[aiman noor eldein]

جماهير الزمالك بالإسكندرية تستجيب لحملة «ناديك يناديك» بـ100ألف جنيه.. وشكوى لـ«فيفا» ضد عماد محمد

فى أول استجابة لحملة «ناديك يناديك»، أعلن المستشار جلال إبراهيم، رئيس نادى الزمالك، عن تبرع عدد من جماهير النادى فى الإسكندرية بـ100ألف جنيه للنادى، وقال: «تلقيت اتصالا هاتفيا من عشاق القلعة البيضاء فى الإسكندرية الذين رفضوا الانتظار لحين إنشاء حساب بنكى خاص، وأرسلوا المبلغ على حساب النادى العادى».

وأضاف أنه أرسل استعجالاً لمديرية الشباب بالجيزة لسرعة الموافقة على إنشاء صندوق التبرعات بعد أن لاقت الفكرة صدى وترحيباً كبيراً من الجماهير.

من جهة أخرى كلف المستشار جلال إبراهيم إدارة الشؤون القانونية بإعداد شكوى ضد اللاعب العراقى عماد محمد، تمهيدا لرفعها لاتحاد الكرة المصرى والاتحاد الدولى «فيفا»، وذلك على خلفية ما نشرته جريدة «فوتبال سه» الإيرانية، أمس، بأن عماد محمد سيصل إلى طهران اليوم للتعاقد مع نادى بيروزى بناء على اتفاق مع الزمالك على المقابل المادى عبر البريد الإلكترونى.

ونفى «إبراهيم» وجود أى مفاوضات مع النادى الإيرانى، مؤكدا أن الشكوى سترفق بمذكرة الجهاز الفنى للفريق الأول بانقطاع اللاعب عن التدريبات دون إذن .

[موكشة]

ناديك بيناديك
انا اهلاوى لكن هتبرع للنادى الزمالك
معايا خمسة جنية ونص ممكن ابعتهم للزمالك
بس عايز حد يبعتلى العنوان وكيفية الارسال
ههههههههههه
طب هبعتهم عن طريق اليد ولا عن طريق الخطاب

[السيدعبدالعزيز]

المشاركة الأصلية كتبت بواسطة موكشة

ناديك بيناديك
انا اهلاوى لكن هتبرع للنادى الزمالك
معايا خمسة جنية ونص ممكن ابعتهم للزمالك
بس عايز حد يبعتلى العنوان وكيفية الارسال
ههههههههههه
طب هبعتهم عن طريق اليد ولا عن طريق الخطاب

والله فعلا حاجه تغيظ.!!!
بدل التبرع ليتيم او معاق او مريض مرض مزمن اتبرع كى اصرف على لعيبه كوره...!!!
حسبى الله ونعم الوكيل...

[موكشة]

المشاركة الأصلية كتبت بواسطة السيدعبدالعزيز

والله فعلا حاجه تغيظ.!!!
بدل التبرع ليتيم او معاق او مريض مرض مزمن اتبرع كى اصرف على لعيبه كوره...!!!
حسبى الله ونعم الوكيل...

ياعم السيد انا عايز اتبرع لمحمود فتح الله وشيكابالا وباقى الاعيبة عشان يمضوا العقود
هههههههههههههههه
ولا انت عايز نادى الزمالك يدمر اكتر ماهو مدمر
طب انا هزود ال خمسة جنية ونص
هخليهم عشرة جنية
هههههههههههههههه

[احمد حربى]

والله الذى لااله الاهو من يرى الفقراء من الناس وما اكثرهم
ويذهب ويتبرع لاى نادى سواء الذمالك او الاهلى او اى نادى
فان الله سيحاسبه على هذا السفه
وحتى لو كان رجل اعمال لابد ان ينظر الى المرضى فى المستشفيات العامه
والله سيجد من لا يستطيع شراء جزء ضئييل من العلاج
انظر لمالك لمن تعطيه لفقير تؤجر عليه من الله ام لهؤلاء الذيين ****
استغفر الله العظيم

[موكشة]

