حصريا الحل النهائي لفصل كرت الستالايت usb s660 واعادة تشغيله لكي يعمل

sameh elkassas · #1 2013/05/19, 09:51 PM

انا لقيت الكثير من اعضاء المنتدي بيشتكوا من المشكله دى
وانا شخصيا عانيت منها
والمشكله ان الكرت فجأه يفصل وميجيبشي صورة على الرغم ان الاشارة موجوده
وجربت انا بعض الحلول وغيرت كبل اليو اس بي وشيلت البرنامج ونزلته من جديد وشيلت التعريف وبرضه نفس المشكله
وبعد بحث كتير لقيت حل المشكلة
وعلى فكره المشكلة دي عامة وفيه اشخاص كتير بعتوا الشكوي دي للموقع الرسمي
عموما
بدون الدخول فى تفاصيل الحل هو
.
؟
.
؟.
هو .
.
.
.
.
.
انك تجيب ادابتور جديد يكون نفس الفولت ولكن الامبير يكون عالى
والمشكلة دي بتحصل فى الكرت لما تكون انت شغال مثلا وبتسمع قناة وبعدين حد يفتح النور فى اى غرفه جنبك فبيحصل تقطيع فى الكهرباء فى لحظات تؤدي للمشكلة دي (وبالذات فى اللمبات النيون)
ولو عاوز تتأكد جرب ماتخليش حد يشغل النور اثناء مشاهدتك واتحداك ان الكرت يفصل
وفى النهاية ارجو كلمة شكر لانى والله تعبت لحد ما لقيت الحل لدرجة انى بحثت على المشكلة دي باللغه الانجليزية ولقيت فعلا الاجانب هم اللى بعتوا المشكله للتوكيل وكان رد التوكيل بتغيير الادابتور
ارجو التثبيت لفترة لتعم الفائده لان الحل ده فعلا حصري لمصراوي ومفيش اى منتدي آخر عنده الحل

Ana Ayesh · #2 2013/05/19, 11:24 PM

شكراً علي المعلومات القيمة وأنا بستعمل نفس الكارت ويمكن من يومين فقط بدأت تحدث معي تلك المشكلة دون معرفة أسبابها
أكيد هاحاول أتأكد بنفسي من السبب
وفي حال أن كلامك كان صحيح
سيتم تغيير الأدبتور
وشكرا لك مرة ثانية

الكابتن على · #3 2013/05/20, 01:24 AM

تسلم يا غالى ونتمنى مشاركة
اصحاب هذا الكارت وابداء
رأيهم فى حل المشكلة ....

sameh elkassas · #4 2013/05/20, 03:27 AM

اقتباس:

المشاركة الأصلية كتبت بواسطة ana ayesh

شكراً علي المعلومات القيمة وأنا بستعمل نفس الكارت ويمكن من يومين فقط بدأت تحدث معي تلك المشكلة دون معرفة أسبابها
أكيد هاحاول أتأكد بنفسي من السبب
وفي حال أن كلامك كان صحيح
سيتم تغيير الأدبتور
وشكرا لك مرة ثانية

لو عاوز تتأكد جرماتخليش حد يشغل حاجه بالكهرباء
وهاتلاقي الكرت شغال تمام
وجرب برضه العكس هاتلاقي الكرت بيفصل
وابقي رد عليا لما تتأكد

فرحات دش · #5 2013/05/20, 04:34 AM

والله العظيم كلامك صح مية فى المية انا تعبت من المشكلة دى وفعلا عملت زى ماانت قولت طفيت النور وشغلت الكارت وطفيت النور لاقيتة فصل وكل شوية اعمل الحكاية دى ويفصل كلامك صح 100فى المائة

فرحات دش · #6 2013/05/20, 04:41 AM

بس الادبتور دة ممكن الاقية فين

فرحات دش · #7 2013/05/20, 05:20 PM

دورت على الادبتور دة ملقتهوش خالص معلش لو حد يعرف الاقية فين فى اى منطقة يقولى

amrgamal · #8 2013/05/20, 05:54 PM

فعلا هى كانت مشكلة رخمة جدا
انا عندى الفولت 7.5 والمبير 1.0
اغيره لنفس الفولت 7.5 والامبير 1.5
فى عندى ادبتر 9.0 فولت والمبير 0.5 ينفع

مصعب الهوارى · #9 2013/05/20, 08:11 PM

طيب هنلاقي الادابتور نفس الفولت وعالي الأمبير فين يا جماعه

فرحات دش · #10 2013/05/20, 09:09 PM

اقتباس:

