[mkrona22]

كيفية عمل الفلاشة 3g مع الإسترونج 4930HD بإستخدام الراوتر


كل عام وانتم بخير اخوانى فى مصراوى سات
وخاصه اخى م/ ابو عبدالرحمن



ربما يكون موضوعى ليس بجديد ولكنه يحمل خبره تعاملى مع روترات عديده
ومشاكل متعدده مع شركه TE DATA



والتى يعانى ولا يزال يعانى منها الكثير
بسب المشاكل المتعلقه بانقطاع الخدمه احياناً وبعدم قدره البعض على دفع قيمه الاشتراك الشهرى
أضف الى ذلك دفع فاتوره التليفون الارضى الذى ربما نشترك به فقط للحصول على خدمه الانترنت
لتشغيل الرسيفر اضف الى ذلك عدم قدره البعض من توصيل الخدمه
بسب عدم وجود تليفون ارضى
فقررت بعد مشاكل متعدده مع شركه TE DATA
وانقطاع الخدمه لما يقرب من شهرين وعدم اعتراف الشركه بالخلل



قمت شراء روتر لاسلكى يعمل بفلاشه النت الموديم ورغم المخاطره
فقد قمت بشراء روترtl-mr3220 v2‏ _ من نوع tp link



1_ الجهاز خفيف جداً وهو النسخه الثانيه V.2.0 من نفس الرقم



من النسخه الاولى ولكنه يمتاز بانه يدعم ليس 3g فقط
ولكنه يُدعم 4g ايضاً الذى لم يدخل مصر كما انه يمتاز
بدرجه حرارته المنخفضه ( مبيسخنش بسرعه )

2_الجهاز سريع جداً فى التعامل مع اجهزه الرسيفر حتى بدون تعريف
ولكن لإتصاله بالكمبيوتر يجب ان تعرفه باعدادات بسيطه



3 - مدى الويرلس للجهاز قوى جداً ويغطى شقتى 130متر تغطيه ممتازه
ولكن اصدقائى يجب ان تغلق الويرلس فور تشغيل الروتر
او تجعله بكلمه سر لان السرعه ستكون 7.2
يعنى رصيدك ممكن يخلص بسرعه لو حد شاف
الويرلس بتاعك على جهازه والحبايب كتير



4 - نيجى لاهم نقطه وهو اداء الجهاز مع الرسيفر فقط قمت بتجربه
الروتر على رسيفرين طبعاً استرونج 4930HD و ميديا كوم 9300

وكانت استجابه الجهازين سريعه و فوريه ولا مشاكل توجد
5 - تختلف اداء الجهاز تبعاً لاختلاف الشبكات والتغطيات فى كل مكان
فبرغم من تجربتى عدد قليل من الفلاشات الى أن
أداء فلاشه موبينيل هاواوى e173 تعمل معى بامتياز



ولا يوجد انقطاع ثانيه فى اليوم وعذراً لعدم تجربتى فلاشات اخرى
ولكن الروتر يدعم عدد مهول من الفلاشات حول العالم
وكما قلت سابقاً يختلف اداء الروتر تبعاً لاختلاف تغطيه الشبكات



6 - أهم نقطه وهى الفائده الاقتصاديه فبملغ 10 جنيه فى الشهر
يمكنك شحن فلاشه موبنيل تعطيك 400 ميجا واستخدام ما يتبقى من الرصيد
فى اغراض اخرى اضف الى ذلك عدم الوقوع تحت رحمه الوصلات الخارجيه
وانقطاع النت كل فتره نظراً لتعدد المشتركين وضياع اجزاء من المباريات المهمه
أعرف ان الموضوع ليس جديد ولكن كثيراً منا يجهله وكثيراً منا يعانى
اما من انقطاع النت او ارتفاع فاتوره النت والتليفون الارضى
غير المستخدم والوصلات دائمة الانقطاع اثناء المباريات
وقد تركت لكم بعض الصور للروتر وارجو ان تستفيدو اخوانى من تجربتى




وهذا هو رابط موقع الروتر لمن يريد معلومه اضافيه
http://www.tp-link.com/en/products/d...odel=TL-MR3220

وأحب ان أضيف ان هناك طريقه ليعمل رسيفر سترونج 4930HD
عن طريق ربطه مباشره بالكمبيوتر بكابل نت وايصال الفلاشه بالكمبيوتر
ولكن للاسف هي طريقه تعمل احيانا وليس دائما اضف الي ذلك
ضروره تشغيل الكمبيوتر في كل مره يعمل بها الجهاز

[عبده 2010]

اهلا بك اخي وحشنا من فترة لم نراك رمضان كريم
وفعلا موضوع مميز يستحق التقدير وشكرا علي المجهود
ولكن انت تعرف ان السيسكام والنيوكامد يحتاج لنت قوي مجرد معلومة خاصة بال10 جنيه

[mkrona22]