المشاركة الأصلية كتبت بواسطة احمد حربى

والله الذى لااله الاهو من يرى الفقراء من الناس وما اكثرهم
ويذهب ويتبرع لاى نادى سواء الذمالك او الاهلى او اى نادى
فان الله سيحاسبه على هذا السفه
وحتى لو كان رجل اعمال لابد ان ينظر الى المرضى فى المستشفيات العامه
والله سيجد من لا يستطيع شراء جزء ضئييل من العلاج
انظر لمالك لمن تعطيه لفقير تؤجر عليه من الله ام لهؤلاء الذيين ****
استغفر الله العظيم

اتبرع بجنية تنقذ ملياردير

[egypt1964]

المشكله الكبيره انه طل علينا فى احد القنوات الفضائيه شخص هايف

ان الأسلام قال كده

الأسلام قال التبرع على المحتاجين والمساكين والمرضى وكل من يحتاج قوته وقوت اولاده

انما اتبرع لبتوع الكره والله حاجه تغيظ

الدين الأسلامى واي دين اخر بريء من هذه التصرفات

حلوه قوى اتبرع للاعب الكوره اللى بياخد ملايين ويمكن بينسى يطلع زكاة ماله

ماينحرق الزمالك على كل الأنديه

وعلى رأي المثل اللى جه بلاش بيروح بلاش

اللى عايز يتبرع معظم الشعب المصرى محتاج هو أولى

[ايمن حماد]

اشكركم جميعا على مداخلتكم القيمة جدا

ولكن من منا ليصرف الكثير على الترفيه اعتقد الجميع يصرف على السينما والفسح وخلافه

عندما يفوز ناديك بمباراة واعتقد ان الكورة من اكبر وسائل الترفيه خصوصا بالنسبه للناس الغلابه اللى زينا تذكر مدى السعاده التى تحصل عليها شيكابلا بياخد 8مليون وفتح الله بياخد .. مش حتفرق لانهم لو لم ياخذوا من الزمالك حياخدو من الاهلى اكثر بكثير متعب بياخد كام وغالى وتريكه وشوقى وبركات الموضوع انهم حياخدو حياخدو هنا او هناك الاهلى عرض 14 مليون على وليد سليمان ولم يستطيع الفوز بخدماته

الاخ موكشة معاه خمس جنيه ونص مش لازم تتبرع دول اشترى بيهم نص كيل طماطم ولكن هناك الكثيرين لديهم الكثير ممكن بدل السنه دى مايرحوا مارينا يدفعوا المبلغ ده علشان يجدوا متعة مشاهدة فريقهم مع العلم ان الناس دى حتدفع وحتروح مارينا برضه

[السيدعبدالعزيز]

ايه ادخل الترفيه فى الصرف على لاعبى الكرة .
الترفيه ان اجعل يوم لاولادى يتنزهون ويفرحون به .
ان اشترى لابنى او بنتى لعبه بدلا من اتبرع بثمنها للاعب يقبض من قوت الشعب .
الامثله كثيرة ولا داعى لذكرها .
هدانا الله واياكم ..

[ايمن حماد]

المشاركة الأصلية كتبت بواسطة السيدعبدالعزيز

ايه ادخل الترفيه فى الصرف على لاعبى الكرة .
الترفيه ان اجعل يوم لاولادى يتنزهون ويفرحون به .
ان اشترى لابنى او بنتى لعبه بدلا من اتبرع بثمنها للاعب يقبض من قوت الشعب .
الامثله كثيرة ولا داعى لذكرها .
هدانا الله واياكم ..