المشاركة الأصلية كتبت بواسطة sameh elkassas

انا لقيت الكثير من اعضاء المنتدي بيشتكوا من المشكله دى
وانا شخصيا عانيت منها
والمشكله ان الكرت فجأه يفصل وميجيبشي صورة على الرغم ان الاشارة موجوده
وجربت انا بعض الحلول وغيرت كبل اليو اس بي وشيلت البرنامج ونزلته من جديد وشيلت التعريف وبرضه نفس المشكله
وبعد بحث كتير لقيت حل المشكلة
وعلى فكره المشكلة دي عامة وفيه اشخاص كتير بعتوا الشكوي دي للموقع الرسمي
عموما
بدون الدخول فى تفاصيل الحل هو
.
؟
.
؟.
هو .
.
.
.
.
.
انك تجيب ادابتور جديد يكون نفس الفولت ولكن الامبير يكون عالى
والمشكلة دي بتحصل فى الكرت لما تكون انت شغال مثلا وبتسمع قناة وبعدين حد يفتح النور فى اى غرفه جنبك فبيحصل تقطيع فى الكهرباء فى لحظات تؤدي للمشكلة دي (وبالذات فى اللمبات النيون)
ولو عاوز تتأكد جرب ماتخليش حد يشغل النور اثناء مشاهدتك واتحداك ان الكرت يفصل
وفى النهاية ارجو كلمة شكر لانى والله تعبت لحد ما لقيت الحل لدرجة انى بحثت على المشكلة دي باللغه الانجليزية ولقيت فعلا الاجانب هم اللى بعتوا المشكله للتوكيل وكان رد التوكيل بتغيير الادابتور
ارجو التثبيت لفترة لتعم الفائده لان الحل ده فعلا حصري لمصراوي ومفيش اى منتدي آخر عنده الحل

طيب كمل جميللك وقولنا ممكن نلاقى الادابتور دة فين لو سمحت

sameh elkassas · #11 2013/05/20, 10:54 PM

اقتباس:

المشاركة الأصلية كتبت بواسطة فرحات دش

والله العظيم كلامك صح مية فى المية انا تعبت من المشكلة دى وفعلا عملت زى ماانت قولت طفيت النور وشغلت الكارت وطفيت النور لاقيتة فصل وكل شوية اعمل الحكاية دى ويفصل كلامك صح 100فى المائة

اى خدمه يا غالي بس تقريبا اللمبات الموفره مابتأثرشي فيه

sameh elkassas · #12 2013/05/20, 10:56 PM

اقتباس:

المشاركة الأصلية كتبت بواسطة فرحات دش

طيب كمل جميللك وقولنا ممكن نلاقى الادابتور دة فين لو سمحت

بص يا صاحبي انت هاتروح لمحل ادوات كهربائية كبير ولو ملقتهوش وصيه يجيبلك واحد زى ما انا عملت

فرحات دش · #13 2013/05/20, 11:11 PM

اقتباس:

المشاركة الأصلية كتبت بواسطة sameh elkassas

بص يا صاحبي انت هاتروح لمحل ادوات كهربائية كبير ولو ملقتهوش وصيه يجيبلك واحد زى ما انا عملت

يعنى ممكن الاقيها فى انهى بلد القاهرة ولا محافظة تانية

فرحات دش · #14 2013/05/21, 03:09 AM

كام امبير علشان الكارت فية 1000 امبير اعلى كام

sameh elkassas · #15 2013/05/21, 04:09 PM

اقتباس:

المشاركة الأصلية كتبت بواسطة فرحات دش

كام امبير علشان الكارت فية 1000 امبير اعلى كام

انت يا صاحبي تاخد الادابتور القديم معاك وتقول لصاحب المحل انا عاوز ادابتوور نفس الفولت ولكن الامبير يكون عالى وهوه اكيد فاهم وهايتصرف وانا جبته من كفر الشيخ فأكيد هايكون فى القاهره

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
مشكلة في رسيفر استرا 11500 HD mini تم اختيار اللغة العربية في الاعدادات وعند اغلاق ق الجهاز واعادة تشغيله يعود الي اللغة انجليزية ماهو الحل . افيدوني	سامى شمس	ريسيفرات استرا اتش دى HD	3	2018/10/21 03:55 PM
كارت الستالايت يعمل على توزيعات لينوكس ولا يعمل على الويندوز ما الحل؟	سلمان ابو خشبة	تعريفات كروت الستالايت	0	2018/06/03 02:17 AM
رسيفر أسترا 9400 عند غلق الجهاز من زر الباور بالريموت واعادة تشغيله يعود الي ضبط المصنع ويمسح القنوات	محمد شلبي الدليل	استرا ASTRA EH	3	2016/04/21 10:19 PM
كيف يمكن عمل restart بدون غلق الجهاز واعادة تشغيله ؟؟؟؟؟؟	bassem8246	كيوماكس 999 HD ( V1, V2, V2.2, V3 )	2	2011/01/08 08:25 PM