[أبو يوسف الهوارى]

بسم الله الرحمن الرحيم

وبه نستعين

********************

إليكم إخوانى حل المشاكل الموضحة بالعنوان

وهى تكون بسبب من الاتى

1- تحميل سوفت أو ملف قنوات خطأ

2- انقطاع الكهرباء أثناء تحميل سوفت أو ملف قنوات

والحل معنا إن شاء الله

المشكلة الأولى كما تراها بالصورة التالية وهى الوقوف على كلمة أو صورة

Qmax

وغالبا ما تكون بسبب تحميل ملف قنوات خطأ لجهاز أخر أو لإصدار مختلف

كتحميل ملف قنوات لاصدار 131 أو ما تلاه لكيوماكس h2 mini

على جهاز يحمل إصدار قديم مثلا 114 أو 115

وهنا أحب أن أشير لنقطه لتوضح بداية المشكلة

لأن الحكمة تقول الوقاية خير من العلاج

عندما تقوم بتحميل ملف قنوات عربى لأى جهاز من أجهزة عبد العال

من الطبيعى بعد انتهاء التحميل تظهر رسالة " تمت العملية بنجاح"

كده مفيش مشكلة

أما المشكلة إذا ظهر بعد تحميل ملف القنوات العربى رسالة باللغة الانجليزية فيها كلمة

successful

ثم تجد لغة الجهاز أصبحت انجليزية أو رموز غريبة

وكذلك أسماء القنوات إما برموز غريبه أو رقم القناة فارغ

وهنا بداية الخطر

وقبل وقوع المحظور فورا لابد من عمل ضبط مصنعى فى الحال

لأن الجهاز هيهنج منك ويتجمد وتضر لإعادة التشغيل بارو

وتجد نفسك أمام مشكلة من المشاكل السابقة كالوقوف على الصورة التالية



وقد تجد 0000 أو رقم قناة مثلا 16 أو 25 على شاشة الرسيفر

هنا المشكلة قد تبدو مزعجة وقد تحاول إعطاء سوفت باللودر فيعطى

لك الجهاز خطأ E011 أو E022 وقد يستجيب معك الجهاز إذا ضغط زر ستاند باى

فتجد الجهاز يقف على وضع الساعة

هكذا الموضوع بسيط إن شاء

الحـــــــــــــــــــــــــــل

من ريموت الجهاز وانت واقف على صورة Qmax اضغط زر Menu

وركز جيدا على شاشة التلفزيون تجد صورة القائمة ظهرت معك بشكل خافت جدا كما بالصورة التالية



كده تمام قوى

وأمامك الان عدة خيارات حسب رؤيتك للكلام وخبرتك مع الجهاز

1- إما أن تقوم بعمل ضبط مصنع وانتهت المشكلة

2- الضغط على زر 0 من الريموت وعمل ضبط مصنعى لإعدادات الفيديو والصورة للجهاز
ثم عمل ضبط مصنع شامل

3- الحل الاخير الذهاب بالريموت لقائمة القرص وتحميل سوفت بالفلاشة ثم عمل ضبط مصنع أيضا

