[tefatefa2220]

السلام عليكم

عندى مشكلة فى ترددات الافقى بعضها يعمل وبعضها الاخر لا يعمل وكل الترددات الرأسى تعمل حل المشكلة ليها حل وايه السبب ؟

على سبيل المثال قناة بانوراما كوميدى على تردد افقى تعمل والقناة الاولى والمصرية على تردد افقى اخر لا تعملان عندى

[احمدوعماروبسملة]

العيب عندك في السلك اكيد في اجزاء كتيرة مقطعوعه عندك علشان كدة انصحك تغير السلك كدة المشكلة اتحلت

[اشرف فهمى]

تاكد من السلك ياغالى

[tefatefa2220]

هو انا عندى دايزك نازل منه قمرين بس الهولندى عشان دهوك والنايل سات

بس لو السلك فيه مشكلة مش كانت تبقى عامة مش على ترددات معينة بس

وعموما هغير السلك حاضر بس اغير بتاع الدايزك ولا الرئيسى اللى نازل من الدايزك ؟

وشكرا جزيلا لحضراتكم ع الرد

[حورس العاطفى]

منقول للمتابعه

[عادل عامر]

طيب حضرتك واخد من قطعة 2 مخرج

[tefatefa2220]

لا يا غالى مخرج واحد واحيانا الترددات تشتغل كلها تمام واحيانا يفصل ترددات الافقى فقط ومش كلها يعنى جزء منها وحاليا شغال تمام خااااااااااالص مع انه العصر كان 90% من ترددات الافقى واقفة انا احترت والله

[عادل عامر]

شوف يكون الكلر الصمولة المربوطة فى الريسفر تكون فيها شعرة من السلك ملامسة الطرف النحاس وخلى دئما فى الديزك اطول سلك اللى جاى من القطعة الى الديزك فى المدخل A

[الحاج شريف]

المشاركة الأصلية كتبت بواسطة tefatefa2220

هو انا عندى دايزك نازل منه قمرين بس الهولندى عشان دهوك والنايل سات

بس لو السلك فيه مشكلة مش كانت تبقى عامة مش على ترددات معينة بس

وعموما هغير السلك حاضر بس اغير بتاع الدايزك ولا الرئيسى اللى نازل من الدايزك ؟

وشكرا جزيلا لحضراتكم ع الرد

كلامك منطقى لو المشكله فى السلك تبقى عامه
الأفقى يا أخى يحتاج 18 فولت ممكن يقلوا لغايه أكتر من 15 بشويه مش عشان يشتغل لكن علشان الكونترول بتاع العدسه يقلب أفقى ، لكن الرأسى أى فولت بيشغله حتى لو 6 فولت
لو المشكله مرتبطه بوقت معين من النهار أو الليل تبقى مشكله ريسيفر أو ريسيفر وسلك بمعنى إن السلك مقاومته عاليه فلما بيقل جهد الريسيفر شويه بينزل تحت 15 فولت فالعدسه بتفضل ع الرأسى لأنه لو مازادش الفولت عن 15 أو 16 العدسه بتفضل ع الرأسى
أما إذا كانت المشكله مرتبطه بقمر أول موضع للشك هو العدسه نفسها مابتقلبشى أفقى لما يجييها 18 فولت
لاحظ بدقه إمتى بتحصل المشكله وانت تعرف مصدرها

[tefatefa2220]

المشكلة اوقات معين فعط يعنى دلوقت ممكن متكونش شغالة نص ساعة الاقيها اشتغلت وبعدها بفترة تفصل تانى وهكذا ملهاش وقت معين تانى حاجة انا عندى قمرين فقط النايل سات والتانى الهولندى اللى علي قناة دهوك وده انا معنديش غير هو التردد ده بس عندى قطعة زيادة ممكن احطها مكان قطعة النايل سات واجرب

[dedo57]

العيب يا عدسة يا باشا ، انا كانت نفس المشكلة عندى ودوخت لحد ما الشباب هنا قالولى غير العدسة المخرجين المقرفة دى ، وركبت عدسة مخرج واحد على نفس السلك والدايزاك واشتغلت والتردد ميه ميه ، غير العدسة واسمع كلامى وهتشوف

[عادل عامر]

هو بيتكلم عن عدسة مخرج واحد
جرب بالسلك مباشر من غير ديزك وشوف العيب من اية

[حماد]

يا غالى شيل الدايزك وجرب مباشر بدونه... ولو حصل معاك نفس المشكلة تأكد من القطعة بالقيام بتجربة قطعة اخرى ..

[tefatefa2220]

تمام بكرة ان شاء الله هجرب السلك مباشر واشوف ايه النظام ولو استمرت نفس المشكلة هغير القطعة ان شاء الله

وشكرا جدا لحضراتك ع الرد

[حماد]

المشاركة الأصلية كتبت بواسطة tefatefa2220

تمام بكرة ان شاء الله هجرب السلك مباشر واشوف ايه النظام ولو استمرت نفس المشكلة هغير القطعة ان شاء الله

وشكرا جدا لحضراتك ع الرد

بالتوفيق ان شاء الله ..