[moh010]

السلام عليكم ورحمه الله وبركاته

بعد الخبر الجميل الى سمعناه النهارده

جبتلكم خبر اجمل وكعادتي مباشرتا من دبي اول معلومات عن العدسة الجديده انفرتو بلاك الترا الحديد خليفه البلاك برو

نبدا بالفرق بين العدستين البرو كانت عباره عن عدسه عادية بفيد هورن مصنوعه من خليط بين الحديد مواد اخري علشان الصدي

وهنا كلنا فاكريين طبعا اننا لما بنعدل البلاك الترا بتعمل شغل احسن واشاره عاليه لانها هاي بور او ها جين وقدرتها على الاستقبال اعلى من البرو لكن كانت ميزه البرو هوا قوه العدسة انا مركبها من يمكن تلت سنين ولا الهوا اما الالترا بعد التعديل برده يتخاف عليها لانها حساسه جدا ولو مش محترف هتحرق العدسة وانته بتجربها

هنا الفكره كانت من الوكيل فى دبي انه يحط المواصفات بتاعه الالترا البلاستك فى عدسة حديد بفيد جيد ولكن الشركة رفضت الفكره دي لان العدسه البرو عامله مبيعات جيده جدا فى اوربا بوضعها الحالى فالوكيل استثمر جزء من المال لعمل عدسة جديده وكمان تكون حصريا ليه وافقوا وعملوا العدسة الجديده الى حتي مش هتتباع فى اوربا وبما ان الالترا القدمة اتحدثت للالترا ULN+ وهي احدث تقنية فى العالم تستخدم فى العدسات فكمان العدسة الالترا الحديد اسمها Single Flange Black Ultra ULN+

طيب كويس ايه بقي تقنية ال ULN+ دي صدقوني من خمس دقايق قلبت النت ومعرفتش اوصل لحاجة فعملت ايه كلمت الوكيل راجل محترم رد وشرحلى قال التالى معناها بالانجليزيه ULTRA Low Noise Plus وبتعمل التالى دي بقي تقنيه جديده بتنقي الترددات مش بس كويس ان ال DB بتاع العدسة يكون منخفض لانك ممكن تنجح فى الحصول على التردد بس ميكونش نقي وتكون فية دوشة كتير زي ما بنشوف لما نحاول نجيب تردد سوبر تلاقي التردد لاقط بس الشاشة مكسره كدا وتقول لو 1 DB بس كانت بقيت فل

هوا ده بقي الى بتعمل التقنيه الجديده تنقيلك الدوشة الى فى التردد وتفصل الترددات القوية عن الضعيفة فتديك جوده اعلى وتثبت الترددات الضعيفة لفترة اطول من اليوم وهوا المطلوب اثباتة التردد يثبت اطول فتره ممكنه وتنظبط الترددات المشوشه

التقنية الجديده مانعه للشوشره يعني مبروك لسكان القاهرة الكبرى وضواحيها الى بيعانوا من كتره شبكات المحمول والراديو وخلافه انسي يا حج هتشوف وتستقبل زيك زي اى حد وخد دي كمان بتشوف لما حد يشوشر على قناه معينة كان زمان وجبر دلوقتي مع العدسة الجديده انسي الشوشره شوشر براحتك هنتفرج برده

العدسة تمت تجربتها من قبل الوكيل واعطت 10 DB افضل من البرو على بعض الترددات يا تري تعمل اية العدسة دي فى الترددات السوبر ؟؟؟؟؟؟

طبعا بس توصل هنعملها مراجعه وتجربة باذن اللة تعالى

سامحوني النهارده لساني فالت شوية بس من الفرحة خبريين حلويين فى يوم واحد

خالص تحياتى للجميع

أبو آسر

[السيد عيد طالب]

نحن فى الانتظار
والف شكر على المعلومات

[اسماعيل عمر]

ممتاز اخى

[mohamedmoaze]

مميز دائما اخى محمد
تحياتى

[Mr.M!DO]

يامسهل

ربنا يكرم بخبر الاطباق الكبيرة

[alaa_hor]

موضوع فى غاية الروعة نطلب منك المزبد

[amrlion]

خبر سعيد

وشرح مفيد


للقطعه الحديد

من راجل محترم وشديد


كالعاده مواضيع ومفاجاتك تختلف


فى انتظار القطعه الجديده من الوكيل فى مصر حاليا


تحياتى

[moh010]

المشاركة الأصلية كتبت بواسطة Mr.M!DO

يامسهل

ربنا يكرم بخبر الاطباق الكبيرة

كدا هتخليني احرق كل كروتي مينفعش كدا على العموم فيه مفاجاة قريب برده

تحياتى

[اللمبى الاسوانى]

خبر سعيد وانشاء الله نشوف كل العالم فى اسوان

[اللمبى الاسوانى]

متعرفش الاسعار حدود كام

[moh010]

المشاركة الأصلية كتبت بواسطة اللمبى الاسوانى

متعرفش الاسعار حدود كام

الي اعرفه ان الاسعار هتنزل خلال ايام وهما فتحوا الحجز للريسيفرات شفتهم دلوقتي على الفيس والبقيه تاتي

تحياتى

[ayaayatalaa]

خبر جميل المهم تتواجد فى مصر

[ah3333]

ممكن اخى تعطينى موقع حجز الريسيفرات

[ofaa_uoubor]

خبر رائع وعرض جميل ياغالى ..لكن ياريت فعلا التوكيل يفتح فرع فى مصر علشان نعرف نتعامل مباشرة ....لكن ايه هو الخبر الاول اللى يفرح علشان انا لسه داخل الان .؟؟

[ahmed vet]

اهلا بيك اخي الحبيب محمد معاك دكتور احمد من الاسكندريه اللي كنت شاري اخر قطعه برو ويا ريت بقي تفتكرنا بكل ما هو جديد عندك وبالتوفيق ليك في المفاجاه القادمه ويا رب الامور تبقي تمام معاك