[بيزوووووو]

أصدر مجلس إدارة جهاز حماية المنافسة ومنع الممارسات الاحتكارية
قرارا بوجود مخالفة لقانون حماية المنافسة فى أسلوب تقديم
مباريات كأس العالم 2014، وذلك للقيام بإساءة استخدام
الوضع المسيطر فى سوق بث مباريات كأس العالم من خلال
إلزام الراغبين فى مشاهدة المباريات لعام 2014 بالاشتراك
لمدة عام فى باقة قنوات "بى ين سبورت" التابعة لشبكة
الجزيرة القطرية، فضلاً عن إلزام الراغبين فى الاشتراك
بشراء جهاز استقبال من نوع محدد دون غيره.

وبادر الجهاز فى وقت سابق بدراسة مدى توافق أسلوب تقديم
مباريات كأس العالم مع أحكام قانون حماية المنافسة، حيث تم
الإعلان عن وجوب شراء جهاز استقبال معين بدءاً من انطلاق
بطولة كأس العالم القادمة حتى يستطيع المشترك مشاهدة القنوات
بالإضافة إلى إبلاغ المشتركين بوجوب الاشتراك فى الباقة
السنوية بالقنوات الرياضية لمشاهدة بطولة كأس العالم.
وجدير بالذكر أنه أثناء الدراسة تلقى الجهاز أيضا بلاغا
من أحد المواطنين حول هذا الموضوع.

وقالت الدكتورة منى الجرف – رئيس مجلس إدارة الجهاز فى
بيان لها اليوم الأربعاء ،أنه قد تم اتخاذ كافة إجراءات التحرى
والبحث اللازمة فى هذا الشأن وتوصل الجهاز إلى إساءة
استخدام الوضع المسيطر فى سوق بث مباريات كأس العالم،
وذلك طبقا للمادة (8- د) من قانون حماية المنافسة والتى
تنص على "حظر تعليق إبرام عقد أو اتفاق بيع أو شراء لمنتج
على شرط قبول التزامات أو منتجات تكون بطبيعتها أو
بموجب الاستخدام التجارى للمنتج غير مرتبطة به أو بمحل
التعامل الأصلى أو الاتفاق".

وأضافت الجرف، أنه بمجرد ثبوت المخالفة قام الجهاز بمخاطبة
الجهة المعنية بالتطبيق لتوفيق أوضاعها وإلزامها بالتوقف عن
هذه الممارسات بما يتوافق مع أحكام القانون وبما يصب فى
صالح المستهلك، وإتاحة حرية الاختيار للعملاء بين مشاهدة
باقة كأس العالم مع الاشتراك لمدة 3 شهور فقط أو الاشتراك
لمدة عام، وذلك سواء للعملاء الجدد أو المشتركين سابقا،
فضلا عن إتاحة الحرية للعملاء الذين سبق لهم الاشتراك
لمدة عام لمشاهدة مباريات كأس العالم بمطالبة الجهة المعنية
بتعديل الاشتراك لمدة ثلاثة أشهر فقط واسترداد المبلغ المتبقى.


كما تعهدت الجهة المعنية بإمكانية مشاهدة مباريات كأس العالم
مع استخدام أى جهاز مؤمن من الأجهزة المتوافرة بمحلات
عديدة فى الأسواق المصرية دون فرض جهاز معين.

وأكدت الجرف على قيام الجهاز بمتابعة الممارسات
التى تتم فى سوق مشاهدة مباريات كأس العالم بما يضمن
التزام الجهة المعنية بما تعهدت به.

ويؤكد جهاز حماية المنافسة على استعداده لتلقى أى بلاغ
من المواطنين فى حالة عدم التزام الجهة المعنية بتعهداتها.

انا عارف انى الموضوع ممكن يتقفل كالعادة من مشرفين القسم او الادارة
بس المهم انا ناقلة ليكم علشان تبقوا معايا فى الصورة
وياريت فعلا يطبق وهتكون ضربة جديدة للجزيرة ^^
ولو دخلتوا الموقع بتاعهم فعلا هتلاقوا انهم عدلوا الباقات
واضافوا باقة كاس العالم صلاحية 3 شهور فقط
بس مش هتلاقوا مصر من ضمن الاسعار ولو عرفت
السعر الجديد هابلغكم بية ^_^

[muhammad iprahem]

انا شايف اننا نلغى الباقة من مصر احسن وهما اللى هيخسروا

وننطلق للباقات الخارجية احسن بكتير بس رؤوف خليف هيوشحنا للأسف

[a7med94]

المشاركة الأصلية كتبت بواسطة muhammad iprahem

انا شايف اننا نلغى الباقة من مصر احسن وهما اللى هيخسروا

وننطلق للباقات الخارجية احسن بكتير بس رؤوف خليف هيوشحنا للأسف

[مرسليو]

باقه تستغل كأس العالم في بيع منتجها بطريقه مبالغه جدا

[mynaismafa]

قاطع الاشتراك بس ادعى ان شفرتهم تتكسر عالشيرنج

[ناصر الشرقاوى]

الدولة الوحيدة اللى الجزيرة بتحب ترخم وتغلس عليها هى مصر خاصة فى موضوع الاشتراكات باقى دول الشرق الاوسط ما بيرخموش عليهم كده

[الامبراطور محمد]

ياريت الحكومة المصرية تحظر هذه القنوات من مصر

[العالمى للستالايت]

المشاركة الأصلية كتبت بواسطة ناصر الشرقاوى

الدولة الوحيدة اللى الجزيرة بتحب ترخم وتغلس عليها هى مصر خاصة فى موضوع الاشتراكات باقى دول الشرق الاوسط ما بيرخموش عليهم كده

دليلك يا معلم
واصلا اشترك المحطات بمصر كم مقارنة بباقى الدول

[شريف عبدألمنعم]

ليه التلفزيون المصري مايشتريش كاس العالم ارضي وتخلص القصة وممكن التلفزيون يجيب الي دفعه من الرعاة والاعلانات

[كيمو 1980]

والله احلي كلام بجد

[mostafino 28]

ياريت ان شاء الله

[بيزوووووو]

المشاركة الأصلية كتبت بواسطة muhammad iprahem

انا شايف اننا نلغى الباقة من مصر احسن وهما اللى هيخسروا

وننطلق للباقات الخارجية احسن بكتير بس رؤوف خليف هيوشحنا للأسف

هما من ناحية الخسارة فالقرار دة هيخسرهم كتير جدا

دة بجانب اصلا الخسارة من جهازهم الحمضان اللى نزلوة

وكمان احنا كلنا مقاطعين الاشتراك اصلا

[بيزوووووو]

المشاركة الأصلية كتبت بواسطة a7med94

مش خليف بس الشوالى كمان

[بيزوووووو]

المشاركة الأصلية كتبت بواسطة مرسليو

باقه تستغل كأس العالم في بيع منتجها بطريقه مبالغه جدا

معاك حق يا غالى

بس بيبنى وبينك كل واحد حر فى اسعارة

واللى عايز وقادر يشترك يشترك

واللى مش قادر ربنا معاة زينا كدة

[بيزوووووو]

المشاركة الأصلية كتبت بواسطة mynaismafa

قاطع الاشتراك بس ادعى ان شفرتهم تتكسر عالشيرنج

نتمنى يحصل دة وتتكسر ****** ورقبتهم كمان

لانى انا بالفعل مقاطع اصلا

رغم انى مشترك اصلا واشتراكى هيخلص اخر 5

بس قررت مش هاجدد تانى ولا هيشوفوا منى مليم تانى