[r.ha55]

الاخوه مهندسين مصراوى الكرام انا حصلت معايا مشكله اريد من حضراتكم المساعده وجزاكم الله خير وهى ان انا عندى رسيفر كوماكس جوكر القديم v1 وعليه سوفت 2.8 وكان شغال والحمد لله حبيت انزل له ملف قنوات واخذ الملف وبعد كده الرسيفر بيرستر عالطول وحبيت ارجعه تانى باللودر العجيب وفرمت الفلاشه وحملت عليها سوفت 2.1 السوبر ولكن دون جدو مع انى عملت جميع الخطوات الموجوده بشرح اللودر والرسيفر بيقراء الفلاشه مع اللودر ولكن بيقف على كلمة انتظر وانتظرت اكثر من نصف ساعه ولكن مفيش فايده ارجوكم واتوسل اليكم المساعده وياريت ترفعوا لى سوفت 2.8 وشكرا وانا اسف على الاطاله

[علاء نبيل محمد]

تفضل حبيبى سوفت السوبر 2.8

حمل على نفس الخطوات لودر العجيب وانشاء اللة تتحل المشكلة واوفينا بالنتيجة

وادى علاج الرسترة حبيبى

وادى ملف القنوات حبيبى حملة عادى لسوفت السوبر فرجن1 + 2 واحد فى الملفات

[r.ha55]

اولا شكر للمهندس علاء نبيل على الرد بس انا عملت ال حضرتك قلته كلوا ولكن دون جدوى وانا حملت سوفت 2.8 وبعد استخدام اللودر العجيب ومشيت خطوه خطوه ثم وضعت الفلاشه بالرسيفر واغلقت الرسيفر وفتحته مره اخرى والمشكله ان الرسيفر بيحس بالفلاشه وتظهر على شاشة التليفزيون رساله من فضلك انتظر واستنيت اكثر من نصف ساعه والرساله موجوده ولا يقوم الرسيفر بتنزيل الملف من الفلاشه رجاء المساعده وجزاكم الله خير وشكرا

[scary man]

ركز مع الخطوات واحدة واحدة وبالترتيب
جرب تلك الخطوات اخي الكريم

اخلع سلك الطبق وسلك النت واترك كابل الصورة والصوت/كابل الاتش دي ايهما تستخدم
فرمت فلاشتك كذا مرة و اخلعها من الكمبيوتر وعد ادخالها مرة اخري وفرمتها تاني
حمل السوفت السوبر 2.01 ورابط تحميله بالمثبتات وفك ضغطه وضع الملف الاصفر فقطfiles علي الفلاشة
اغلق الريسيفر من زرار الباور الخلفي
ادخل الفلاشة بالريسيفر
اعد فتح الزرار
دع السوفت يكمل تحميله ويكتب تم
انزع الفلاشة من الريسيفر
عندما يعد عكسي ويصل لرقم7 قبل ما يرستر اغلق زرار الباور من الخلف واترك الجهاز
فرمت الفلاشة وضع عليها ملف علاج الرسترةالمناسب لموديل جهازك v1 من مشاركة الاخ الكريم/ علاء
حط الفلاشة في الريسيفر وشغل زرار الباور
الجهاز هيقبل منك الملف ويطلب رفع الفلاشة
ارفع الفلاشة وانتظر حتي العد العكسي
ستجد الريسيفر بيعيد التشغيل ويقف علي ---- او يقف علي حروف لاتينية
ادخل من زرار menu واعمل ضبط مصنع للجهاز كاملا كذا مرة
ثم حمل للجهاز نفس السوفت السوبر 2.01 مرة اخري
ثم وصل جميع الاسلاك مرة اخري

ونصيحة بلاش تغير السوفت ده لانه محترم ولا يحدث للجهاز مشاكل
بالتوفيق ان شاء الله

[r.ha55]

شكرا لحضرتك وجارى العمل وان شاء الله خير

[r.ha55]

طيب فيه استفسار بعد اذنكم هل وانا بعمل هذه الخطوات اكون فاتح اللودر وعلى اى وضع لان الفلاشه مش بيستجيب له الرسيفر غير مع اللودر ومع الاسف بيفضل واقف على كلمة دون انتظار باللون الاصفر وهل بعد كده فى حاجه تانى اعملها وشكرا معلش انا تعبتكوا معايا وانا اسف على الازعاج

[r.ha55]

ارجو الرد الله يخليكوا لانى مش عارف اعمل ايه وهل الفلاشه لها فرمته معينه اى لازم نوع الفرمته اذا كان fat او fat32 او ntsk

[علاء نبيل محمد]

- احضر فلاشه ولا تكون اقل من 2 جيجا وتفرمطها على نظام fat32

2- تحمل السوفت وتفك الضغط عنه وتحت السوفت على الفلاشه بالملف الى اسمه files

3- تروح للجوكر وتعمله ضبط مصنع للجهاز كله وبعد ما يخلص ضبط المصنع تطفى الجهاز من الزر الباور الخلفى

4- تحط الفلاشه فى الجهاز وبعد ما تحط الفلاشه تشغل الجهاز من الزر الباور الخلفى
وتنتظر حتى يتم تحميل السوفت

5- بعد انتهاء تحميل السوفت سوف يكتب على شاشه الجهاز end انتظر 5 ثوانى او 10 ثوانى وبعدين شيل الفلاشه من الجهاز وانتظر والجهاز بعدها هايرستر نفسه بعد 10 ثوانى

[scary man]

اخ علاء
النقطة رقم 3 في كلامك ليس لها علاقة بالموضوع
لانها هي مشكلة الاخ السائل
الجهاز بيرستر لوحده بعد الافتتاحية وبالتالي فلن يستطيع دخول القائمة من الاساس

وبالنسبة للاخ السائل
طريقتي ليس لها علاقة باللودر نهائيا
ركز في كلامي ونفذه زي ما انا كاتب لك
بالتوفيق
وعذرا لدخولي المتأخر

[علاء نبيل محمد]

المشاركة الأصلية كتبت بواسطة r.ha55

طيب فيه استفسار بعد اذنكم هل وانا بعمل هذه الخطوات اكون فاتح اللودر وعلى اى وضع لان الفلاشه مش بيستجيب له الرسيفر غير مع اللودر ومع الاسف بيفضل واقف على كلمة دون انتظار باللون الاصفر وهل بعد كده فى حاجه تانى اعملها وشكرا معلش انا تعبتكوا معايا وانا اسف على الازعاج

لابد من تحميل سوفت السوبر
2.1
نفز هذا الشرح بالتفصيل وانشاء اللة تتحل المشكلة بجدارة ادخل هنا

[r.ha55]

عظمه على عظمه يا احلى مهندسين فى العالم والف مليووووووووووووون شكر لجميع من ساهم فى حل مشكلتى واخص با الشكر للمهندس الكبير علاء نبيل محمد وربنا يجعله فى ميزان حسناتك والحمد لله بفضل الله ثم بفضلكم الرسيفر رجع للحياه وشغال مليون فى الميه وجزاكم الله خير