجل 61% شبكت الترومان كتب ليا كلمه "ON " والقنوات فتحت بصورة رهيبه
وهذة كانت تجربتى العمليه مع دونجل الترومان
اهم نقاط الافادة فى الموضوع
* توافر حجم طبق مناسب
*توافر قطعه مناسبه

اخيرا نسيت اقولكم ان الزبون كان فرحان اوى اوى وشكرنى جامد وادينى 50 جنيه تركيب

[khattab]

هههههههههههه 50 جنيه مرة واحد انت اكيد مش بتنام من ساعتها

[Mohamedessam]

معاك حق يامعلم نقطه الLnb‏ مهمه جدا انا جربت اتنين واحده ‏Starsat‏ ام عشره جنيه جابت معايا التردد بعد عذاب بس مش طوال اليوم بعد تغير الLnb‏ الي ‏fte‏ الاسباني بسم الله ماشاء الله التردد بقي بيجي طوال اليوم

[م/إبراهيـم عـطاالله]

ههههههههههههه
قصه كفاح على السطح و 50 ربنا يذيد ويبارك
والراجل كويس انى من فرحته مرماش نفسه من على السطح
يا غالى يوجد قسم التركيبات كنت تعمل تلك المشاركه فيه للأستفادة

[ايمن يونس2010]

المشاركة الأصلية كتبت بواسطة إبراهيـــــم عـــــطاالله

ههههههههههههه
قصه كفاح على السطح و 50 ربنا يذيد ويبارك
والراجل كويس انى من فرحته مرماش نفسه من على السطح
يا غالى يوجد قسم التركيبات كنت تعمل تلك المشاركه فيه للأستفادة

[ahmoood555]

شكرا على الافاده

[زياد22]

الســـــــــــــــــــــــــــلام عليكم الاول الي كل احبابي مصراوي سات ترومان الدونجل اشارة اتلو سات w3 هذا تردد الداتاالصحيح هو 11526عامودي معد ل الترميز 29000 بدلا من 12526 علشان انا جربت هذ ا لتردد لا يوجد اشاره مع اني انا عندي طبق 120 سم وعد سه استرونج وهذ التردد 11526 يصل معايا من 70 الي 71% وترددrts1وortmيصل معايا من 88 الي 90% وشكرأ لكم يا احلي منتدي في مصر

[القمارى]

هههههههههههه 50 جنيه مرة واحد انت اكيد مش بتنام من ساعتها

[محمد عواونه]

يوجد مشاكل فى تردد الداتتة ويعمل على الاطباق 180سم بكفائة

[hanysaber210]

فاكر السوفت الجزائري

[اوفى]

قصة جميلة ممكن تتعمل فيلم اومسلسل ههههههه