الاتعتقد ان الكورة ترفيه

طيب ياريت تعرفنى مفهوم الكورة ايه بالنسبه لمشجعى الانديه

ياراجل فيه ناس بتنام من غير عشى بسبب خسارة فريقهم لمباراة

[عبده نت]

المشاركة الأصلية كتبت بواسطة احمد حربى

والله الذى لااله الاهو من يرى الفقراء من الناس وما اكثرهم
ويذهب ويتبرع لاى نادى سواء الذمالك او الاهلى او اى نادى
فان الله سيحاسبه على هذا السفه
وحتى لو كان رجل اعمال لابد ان ينظر الى المرضى فى المستشفيات العامه
والله سيجد من لا يستطيع شراء جزء ضئييل من العلاج
انظر لمالك لمن تعطيه لفقير تؤجر عليه من الله ام لهؤلاء الذيين ****
استغفر الله العظيم

[موكشة]

المشاركة الأصلية كتبت بواسطة ايمن حماد

ياراجل فيه ناس بتنام من غير عشى بسبب خسارة فريقهم لمباراة

اذا وصل الحال لهذا
فاعذرنى انهم مجانين

انا اؤيد رايك بان الكرة ترفية لكن
مش هشتغل ويطلع عينى واروح اتبرع لنادى عشان يدى الفلوس للاعب عشان يلعب كورة شراب وفى الاخر برضوا مش هياخدوا لا دورى ولا كاس

طب لو كانت لاعيبة الزمالك الحاليين هما المحتاجيين الفلوس طب ما يلعبوا موسم كامل بربع عقودهم ويبقى هما اللى اتبرعوا لناديهم وهما الاولى فى التبرع

يااخى الواحد مننا مرتبة مش جايب ال 500 جنية وعايزنا نتبرع لعالم بتلعب بالملايين دول بيلعبوا بالملايين لعب

وانا لما قولت اتبرع بخمسة جنية ونص انا اقصد المهزلة التى وصل بها نادى الزمالك وهذا يدل على ان الزمالك بة حرامية بل حيتان ودووو النادى فى داهية

ولو الكورة هتخلينى نايم متعكنن وانام من غير عشة يبقى
تغور الكورة الشيطانية

الخمسة جنية ونص اتبرع بيهم لمسجد افيد ليا فى الدنيا والاخرى
وارحمونا بقى

[ايمن حماد]

ياخ موكشة تابع كده المنتديات وانا عارف انك متابع جيد جدا حتلاقى مش بتنام من غير عشى بس لا هناك ماهو اسوء للاسف

[عبدالباسط2011]

المشاركة الأصلية كتبت بواسطة احمد حربى

والله الذى لااله الاهو من يرى الفقراء من الناس وما اكثرهم
ويذهب ويتبرع لاى نادى سواء الذمالك او الاهلى او اى نادى
فان الله سيحاسبه على هذا السفه
وحتى لو كان رجل اعمال لابد ان ينظر الى المرضى فى المستشفيات العامه
والله سيجد من لا يستطيع شراء جزء ضئييل من العلاج
انظر لمالك لمن تعطيه لفقير تؤجر عليه من الله ام لهؤلاء الذيين ****
استغفر الله العظيم

كلام سليم 100%100 جزاك الله كل خير

[السيدعبدالعزيز]

المشاركة الأصلية كتبت بواسطة موكشة

اذا وصل الحال لهذا
فاعذرنى انهم مجانين

انا اؤيد رايك بان الكرة ترفية لكن
مش هشتغل ويطلع عينى واروح اتبرع لنادى عشان يدى الفلوس للاعب عشان يلعب كورة شراب وفى الاخر برضوا مش هياخدوا لا دورى ولا كاس

طب لو كانت لاعيبة الزمالك الحاليين هما المحتاجيين الفلوس طب ما يلعبوا موسم كامل بربع عقودهم ويبقى هما اللى اتبرعوا لناديهم وهما الاولى فى التبرع

يااخى الواحد مننا مرتبة مش جايب ال 500 جنية وعايزنا نتبرع لعالم بتلعب بالملايين دول بيلعبوا بالملايين لعب

وانا لما قولت اتبرع بخمسة جنية ونص انا اقصد المهزلة التى وصل بها نادى الزمالك وهذا يدل على ان الزمالك بة حرامية بل حيتان ودووو النادى فى داهية

ولو الكورة هتخلينى نايم متعكنن وانام من غير عشة يبقى
تغور الكورة الشيطانية

الخمسة جنية ونص اتبرع بيهم لمسجد افيد ليا فى الدنيا والاخرى
وارحمونا بقى

احييك اخى موكشه .
كل عام وانت بخير ياغالى ..