اخي عبده كل عام وانتم بخير تحياتي لك ولمجهودك الرائع في خدمه اعضاء مصراوي سات وقسم الاسترونج
بالنسبه للعشره جنيه تعطي 400 ميجا
تكفي لك شهرين او شهر ونص مع الاستخدام المتواصل
انا عندي نايل سات باستخدم 2 بورت طبعا نيو كامد
عندما حسبتها لقيت بستخدم حوالي 20 ميجا كل خمسه ايام
ومبفصلش الرسيفر استخدام متواصل
لا تقلق ايا ما كان استخدامك او اشتراكك (نيو كامد-سي سي كامد)
لن تصل الي 200 ميجا اي نص الاستخدام
المشكله ان نظام العشره جنيه نظام لفتره محددوده
هينتهي بعد فتره ويكون اللي اشترك اشترك والي ملحقش يشترك هيضيع منو النظام دا
كل عام وانت بخير
واي استفسار انا تحت امراخواني في مصراوي سات

[عبده 2010]

بالتوفيق ياغالي وشكرا لما تقدمه لخدمة الاعضاء

[خالد شهاب الدين]

أخى الكريم سعر الروتر في حدود كام وأين يباع؟؟؟ وهل من لدية مودم يو اس بى اتصالات يشتغل علية؟؟؟ ولا يحتاج خط dsl ??? وعند تشغيلة طوال اليوم أية اخبار السخونة؟؟؟ وهل بيفصل النت كتير؟؟؟

[MALOKA]

تسلم ايدك حبيبى على التجربة بس انا عايز اعرف طريقة التوصيل عشان انا مش فاهم حاجة كده يعنى انت عملت ايه بالظبط؟وأهم حاجة الاسعار والتكلفة الاجمالية شكرآ

[MALOKA]

فى الملفات الاتية طريقة التوصيل وشكرآ جدآآآآآآآ للاخ مكرونة بس ياريت يقول لنا على الاسعار نزل الملفات وحطهم فى فولدر واحد وفك الضغط عنهم

[م / أبو عبد الرحمن]

بارك الله فيك أخي الحبيب
موضوع ممتاز ومميز
وكل عام وأنتم بخير وسعادة

وبالطبع تم إعادة تشكيل الموضوع لفهم أكثر لأعضاء القسم
والشكر موصول للغالي
MALOKA
مصراوى فعال


لمشاركته في عمل الموضوع بالكاتلوج اللازم له

مُثبت للإستفادة منه

[mkrona22]

السلام عليكم اخواني الكرام
بارك الله فيك اخي مهندس ابوعبد الرحمن علي اضافه لمسات جماليه رائعه للموضوع وهذا ليس بجديد عليك فانت احد اعمده مصراوي سات الرئيسيه

[mkrona22]

المشاركة الأصلية كتبت بواسطة خالد شهاب الدين

أخى الكريم سعر الروتر في حدود كام وأين يباع؟؟؟ وهل من لدية مودم يو اس بى اتصالات يشتغل علية؟؟؟ ولا يحتاج خط dsl ??? وعند تشغيلة طوال اليوم أية اخبار السخونة؟؟؟ وهل بيفصل النت كتير؟؟؟

اخي خالد
1-سعر الروتر كان 260 وارتفع حاليا الي 280
2-هو يعمل عليه جميع الموديم في مصر وهو بالطبع لا يشترط نوع الشبكه اتصالات او موبينيل او فودافون اهم حاجه التغطيه
3-جربت عليه موديم اتصالات e153 وكانت النتيجه مختلفه نسبيا ولكن ربما العيب من الفلاشه لانها كانت بتفصل مني علي الكمبيوتر كتير وكمان لازم ادخلها واطلعها من الكمبيوتر احيانا عشان ساعات مبيحسش بيها
4- بالطبع لا يحتاج دي اس ال والجهاز نفسو مبيسخنش في احر الظروف وانا من جنوب مصر
5- النت انا مفيش حد ساكن فوقي فبصراحه فلاشه موبينيل لو شغلتها اسبوع مبترمش رمشه واحده
ارجو ان اكون افدتك وكل عام وانت طيب

[mkrona22]

المشاركة الأصلية كتبت بواسطة maloka

تسلم ايدك حبيبى على التجربة بس انا عايز اعرف طريقة التوصيل عشان انا مش فاهم حاجة كده يعنى انت عملت ايه بالظبط؟وأهم حاجة الاسعار والتكلفة الاجمالية شكرآ

السلام عليكم اخي الكريم
الموضوع باختصار شديد
انت بتشتري الروتر المذكور وهو روتر عادي جدا اربعه بورت واي فاي قوي جدا وبه مدخل للفلاشه هتحط فلاشتك الموديم اي نوع في مدخل الفلاشه وتكون مشحونه طبعا والجهاز هينعرف عليها وتوصل الرسيفر او الكمبيوتر او اي جهاز بالروتر والدنيا زي الفل ولو في اي جهاز تابلت نوت بوك او لاب ممكن تشغل الواي فاي واعملها كلمه سر وتمام التمام
الاسعار 280 جنيه تمن الروتر +اي فلاشه موديم معاك
ارجو ان اكون افدتك

