[شيفا]

أعضاء المنتدى الكرام
عندى أكسس تى بى لينك tplinkg500 و tplink701 و tplink741
عندى منهم اكثر من 15 اكسس بنفس العطل
كانوا شغاليين تمام
الكهربه لازالت مستمره فى الانقطاع وبتيجى الكهرباء زايده فجأة

المشكله فى أن الأكسس مش بيشتغل فيه غير لمبة الباور فقط
ومش بيعمل ريسيت ولا أى شىء
لمبة الsystem مش بتنور ولا لمبة ال Lan مش بتنور
مفيش أى لمبة بتنورغير لمبة الباور فقط
أيه حل العطل اللى ظهر فجأة بالأكسس tplink
بحثت كتير عبر الانترنت ملقتش اى دليل على كيفيه اصلاح هذا العطل
لذا طرحت هذه المشكله هنا حتى نتناقش فى حل هذه المشاكل التى تتعرض لها شبكات الانترنت فهل ليه تصليح أو صيانه اللى يعرف ما يبخلش علينا بأى معلومات واللى حصل معاه نفس المشكله وحلها يقولنا أيه الحل ؟
ولا كده عوضنا على الله فى الأكسس
وشكرااااااااا ليكم
أخوكم : شيفا

[هشام فرست]

بص ياغالى انا عن نفسي كان عندى نفس المشكله وانحلت بعدغسيل الاكسيس بتنر
بس جرب بور تانى

[طارق عبد الحكيم]

فعلا ياغالي هذه مشكلة عقيمة تواجه معظم اصحاب الشبكات
والاكسيسات لا تتحمل الصيانه

[رماح]

اضم صوتى الى اخى الفاضل ونا كمان عندى كذا اكسس نفس المشكله الرجاء الحل ضرورى

[أبو ولاء 209]

السلام عليكم ورحمة الله
انا شغال فى الصيانة وقبلتى المشكلة دى كتير وبعد تغير تقريبا كل القطع الى على البوردة وتعبت وقلت مش شغال تانى فى الاكسسات جانى عميل وصار يتحايل على شان عمل القطعة فقلت اخلص منه لانه تعبنى قلت لية هات لتر بنزين وحط البوردة لحد بكره وهاتها تانى يوم وفعلا الراجل عمل الى قلت لية بالظبط وسخنت على البوردة بالهوت تسخين خفيف وجربت والحمد لله اشتغلت وعملت حمام بنزين وحطيط فية كل بور القطع الى عندى وشتغل منهم 95 % دى عن تجربة شخصيه ...........

[طارق عبد الحكيم]

المشاركة الأصلية كتبت بواسطة أبو ولاء 209

السلام عليكم ورحمة الله
انا شغال فى الصيانة وقبلتى المشكلة دى كتير وبعد تغير تقريبا كل القطع الى على البوردة وتعبت وقلت مش شغال تانى فى الاكسسات جانى عميل وصار يتحايل على شان عمل القطعة فقلت اخلص منه لانه تعبنى قلت لية هات لتر بنزين وحط البوردة لحد بكره وهاتها تانى يوم وفعلا الراجل عمل الى قلت لية بالظبط وسخنت على البوردة بالهوت تسخين خفيف وجربت والحمد لله اشتغلت وعملت حمام بنزين وحطيط فية كل بور القطع الى عندى وشتغل منهم 95 % دى عن تجربة شخصيه ...........

شكرا لك ياغالي على الافادة دي

[أحمدأبورحيم]

تسلم الايادى يارجاله

[شيفا]

ياجماعه مستحيل يكون العطل دة سببه اننا نغسله ببنزين او تنر انا جربت ملازال المشكله موجوده .... انا براى العطل موجود بفلاشه الجهاز اكيد محتاجه شحن من جديد ؟