[walid_elfeqi]

انا لاحظت خلال الايام السابقة ان فيه اصدقاء بيسألوا كتير على تحديث السوفت بالجهاز علشان كده فكرت اعمل مشاركة جديدة بها خطوات تحديث السوفت بالجهاز لكل الاعضاء الجدد وطبعا بيكونوا مش عارفين يتعملوا مع الموقع أو البحث وبصراحة اى حد هيدخل وميعرفش اساليب البحث عن المعومة فى الموقع هيدوخ علشان يحدث السوفت ولازم فعلا يسأل علشان كده دى مشاركة بالخطوات السليمة لتمرير السوفت وتحديثة بالجهاز :::: ولابد فى البداية اوضح للأصدقاء الجدد أن افضل سوفت للجهاز سوفتات " 3.39 الاصلى و وثيم التايجر 1.62 و السوبر 1.62 " تقدر حضرتك تحمل اى واحد منهم " اما الطريقة الصحيحة التى يجب على اى عضو اتباعها فهى كتالى :-

1- حضر فلاشة وياريت تسجل الاول من الجهاز عليها للتأكد انها تناسب الجهاز وبعدها اعرض الى مسجلة اذا سجلت وعرضت كله تمام
2 - اعمل فورمات للفلاشة على نظام " fat 32 أو ntfs "
3 - انقل عليها ملف السوفت داخل فولدر اسمه files
4 - اعمل ضبط مصنع للجهاز
5 - ضع الفلاشة فى الرسيفر
6 - اغلق الرسيفر من زرار الباور ثم شغله مرة ثانية
7 - انتظر السوفت هينزل وبعد تمام نزول السوفت فيه رسالة هتظهر امامك وكلمة end هتظر على شاشة الرسيفر انتظر 3 دقائق ثم انزع الفلاشة بعدها .
8 - الجهاز هيرستر وهيشتغل
9 - اعمل ضبط مصنع للجهاز وده طبعا المرة الثانية الى بتعمل فيها ضبط المصنع
10 - ابتدى تبحث عن القنوات التى انت عوزها
11 - أو حمل ملف قنوات جاهز للجهاز من خلال وضعه بالفلاشة والدخول عليه والضغط على زرار ok ثم اختار yes وانتظر حتى تنزل القنوات وينتهى تحميلها .
12 - بس ملحوظة مينفعش تعطى ملف قنوات للجوكر والسوبر للأصلى والعكس مينفعش .
13 - بس تقدر تدى ملف قنوات السوبر للتايجر والعكس .
14 - تقدر تحفظ ملف قنوتك من خلال الدخول على اليو اس بى وضغط الزرار الاحمر ابلوود واختار ابلوود داتا واختار الحفظ على usb وبعد كده استخدمه عادى لأى سوفت بس بالتعليمات التى اشرت ليها قبل كده

مع ارق امنياتى القلبية للجميع ::::: بمشاهدة ممتعة بأذن الله ليس فيما حرم الله :::::: أخوكم / وليد الفقى

[muhammad iprahem]

فنان ترتيب جيد جدا لتنزيل السوفت " لازم تتثبت "

[russia199]

واصل تألقك يا غالى
شرح فى منتهى البساطة

[ashraf sobhy]

بارك الله فيك استاذ /وليد

شرح ولا أروع

باقى بس سؤال صغير أوى

لو حبيت احتفظ بترتيب القنوات بتاعى اللى موجود عندى مثلاً فى السوفت القديم

وعايز انزله بحيث يكزن نفس الترتيب هو هو فى السوفت الجديد ينفع ولا

ماينفعش واذا نفع ايه هى الطريقة

[muhammad iprahem]

المشاركة الأصلية كتبت بواسطة ashraf sobhy

بارك الله فيك استاذ /وليد

شرح ولا أروع

باقى بس سؤال صغير أوى

لو حبيت احتفظ بترتيب القنوات بتاعى اللى موجود عندى مثلاً فى السوفت القديم

وعايز انزله بحيث يكزن نفس الترتيب هو هو فى السوفت الجديد ينفع ولا

ماينفعش واذا نفع ايه هى الطريقة

هتحط الفلاشة فى الريسيفر وتنتظر حتى يكتب USB READY وبعدين تضغط على USB من الريموت ثم الزر الاصفر UPLOAD DATA اضغط yES انتظر حتى يكتب SUCCESS وبعدين خرج الفلاشه هتلاقى الملف موجود على الفلاشه بصيغة PIN

[اشرف بوكس]

مشكوووووور جدا

[hamada133]

الله ينور عليك وليد باشا

[yasser1979]

بارك الله فيك

[hryany]

الله ينور عليك و يرضى عنك

[walid_elfeqi]

المشاركة الأصلية كتبت بواسطة midohema

هتحط الفلاشة فى الريسيفر وتنتظر حتى يكتب usb ready وبعدين تضغط على usb من الريموت ثم الزر الاصفر upload data اضغط yes انتظر حتى يكتب success وبعدين خرج الفلاشه هتلاقى الملف موجود على الفلاشه بصيغة pin

تمام محمد تسلم حبيبى معلش الهزيمة اليوم بس لازم يستقيل يخلى شوية دم

[أ/حــمــاده الــجــوكــــر]

شكرا يا وليد تسلم ايدك يا غالى تم التثبيت

[walid_elfeqi]

المشاركة الأصلية كتبت بواسطة أ/حماده الجوكر

شكرا يا وليد تسلم ايدك يا غالى تم التثبيت

ايه يا غالى انت فين وحشتنى كتير والله

[ahmedshitos]

بارك الله فيك استاذ /وليد

[epnmasr]

أولاً وبعد السلام دائماً متألق ومبدع يا بركوته ثانياً عاجبك اللي حصل النهارده والهزيمه دي عموماً تسلم لنا دائماً يا غالي
وألف حمد لله على السلامه يا أستاذ حماده يا جوكر ولعلك بخير الآن وطمنى على صحتك

[yasserzeada]

لو سمحت يا باشا عايز طريقة اعادة تسميه المفضله