[emadwady]

قبل ساعات قليلة من انطلاق مونديال البرازيل 2014 تداول النشطاء على مواقع التواصل الاجتماعى عدداً من الطرق المبتكرة لكيفية فك **** قناة الجزيرة التى تحتكر عرض مباريات كأس العالم وتحرم البسطاء من الاستمتاع بها، طرق تحايل المصريين لمشاهدة مباريات كأس العالم كانت بدافعين؛ أولهما الاستمتاع بالمباريات نفسها، وثانيهما الانتقام من قناة الجزيرة وإلحاق خسائر بها، بعد تدخلها السافر فى شئون مصر، وتبنيها لجماعة الإخوان الإرهابية.

لم يكتف المصريون بتداول روابط وفيديوهات توضح كيفية فك **** الجزيرة، بل ابتكروا أجهزة «ريسيفر» قادرة على فك ****** وتُباع فى باب اللوق والعتبة بأسعار تتراوح بين 300 و600 جنيه.

«الجهاز يبدأ سعره بـ350 وإمبارح والنهارده وصل لـ600، ما هو كل لما نقرب من بداية كاس العالم الجهاز بيغلى»، قالها إبراهيم أبوالخير، صاحب محل لبيع أجهزة الريسيفر فى باب اللوق، مؤكداً: «فيه جهاز تانى بنبيعه بـ450 والاشتراك 2200، كل واحد وإمكانياته بقى».

أكد «أبوالخير» أن هناك إقبالاً غير مسبوق على شراء جهاز «dalyexoprt»، الذى يستطيع من خلاله فك ***** الجزيرة الرياضية، مما يسهل على الجمهور مشاهدة مباريات كأس العالم دون قيود تفرض عليه: «طول عمرنا بنبيع ريسيفرات، لكن عمرنا ما شفنا إقبال زى المرة دى»، مضيفاً: «فى أقل من شهر بعنا 35 ألف جهاز، ما تعرفش الناس بتنتقم من الجزيرة ولا حب فى الكورة».

الدور السياسى الذى لعبته قنوات الجزيرة الإخبارية ألقى بظلاله على الرياضية، فى شكل حملات عدائية وجهها قطاع كبير من الشعب المصرى لفك ***** قنوات الجزيرة الرياضية، كتب مواطن، لقب نفسه بـ«الأبيض»، على صفحة قناة «بى إن سبورت» على موقع «فيس بوك»: «كنتم تهدفون أولاً إلى عقل المواطن لكن حالياً إلى جيب المواطن»، وكتب «ماهر إسماعيل»: «لن نشترى أجهزتكم وسنتابع على قنوات أخرى لكسر جشعكم»، وكتب «خالد»: «إلى مزبلة التاريخ يا من احتكرتم الرياضة وجعلتوها لمن يدفع أكثر.. قناة للنصب والاحتيال والجشع والربح السريع»، واتفق معه «على يوسف» وأضاف: «حرام والله حرام على العرب عند الغرب كأس العالم يذاع على القنوات المفتوحة»، أما «أمير السلاطين» فاكتفى بجملة: «طز فيكم».

[ahmedramadan123]

بص معظم الجرايد بتعمل فرقعة اعلامية

[hamoudy14]

لم يكتف المصريون بتداول روابط وفيديوهات توضح كيفية فك **** الجزيرة، بل ابتكروا أجهزة «ريسيفر» قادرة على فك ****** وتُباع فى باب اللوق والعتبة بأسعار تتراوح بين 300 و600 جنيه.

بيقولك فى الخبر احنا اللى ابتكرنا الجهاز
وسعت منهم اوى

[engmyra]

****
وكل عام وانتم بخير

بيكدبوا فى اى حاجة

[رزق عمار]

اعلامنا كداب
وشعبنا شعب اشاعات

[Mohammed10]

هههههههههههههه ياعمنا دي الرسيفرات اللي بتعمل بخاصيه ****

[gameyking]

المشاركة الأصلية كتبت بواسطة hamoudy14

لم يكتف المصريون بتداول روابط وفيديوهات توضح كيفية فك **** الجزيرة، بل ابتكروا أجهزة «ريسيفر» قادرة على فك ****** وتُباع فى باب اللوق والعتبة بأسعار تتراوح بين 300 و600 جنيه.

بيقولك فى الخبر احنا اللى ابتكرنا الجهاز
وسعت منهم اوى

اي واحد ما اتكلمش في الكوره الا اليومين دوول ماتصدقش منه حاجه لأنه فاتح اذنه لكل الناس وحاجه غريبه كل الشعب اللي له وللي مالوش حتي ولو جاب خبر انت متأكد منه انه مش صح ممكن يحلف لك انه صح الثورات علمتنا حاجات سنندم علي معرفتها

[بيزوووووو]

انا كنت امبارح فى باب اللوق ولفيت كتير

مفيش ولا ريسفر فاتح الجزيرة خالص ولا هيبقى

فى على الشيرينج ممكن ومن التجار بيقولوا بعد كاس العالم

يمكن تفتح تانى ويمكن لا اللى موجود وفعلا اسعارة كدة

كلهم بيعملوا بخاصية **** وكل الريسفرات صورتها وحشة جدا

ما عدا ريسفر اى جى الجديد صورتة حلوة شوية

والاسعار من 300 لحد 475

[ابومريم85]

ياسلام ع الفكاكة
احنا مش شاطرين الا في اختراع واكتشاف الفرقعة
خاصية **** دى موجوده من 2012
شوفت الاختراع بقى ياكوتش

[كيرلس رؤف]

كــلام زي الفـل
بس أكيـد يقصدوا جهاز
كيوماكس h3 وخاصية ****