[sun050]

ياريت من الأخوة الافاضل حل لمشكلة فى استقبال تردد 10815 افقى مبيجبش اشارة نهائى جربت جميع الحلول اللى تخطر على بال اى فنى تركيب مع العلم الأشارة كويسة عندى طبق 85سم بريفكس نايل سات فقط السلك كويس العدسة تمام الطبق مفيش اى عوائق من اى اتجاة وجربت اكثر من فنى. مش أنا اللى بشتكى من التردد دة لوحدى فى ناس كتير التردد ده مش شغال عندهم وفى ناس شغال عندهم فى نفس المنطقة بدون مشاكل ... لو فى اى حل للتردد 10815 اوبديل لاستقبالة ياريت ذكرة أرجووووووو متابعة هذا الوضوع

[عبده دش 3]

فى عندك شبكة محمول

[blackknight_2090]

بص حضرتك التردد ده بتاع قناه المحور دراما وانا بظبط عليه القمر كله بيظبط
ولوعاوز تظبط الترددد ده هات تردد دربكة سينما واوصل لاعلى اشارة على تردد القناه دي وارجع لتردد المحور دراما وحرك الطبق بايدك مش من البولار طبعا لو جاب كويس وكمل باقي الظبط
وعامة العدسة لو فيها مشكله مش هتجيب التردد ده خالص لانه من ترددات الفيرتكال الضعيفة وانصحك باستخدام عدسة الشوشرة فيها تكون 0.01 db
وانا عن نفسي بجيب الاستار سات او بريفكس محترمة وشغال بيهم ... وهذا الكلام عن تجربه

[sun050]

اخى الحبيب بداية يوجد شبكة محمول بالقرية تبعد عن البيت حوالى 500 متر وماذا تقصد بعدسة الشوشرة فيها تكون 0.01 db وحدد نوع كويس من العدسة علشان الشوشرة اشتريها وحاليا مركب قطعة استرونج القديمة وباقى الترددات كويسة وفى ترددات اخرى مثل 10777 مش شغال ياريت اخى الفاضل تحدد طريقة لحل هذة المشكلة علشان انا نفسى اشغل التردد دة رجاء من اهل الخبرة فى انتظار الرد

[sun050]

تردد قناة دربكة سينما عندى 70%

[PRO WAEL]

تردد المحور دراما 10757 وهو ده اضعف تردد على القمر وللاخ اللى بيسال اظبط الطبق بتاعك على التردد 11747 عمودى وهات اعلى اشارة منه وارجع اتاكد من لتردد 10757 لو اشارته كويسه القمر كله هيشتغل معاك تمام اما بالنسبة لمعامل الشوشرة فده فى الاغلب مجرد ارقام وهمية مكتوبه على القطع الصينى هات قطعة ستار سات او بريفس كويسين

[egyfan]

اخي الكريم جرب الطريقه دي كده

10815 / 27490 / افقي

و شوف هل التردد لقط معاك اشاره وله لا ؟

[عادل الكردى]

الترد شغال تمام على طبق متر
وبالتوفيق

[sun050]

يعنى الطبق 85 سم اللى انا مركبة مينفعش ولا لازم 100سم

[sun050]

اخي الكريم جرب الطريقه دي كده

10815 / 27490 / افقي

و شوف هل التردد لقط معاك اشاره وله لا ؟

التردد 10815 بيجى باالليل بيجيب اشارة 37 -35 -25 وباالنهار تكاد تكون 1 % والطريقة اللى حضرتك ذكرتها نفس الشيء

[SABER SHABAN]

التردد10815 افقى جاب معاى اشارة 65 %
بس بعد تعديل السيمبل ريت من 27500 الى 27485

[عبده دش 3]

الحركه دى حصلت معايه وطلع المشكله انو فى شبه محمول قدام الطبق تبعد حوالى 500 متر بعد طبعا بهدلة 3 او 4 سعات على السطح

[sun050]

المشاركة الأصلية كتبت بواسطة صابر2000

التردد10815 افقى جاب معاى اشارة 65 %
بس بعد تعديل السيمبل ريت من 27500 الى 27485

عملت الطريقة دى والاشارة 25%-30 %

[sun050]

اشارة التردد دة بتجيب 25-30 % ممكن تعلى وتشتغل قنوات التردد

[tarekelsaka78]

المشاركة الأصلية كتبت بواسطة sun050

ياريت من الأخوة الافاضل حل لمشكلة فى استقبال تردد 10815 افقى مبيجبش اشارة نهائى جربت جميع الحلول اللى تخطر على بال اى فنى تركيب مع العلم الأشارة كويسة عندى طبق 85سم بريفكس نايل سات فقط السلك كويس العدسة تمام الطبق مفيش اى عوائق من اى اتجاة وجربت اكثر من فنى. مش أنا اللى بشتكى من التردد دة لوحدى فى ناس كتير التردد ده مش شغال عندهم وفى ناس شغال عندهم فى نفس المنطقة بدون مشاكل ... لو فى اى حل للتردد 10815 اوبديل لاستقبالة ياريت ذكرة أرجووووووو متابعة هذا الوضوع

ركب قطعه تانيه و كله يبقى تمام بما فيه هذا التردد
افضل انواع القطع ( البريفكس . ستار بورت . ستار سات . الدريك . الترياكس )
بالتوفيق لكـــ