[رحمة ونور]

يعني اية كاس مصر

[حورس العاطفى]

المشاركة الأصلية كتبت بواسطة سعيد عادل

تحياتى لك استاذ حورس على مجهودك


خلينا نبص يا جماعة للجانب الايجابى فى الموضوع ....وهو ان فيه مباريات وخلاص بتلعب فى مصر ...فعودة بعض المباريات هو عودة تدريجيا للكورة المصرية .. وخصوصا ان فيه ناس رزقها بيكون من الكورة ومن المباريات دى

بص ياسعيد انا هتكلم بعيد عن التهريج وهلفت نظرك ونظر ناس كتير لحاجات ممكن تكون غايبه عنهم او مش عاوزين يعترفه بيها وصدقنى كلام سليم وبعيد عن كلام الاعلام الخيالى بتاعنا
ولمعلوماتك انا كنت شغال زمان مع الاهلى بجبله لاعيبه وبفضل الله باعتراف ناس يقال انهم خبره فى الكوره قالوا عنى عينى ودماغى كويسه فى الكوره
مثل انور سلامه وابراهيم عبد الصمد وعادل طعيمه-----الخ
المهم سيبك من قصة اننا اتغلبنا عشان مفيش نشاط والكلام الفاضى ده والدليل وبساطه اننا كان عندنا نشاط وخرجنا من بطولة افريقيا على ايد النيجر والمعزه وبعدها على ايد افريقيا الوسطه والسبب ليس النشاط بدليل ان الاهلى خد بطول افريقيا اللى فاتت وبالمستوى بتاعه ساعتها وبذات ماتش الترجى هناك لو كان قابل غانا ساعتها كان فرمها وارجع للماتش واتفرج بنظره فنيه وانت تعرف
السبب فى اللى احنا فيه حاليا اننا مازلنا بنتعامل مع الكوره بناء على احكام مسبقه بعيدا عن العلم والتخطيط والاجتهاد

يعنى مثلا مقوله كلنا وارثنها عن اجدادنا مدحت شلبى وخلافه وهى

اننا كعبنا عالى على الافارقه السمر وبنعرف نتعامل معاهم مع انك لو ركزت
هتلاقينا لما صعدنا كاس العالم كان على حساب دوله عربيه وهى الجزائر

وكمان هتلاقينا مصممين على لعيبه معينه رغم ان اى حد من بعيد وبيفهم
هيقولك ميصحش ان راجل كتر خيره داخل فى الاربعين زى وائل جمعه
يمسك واحد من اسرع لعيبة العالم وهو واكاسو وهو ماحذر منه مشجع غانى بيدرس فى الازهر هنا فى لقاء معه على قناة الاهلى وهو مسافر اثناء سفر المنتخب فى المطار

احنا الدوله الوحيده فى العالم اللى خبرائها مش مقتنعين ان الكره وخططها بقيت تعتمد على التنوع يعنى شوف مثلا اهداف غانا فينا هتلاقيها من جمل مختلفه ومن مصادر خطوره متعدده بمعنى انك مباتش عارف تقفل عليهم من اى ناحيه

فى حين انت صلاة النبى رايح بخطه ابنى الصغير عارفها من سنتين فاتوا
خطة ابوتريكه هيلعبها فى المكان الفاضى وصلاح سريع وهيجبها
ونسينا ان بره هرشه القصة وخلاص اللى عايز يعذبنا يقفل عليه وبكده نبقى
زى خبتها زى ما انت شوفت

واخيرا لو جبت اى حمار فى الكوره اول ماهيشوف محمد نجيب فى الملعب سواء مع الاهلى او المنتخب هيقولك الراجل ده ايه اللى جابه هنا

انا يمكن قولتها لاحد الاعضاء هنا قبل الماتش انا كل ما افتكر اننا هنلاعب غانا نفسى بتسد ومبدخلش المنتدى وقت ما كنت غايب

وحتى قبل الماتش وانا قاعد مع اخويا بتفرج على ماتش غانا وزامبيا مسجل قولتله احنا هنلاعب الناس ديه بناء على الايه الكريمه
سبحان الذى سخر لنا هذا

اما لو غانا شفتنا على حقيقتنا فكل كوره او هجمه علينا هتبقى جون
وقد كان

الخلاصه الكوره بتطور واحنا بنتدهور الكوره اللى غلبتنا بيها غانا كور لياقه وصحه واحنا مازلنا بنعتمد على مدافع عمره اربعين سنه وكتر خيره
ودليل كلامى انها سرعه وصحه الجون بتاعنا جبناه برده بسرعه والصحه

[اسامه الملكى]

