الي خبراء الشبكات اعان عايز اعمل شبكة ويرلس

ابوسـويلم · #1 2013/04/11, 11:44 AM

بسم الله الرحمن الرحيم
السلام عليكم ورحمة الله وبركاتة
انا عندي شبكة سلكية علي ***** ميكروتك
وعايز اوسع الشبكة واعمل شبكة وير لس
ياريت حد يدلني علي احسن الاجهزة المستخدمة واسعارها
وهل هي مكلفة ولا لا
وعندي في القرية 2 شبكة وير لس هل ليهم تأثير علي الشبكة بتاعتي
ولكم جزيل الشكر

هانى صلاح · #2 2013/04/11, 02:50 PM

لو تكرر مره أخرى
وضع أرقام تليفونات
سيتم إيقافـــك

الإدارة

م/أحمدمحمدحسين · #3 2013/04/11, 06:39 PM

ياغالي اشتري بيكو ستيشن للاماكن القريبة منك يعني اقل من الكيلو
وبوليت 2hp + انتنا هايبر لينك 15 للابعد من الكيلو

احمد عبده · #4 2013/04/16, 04:24 AM

اخى الفاضل شوف انتا عايز تبث مسافه كام والارتفاعات عندك اخبارها ايه وانا معاك ان شاء الله

ابوسـويلم · #5 2013/04/16, 02:16 PM

اقتباس:

المشاركة الأصلية كتبت بواسطة احمد عبده

اخى الفاضل شوف انتا عايز تبث مسافه كام والارتفاعات عندك اخبارها ايه وانا معاك ان شاء الله

اخي الكريم بارك الله فيك علي الرد

انا في قرية حوالي10 كيلو في القرية 2 شبكة
انا عايز ابث علي القرية بحيث مأثرشي علي الشبكات المجاورة
انا في اعلي منطقة في البلد والبيت 5 ادوار

hani181286 · #6 2013/04/25, 02:00 AM

بارك الله فيك يا غالى

NASA 3HD USA 2011 · #7 2013/04/27, 03:43 AM

مامنوع ارقام التلافون يا غالى

موس موس · #8 2013/04/29, 01:32 AM

ما شاء الله

احمدفؤاد · #9 2013/04/29, 03:23 AM

خليك زى منتا سلك افضل انا والله ويرلس وبغير الان الشبكة برجعها سلك تانى

احمد عبده · #10 2013/04/29, 04:34 AM

اقتباس:

المشاركة الأصلية كتبت بواسطة ابوسـويلم

اخي الكريم بارك الله فيك علي الرد

انا في قرية حوالي10 كيلو في القرية 2 شبكة
انا عايز ابث علي القرية بحيث مأثرشي علي الشبكات المجاورة
انا في اعلي منطقة في البلد والبيت 5 ادوار

انا اسف على التاخر فى عدم الرد عليك انتا عايز تبث 10كم ولا كام بالظبط علشان كل مسافه ليها شغل وعرفنى انتا عامل مزنيه كام

مصطفى_يوسف · #11 2013/05/02, 01:41 PM

الموضوع سهل جدا وتكاليفه عاديه بوليت 2hp +انتينا 12 دى بى

فى حدود 1500 جنيه تقريبا + كيسه عندك قديمه ب100 جنيه هتعملها سرفر ميكروتك ب50 جنيه بس وهترفع البرج على ارتفاع 7 متر فوق بيت دور او اتنين
هيشتغل معاك زى الفل
المميزات 1- الاستراحه التامه من شد اسلاك فى الشوارع وتعرضها للقطع او السرقه
2 - هتريح دماغك الزبون اللى مش عاجبك هتقطع عليه الاشاره وانت فى بيتك
3 - الزبون اللى عشمان هتبعتله سرعه على قد فلوسه لحد ميتفعد ويسيب النت
ومميزات تانيه كتيييييييييييييييييير

العيوب
1 - الوير ليس بتاثر بعوامل الجو سواء حراره عاليه او رطوبه عاليه وهو تاثير ضعيف
2 الشى التانى التكلفه على العميل هتزيد شويه اكسس بوينت 185 جنيه - 30 متر سلك نت 30 جنيه - 20 متر كهربا 10 جنيه - تكاليف تركيب واشتراك 50 جنيه
واجمع انت بقى لو كل عميل على حده
ولو اكتر من عميل هتجيب سويتش وتضيفه على اللى فات وتقسم التكلفه
3 - العيب الاخير العوائق زى المبانى المرتفعه الاشجار العاليه ابراج الكهرباء
وفكر واستخير ربنا وتوكل على الله
مفيش حاجه مفيهاش مشاكل

واى خدمه كل ده عن تجارب-------------------

احمد عبده · #12 2013/05/02, 07:30 PM

اخى الفاضل مع احترامى للجميع البوليت مش هتغطى المسافه الى الاستاذ الفاضل عايز يغطيها ممكن تبث بالنانو بريدج او الوكو من وجهة نظرى كده هتبقى تمام

مصطفى_يوسف · #13 2013/05/02, 08:23 PM

يا اخى انا بتكم لو هيوزع فى نفس القريه انما لو هينقل مسافه تزيد عن 2 كيلو
يبقى زى محضرتك قولت لازم نانو بريدج لنقل الانترنت بحوالى 1800 جنيه
او لوكو بحوالى 1200 جنيه تقريبا وهيضفه على التكلفه السابقه

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
عايز اعمل شبكة دش مركزية	شعاع الامل	ترددات الأقمار الصناعية و القنوات الفضائية	0	2019/01/24 09:27 AM
عايز اعمل شبكة تبث 20 قناة	على محمود ابراهيم	تركيبات الدش و الدش المركزي	1	2018/08/23 02:55 AM
عاوز اعمل شبكة دش مركزى لاسلكى ارجوا المساعدة فى تكوين الشبكة او من لديه خبره فى عمل الشبكات ممكن ان يعملها لى	الفنان121	تركيبات الدش و الدش المركزي	1	2017/09/27 01:56 PM
يا جماعه عايز اعمل شبكة واى فاى من اللاب توب عايز طريقه مجربه	محمد الحضرى1	المنتدى الفضائى العام	2	2015/02/01 01:21 PM
عايز اعمل شبكه ويرلس في مساحه 1او2كيلو	moahmad salem	المايكـــروتيـــك	15	2014/02/20 12:40 AM