ويفضل السوفت 131 بالمثبتات



ثم يعود الجهاز للعمل مرة أخرى بشكل عادى بعد ضبط المصنع



المشكلة الثانية والاخطر هى مشكلة boot

وتكون نتيجة انقطاع التيار الكهربى عن الجهاز بأى وسيله اثناء تحميل سوفت أو قنوات

هنا نحن أمام خيارين

أولا : وهو شحن فلاشة للجهاز باللودر

وأفضل سوفت أو فلاشة تعاملت معها لعلاج هذه المشكلة خاصة للاجهزة المحولة

هو سوفت ibox 3030 والرابط بالمرفقات

نفذ ما يلى بدقة

1- اغلق الجهاز من الخلف ووصل كابل التحديث

2- افتح اللودر المرفق وافتح السوفت السابق بداخله

3- استمر بالضغط على زر ستاندباى الجهاز من الامام ووصل الجهاز بالكهرباء

وانتظر حتى تظهر على شاشة الجهاز كلمة boot

وهنا ملحوظه مينفعش تخلى الجهاز على وضع بووت من تلقاء نفسه

ولا حتى بلودر sscom المعروف لازم يدوى لأن الجهاز مش هيحس باللودر

4- اضغط بالماوس زر start باللودر سيبدأ معك التحميل إن شاء الله

ومبروك عليك عودة الجهاز للعمل



ثانيا : وهو الحل الاخير إذا لم تنفع معك كل المحاولات السابقة

لأسباب قد لا تعرفها أنت لو مكنتش فنى

هو الذهاب لأفرب محل صيانة لشحن الفلاشة على الميرمجه أو بالجيتاج

وهنا يمون انتهى موضوعنا

نرجو أن يكون استفاد الجميع

شكرا لكم

أخوكم

مجدى الهوارى

*************************

[م/ احمد عنتر99]

والله فنان كبير استاذ مجدى مشا الله عليك وربنا يبركلك بجد الموضع دة جامد وهيساعد كل الاعضاء ايوة كدة يا غالى خلينا نشوفك تحياتى ليك

[أبو يوسف الهوارى]

منور حبيب أحمد الموضوع

يسلم كلامك يا غالى

[م / محمود عبدالعال]

شكرا لك اخي مجدي عمل رائع وموضوع مميز جدا بارك الله فيك

بس صورة اللودر دي بتعتي بهزر معاك هههههههههه

[أبو يوسف الهوارى]

منور اخى الحبيب

الصورة جبتها من جوجل لتوضيح شكل اللودر للاعضاء

وعموما كلنا بنخدم حبيبى

وهزارك مقبول طبعا

[م/محمد العنانى]

الله ينور على الشغل العالى
وجارى التجربه

[م / محمود عبدالعال]

المشاركة الأصلية كتبت بواسطة أبو يوسف الهوارى

منور اخى الحبيب

الصورة جبتها من جوجل لتوضيح شكل اللودر للاعضاء

وعموما كلنا بنخدم حبيبى

وهزارك مقبول طبعا

ربنا يكرمك اخي مجدي لم أقصد شيء

بس ده رابط موضوعي مش تفهمني غلط انت راجل خبره

لما نقول حصري يعني حصري الان حل مشكلة البوت لكوماكس h3 + h2 + plus1 باللودر فقط مهما كانت ‏( 1 2 3 4 5) ♣¥♣¤ محمود المصري ♣¥♣¤

[أبو يوسف الهوارى]

تمام اخى محمود
بس موضوعك عن كيوماكس h3

ورغم ان اللودر واحد

لكن انت عارف طبعا ان الجهازين مختلفين

فى حجم الفلاشه والبوت والهيدر وكده

[أبو يوسف الهوارى]

المشاركة الأصلية كتبت بواسطة العنانى

الله ينور على الشغل العالى
وجارى التجربه

ان شاء الله تجربه ناجحه

[أبو يوسف الهوارى]

ارجو ان يستفيد الجميع

[احمد حجازى 22]

تسلم ياغالى ربنا يبارك فيك

[almalk 2000]

شكرا جزيلا اخي الهواري وارجو منك الاهتمام بهذا الطلب البسيط

http://www.masrawysat.com/vb/showthread.php?t=1447285

[ibrahem007]

الله يباركلك الجهاز جايب اربع 0000 ايه العمل بدوس منيو مفيش اي حاجه بتظهر ومشيت مع الخطوه التانيه ودوست 0 ومفيش حاجه حصلت الرجاء الافاده وشكرا للمجهودتكم

[م/ احمد عنتر99]

مغلق مشاكل وحلول الجهاز فى المثبتات ولا داعى للرد على مواضيع قديمه