[mmg_mbc2]

السلام عليكم ورحمة الله وبركاته

إخوانى
لدى كارت توينهان ازورويف 410
الكارت كان شغال زى الفل وفجأه قطع إشارة خالص
جربت كذا ويندوز وكذا جهاز وجيبت كارت تانى عندى إشتغل
بس ده لما أخدتله طرف من الريسيفر out
إشتغل بس طبعا حسب الريسيفر ما شغال الكارت بيستقبل العكس
إيه بقى العيب إللى حاصل وأعالجه إزاى
ومين فى إسكندرية يقدر يساعدنى ؟؟؟؟

[magnito_102003]

انا والله الكارت ده حيرنى فيه ترددات بتيجى ومش بيفتح قنوات كتير
وكل المشفر مش بيفتحها

[mmg_mbc2]

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

[winner2025]

حضرتك مش مدينا أى معلومات عشان نقدر نفهم مشكلتك او نقدر نحلها
مثلا انت شغال ويندوز ايه ؟؟ برنامج العرض عندك ايه ؟؟
لو المشكلة مشكلة تعريف على الجهاز وايضا مشكلة تعرف برنامج العرض على الكارت بتاعك
الموضوع ده هيفيدك

طبعا انت جربت كارت تانى عندك واشتغل لكن ما جربتش كارتك على جهاز تانى

طبعا ده ما يمنعش ان كارتك ممكن أحد مكوناته باظت دائرة معينة بتستبقل الاشارة وده محتاجة مركز صيانة

لكن أنا بحاول معاك عسى يكون الكارت سليم والمشكلة مشكلة تعريف
طبعا حضرتك المفروض ذكر برنامج العرض ورقم اصداره

لو حضرتك مسطب dvbdream
وانت متأكد انك معرف الكارت تمام
لكن عند البحث على القنوات مفيش اشارة
حمل الملف المرفق وفك الضغط عنه وضع الملف mantis.dev فى فولدر Devices
فى المكان ال انت مسطب فى برنامج dvbdream
غالبا C:\dvbdream\Devices

مش بقولك انت مش مدينا أى معلومات خالص

[winner2025]

المشاركة الأصلية كتبت بواسطة magnito_102003

انا والله الكارت ده حيرنى فيه ترددات بتيجى ومش بيفتح قنوات كتير
وكل المشفر مش بيفتحها

المشكلة فيك انت مش عارف تتعامل مع كارتك أو انك كارتك فى مشكلة و يحتاج لصيانة عند فنى صيانة
لكن هو دايما احنا لما ما نعرفش نعمل حاجة يبقى العيب فى الكارت مش فينا احنا
مثلا لو عندك مشكلة فى ال lnb ال راكب فى الطبق عندك هيعملك مشكلة فى استقبال بعض الترددات ده مش معناه ان الكارت وحش ده معناه انت محتاج فنى يظبطلك الطبق كويس ويغيرلك ال lnb

الكارت عندنا وشغال زى الفل قنوات عادية ومشفرة

[winner2025]

المشاركة الأصلية كتبت بواسطة mmg_mbc2

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

حضرتك قلت ان
جيبت كارت تانى عندى إشتغل

السؤال هو اشتغل تمام من غير مشاكل
ولا لما أخدتله طرف من الريسيفر out

عشان عندى لبس فى فهم ما تقول أرجو توضيح كلامك

سؤال تانى خارج الموضوع
هو mmg اختصار لإيه ؟؟؟

[&ABO GNA&]

لو جربت كارت تانى واشتغل
للاسف توجه به لفرع صيانه

[magnito_102003]

انا عندى الكارت مش بيفتح الحياه والجزيره ودريم قمت واخدله وصله من الرسيفر
وشغلت الرسيفر على القناه اشتغلت على الكارت زى الفل

المشكله بقى ان الكارت مش بيقراها من الطبق مباشره وشكرا

[الحمادوى]

بالنسبة لصاحب الموضوع
الكارت له مدخل باور من الخلف لونه ابيض لو مش متوصل وصله
وان شاء الله يشتغل معاك

اما لو متوصل
جرب تحذف التعريف وتقفل الجهاز وتفصل الكهربه وبعد كدة عرفه من جديد
وياربت تغير المنفذ على البوردة

[الحمادوى]

المشاركة الأصلية كتبت بواسطة magnito_102003

انا عندى الكارت مش بيفتح الحياه والجزيره ودريم قمت واخدله وصله من الرسيفر
وشغلت الرسيفر على القناه اشتغلت على الكارت زى الفل

المشكله بقى ان الكارت مش بيقراها من الطبق مباشره وشكرا

هل هى القنوات المذكورة فقط ؟ ام الترددات اللى موجود عليها القنوات؟
لو ترددات القنوات كلها كدة

اعمل صيانه للسلك قص السلك ووصله تانى من عند الطبق وعند الكارت
وتأكد ان مفيش تقشير فى السلك عند مدخل الشباك

[magnito_102003]

انا اشتريت طبق متر جديد وقطعه جديده خاصه بالكارت وان شاء الله اركبه واعرف النتيجه ايه
واقلكوا عشان اريح بالى ولو مشتغلش يبقى عيب تيونر فيها بقى

[&ABO GNA&]

المشاركة الأصلية كتبت بواسطة magnito_102003

انا اشتريت طبق متر جديد وقطعه جديده خاصه بالكارت وان شاء الله اركبه واعرف النتيجه ايه
واقلكوا عشان اريح بالى ولو مشتغلش يبقى عيب تيونر فيها بقى

فى انتظار النتيجه ياغالى

[mmg_mbc2]

Mmg اختصار اسمى :)
كارتى جربته على كذا جهاز والطريق الوحيد لتشغيلة هوا out من الريسيفر
جربت عندى كارت تانى اشتغل
كابل الباور متوصل وعندى باور 450 وات فعلى
غيرت ال pci
جربت كل حاجة نفس النتيجة

[magnito_102003]

انا لسه بثبت الطبق دلوقتى لانى كنت مسافر حجرب ولو نفعت تجربتى يبقى العيب فى القطه او السلك
الكارت يحتاج لحاجه اقوى
او سلك قصير انتظر تجربتى :]

[magnito_102003]

للاسف غيرت الطبق والقطعه والسلك ولاكن نفس المشكله
بعض الترددات لا تعمل الا من فتحه out للرسيفر

تبقى حاجتين
اما عيب كرت
او عيب كوداك وتعريف الكارت

ارجوا المساعده