[mkrona22]

باختصار اخواني
لحل المشاكل المتعلقه بالفلاشات والسبب في لخبطه كثير من الناس
الروتر يقبل الفلاشات الموجوده في السوق والمطروحه من شركات المحمول الثلاته(موبينيل+فودافون+اتصالات)
المشكله في تغطيه الشبكه ولاختبارها
2-هات لاب توب وفلاشه الموديم الي معاك قبل شراء الروتر وضع الالب توب في المكان اللي مفروض تحط فيه الموديم بعد لما تشتريه
3-ادخل الفلاشه في الاب توب واعملها ست اب وجربها خلال يومين باستمرار لو فصلت معاك اثناء العمل كتير يبقي الشبكه عندك مش تمام جرب شبكه تاني
4-كمان فيه اختبار تاني لما تطفي الكمبيوتر وتشغله وطبعا الفلاشه فيه شوف هل الكمبيوتر هيحس بالفلاشه متوصله بيه وتقدر تعمله بعد كدا اتصال ولا مش هيشعر بيها احيانا (عيب فلاشه)
5-لو الفلاشه مفصلتش معاك اتناء التصفح او الداون لوود وجهاز الكمبيوتر كان حاسس بيها لو طفيت الكمبيوتر وشغلته من غير متطلع الفلاشه وتدخلها تاني عشان الجهاز يحس بيها يبقي كدا مبروك هات الروتر والنت مش هيرمش عندك ثانيه واحده عشان طبعا الروتر بيشغل الفلاشات بكفاءه اعلي بمراحل من الكمبيوتر
6- لو في مشكله من اللي فاتت حصلت معاك جرب تغير الشبكه او الفلاشه علي حسب المشكله وربنا يسهل الامور
وكدا يا جماعه ابقي سهلت الامور جدا بالنسبه للفلاشات وانواعها وتغطيه الشبكات وافضل طريقه لعمل الفلاشات داخل كل بيت اهم حاجه تجرب الاب توب في المكان اللي هتحط فيه الفلاشه
واي استفسار تاني انا تحت امركم

[خالد شهاب الدين]

أخى الكريم فلاشة اتصالات e153 لما جربتها عندك على الروتر تعرف عليها ودخل على النت منها ولا لأ؟؟؟ لأن دى فلاشتى وشغالة ذى الفل معى على اللابتوب ونادرا ما تفصل

[mkrona22]

المشاركة الأصلية كتبت بواسطة خالد شهاب الدين

أخى الكريم فلاشة اتصالات e153 لما جربتها عندك على الروتر تعرف عليها ودخل على النت منها ولا لأ؟؟؟ لأن دى فلاشتى وشغالة ذى الفل معى على اللابتوب ونادرا ما تفصل

بص اخي الكريم فلاشه اتصالات مشكلتها ان الروتر بيتعرف عليه واحيانا لا فبطر اطلع الفلاشه وادخلها وكتير بتقطع مع الروتر بتفصل يعني
والموضوع دا بيتكرر مع الكمبيوتر الفلاشه بتفصل ولازم اعملها connect مره تاني وكتير الفلاشه لما بشغل الكمبيوتر وتكون موجوده في الكمبيوتر مبيحسش بيها الا لما اطلعها واحطها تاني يعني نفس مشكله الروتر بالضبط
اما موبينيل هواوي 173 لما بحطها علي الكمبيوتر وبشغله بيحس بيها دائما
ومبتفصلش علي الكمبيوتر وبالتالي لما بحطها في الروتر بسم الله ماء شاء الله مبتفصلش ابدا ولا ثانيه (اعتقد انها مشكله فلاشه بالدرجه الاولي)
نصيحتي لك اخي لو فلاشتك علي كمبيوترك في المكان اللي هتحط في الروتر
شغاله كويس والكمبيوتر بيتعرف عليها ومبتقطعش
توكل علي الله وعلي ضمانتي
مش مهم نوع الفلاشه المهم ادائها علي اي كمبيوترفي المكان اللي هتحط فيه الروتر
ارجو ان اكون افدتك

[tefffaa]

بصراحة موضوع ممتاز وانا قريب اشتريت الاسترونج 4930 وبجد الجهار رائع جداً وكنت بدور علي طريقة اشغل بيها القنوات المشفرة وللاسف مفيش خطوط ارضي في المنطقة لذلك الموضوع شدني اوي . ولكن برضو قريت انو ممكن اجيب الدنجل الجديد الميكرو بوكس او الشيكي بوكس واشغلة علي w3 وتقريبا مبيقطعش كتير .
وسعره اقل بكتير ومن غير تكلفة شهرية .
اسف علي الاطاله والف شكر علي تثبيت الموضوع القيم .