متشكرين جدا استاز حورس دائما مبدع جزالك الله خير
اما بالنسبه للاخ الى بيتريق على الزملكاويه
فحنا فعلا هنعيش ونموت زملكاويه وده فخر لينا
وياريت تحاسب على كلامك لو سمحت

[فتحي الجارحي]

الف شكر استاذ حورس كبير الرياضيين بالمنتدي علي الشرح الجيد جدا ووجهة نظر سليمه جدا بس احنا نفتقد حاجات كتير جدا اهمها الاستقرار للاعب المصري وليه كل حاجه تقابلنا صعبه بتبقي في نظرنا مستحيله اتمني لمصر ان تصل للعالميه ان شاء الله

[سعيد عادل]

كــــــــلام سليم استاذ حورس ..ومتفق معاك فيه

[حورس العاطفى]

المشاركة الأصلية كتبت بواسطة فتحي الجارحي

الف شكر استاذ حورس كبير الرياضيين بالمنتدي علي الشرح الجيد جدا ووجهة نظر سليمه جدا بس احنا نفتقد حاجات كتير جدا اهمها الاستقرار للاعب المصري وليه كل حاجه تقابلنا صعبه بتبقي في نظرنا مستحيله اتمني لمصر ان تصل للعالميه ان شاء الله

وليه كل حاجه تقابلنا صعبه بتبقي في نظرنا مستحيله

عشان معندناش تخطيط واجتهاد فقط نعتمد على الدعاء مع عدم الثقه بالنفس

واضف لذلك احنا شعب ميعرفش يتصرف تحت ضغط

ودايما مبنستغلش افضل مافينا

وبنركز بس فى افضل مافى منافسنا

وافتكر معايا جورج وايا لما جاب 10 انفار من على القهوةة ولعبنا لواحده وكمان كان بيلعب ليبرو ورا وعشان احنا بنضخم من منافسنا خسرنا برده
مع اننا بعدها باسبوع كسبناه 5

[krem12012]

الله يسامحك يا عم حورس لازم تفكرنا

[no ekhwan 4ever]

مفيش أى تنويه أو برومو فى القاهرة والناس

عن الماتش , هيتذاع فضائى ولا لأ

[احمدالعطار]

المشاركة الأصلية كتبت بواسطة حورس العاطفى

بكره يصطاد الحمامه

[كابووو]

المشاركة الأصلية كتبت بواسطة سعيد عادل

تحياتى لك استاذ حورس على مجهودك


خلينا نبص يا جماعة للجانب الايجابى فى الموضوع ....وهو ان فيه مباريات وخلاص بتلعب فى مصر ...فعودة بعض المباريات هو عودة تدريجيا للكورة المصرية .. وخصوصا ان فيه ناس رزقها بيكون من الكورة ومن المباريات دى

انت بن حلااااااااااااال حاولو يشغلو الناس بالدورى معرفوش قالوا خلاص بالكاس برده ماعرفوش و اخر ما زهقوا قامو مفجرين كنيسة هههههههه يا سواااد الحلل !!!!!

[الامبراطور محمد]

الزمالك وبس

[أبوعرفة]

على فكرة القاهرة والناس لم تذع شيئا ولكن نايل سبورت الفضائية
زاعت المباراة

[w_202055]

انا مش عارف الاهلوية والاستاذ حورس
مالهم بالزمالك
ما انا ليه مش بحب الاهلى خالص عشن كده
ولا هشجع الاهلى فى حياتى خالص
والقادم افضل واعظم للنادى الزمالك


الزمالك الاصل والباقى تقليد

[gamalaa]

المشاركة الأصلية كتبت بواسطة w_202055

انا مش عارف الاهلوية والاستاذ حورس
مالهم بالزمالك
ما انا ليه مش بحب الاهلى خالص عشن كده
ولا هشجع الاهلى فى حياتى خالص
والقادم افضل واعظم للنادى الزمالك


الزمالك الاصل والباقى تقليد

والنبي انتو مش مكسوفيين من نفسكم -- الحمد لله ان انتو ربنا مش راضي يعطيكم حاجه عشان احنا حاسيين لو كسبتو دوره رمضانيه هاتولعو الدنيا

[حمادة ونور]

المشاركة الأصلية كتبت بواسطة w_202055

انا مش عارف الاهلوية والاستاذ حورس
مالهم بالزمالك
ما انا ليه مش بحب الاهلى خالص عشن كده
ولا هشجع الاهلى فى حياتى خالص
والقادم افضل واعظم للنادى الزمالك


الزمالك الاصل والباقى تقليد

عيب يا غالى لما تقول الكلام ده

مش الاهلى والزمالك هما اللى هيخلونا نكره ونمسك فى بعض