[moh010]

السلام عليكم ورحمه الله وبركاته

اولا لازم اشكر كل الاعضاء الكرام فى المنتدى على التشجيع المستمر الى بيخليني استمر فى موافتكم باخر الاخبار الى بوصلها وده الى خلاني انزل النهارده وانا تعبان وحراراتي عالية بس نعمل ايه الدش بقي هواية متعبة بصراحه

من فتره وانا بدور على اخر مكون من مكونات الدش للمنظومة بتاعتي الحمد لله انا جمعت السنين الى فاتت مجموعه من افضل مكونات الدش ريسيفر مميز فوبلص اونو عدسات انفرتو بانوعها وعدسات من مختلف الانواع الفوجي الاصلية الاستار جولد البلاستك السي باند و السي كيوباند حتي كابل الدش جبته استل جوده عاليه ولكن المكون الاهم كان مفقود وهو العامل الاهم فى كل ده وهو الطبق للاسف ويمكن حتى حالي احسن من ناس كتير دلوقتى الطبق الى عندي 160 بريفكس صاج حتى طبق معقول بس انسي الطبق صغير برده
دورت كتير فى مصر كلها اطباق قديمه ولا انته عارف لما تنزل الطبق من السطح وتنقله وتركبه هل بعد كل ده هتلاقي نتيجه كويسه ولا لا واسعار حتي المستعمل غالية ومش موجوده حتي
فررت اني اجيب طبق من بره وللاسف حتي فى الامارات كان البحث صعب لان سرعات الانترنت بقت خيالية وبصراحه الى عايش هنا مش محتاج دش ابدا انا جربت من فتره قريبه ***** **** رائع هنا كله كدا بقي بس رسمي من شركات النت بتقدملك التليفزيون HD وكل الى نفسك فية

المهم علشان مطولش عليكوا المره دي قررت اجيب طبق من هنا وكنت ما بين اختاريين فقط اما اليورستار 240 شرايح او الجبيرتيني 150 واول ما وصلت الاسبوع ده قلت اتكل على الله واجيب الكبير دخلت على موقع الشركه وكانت المفاجاءة انهم شالوا الطبق من الموقع وبقي اكبر طبق هوا ال 180 شرايح كنت هتجنن كلمت الشركه النهارده وسالت قالوا ان العدد الموجود محدود جدا ويا تلحق يا لا وحتى مندوب المبعات قال مفيش خطط لاستيراد او صناعه المزيد من هذه الاطباق الكلام ضرب فى دماغي خدت ديلي فى سناني وجري على دبي والنهارده الخميس والدنيه زحمه وانا تعبان المهم الحمد لله وصلت وقبلت مدير التوكيل وسالت على الطبق قالي فاضل 15 طبق فقط ومش هيستوردوا تاني لقله الطلب عليه هنا
اشتريت الطبق وكلمت شركة الشحن وبعتولي العربيه اخدت الطبق وراح المينا علشان الشحن وباذن الله ادعولي يوصل على خير لمصر فى خلال 20 يوم باذن الله

نيجي لصوره الطبق الي للاسف معرفتش افتحه علشان متقفل كويس ولو تلاحظو فيه خبطه صغيره لما مديت ايدي لقيد فويل كبير حوليين الطبق حتي معرفتش المسه

دي كل الاطباق الاوفست الى عندهم



وده طبقي حبيبي





وزن الطبق زي ما شفنا فى الصوره الى فاتت 52 وبالكرتونه تقريبا 56 الى 60 كيلو مش خفيف ابدا طبعا الطبق متحرك ببولر مونت ممكن نشوفه فى الصور دي





ونجي لمواصفات الطبق هوا بيتكون من ستت شرائح تجمع مع البولر مونت وشوفوا بقيه المواصفات



الطبق بقوه 48.04 DB على الكيو باند و 38.39 على السي باند

الطبق مصنوع من الاستيل المطلي بنظام التنافر ومانع للصدا طبعا قلت لمدير التوكيل لو جراله حاجه هجيلك افضحك

يستطيع مقاومه رياح قدرتها 210 كيلو متر فى الساعه وان يتحرك فى سرعه رياح بقوه 90 كيلو متر فى الساعه الطبق ذات عمق ضحل للغايه باين من الصور وده الى مخلي اشارته قويه على الكيو بالذات

دي شويه صور للطبق وهوا راكب عند الاخ البحريني



ودي صورته عن الاخ والوهيبي فى سلطنه عمان



واخيرا ده ايصال الشراء علشان لو حد فكر اني ممكن اصور الطبق وخلاص







وبعد كل ده سعر الطبق 600 درهم والشحن 400 يعني يوصل مصر الف درهم فى 2 يبقي 2000 جنيه

ده موضوع كدا على السريع علشان تعبان

وما توفيقي الا بالله وما الخطا الا مني والشيطان

لا تقرا وترحل

خالص تحياتى

ابو آسر

[خالد الغمراوى]

مبروك على الطبق

[طة فؤاد]

الف مليون مبروك

[المعلم هشام]

الف مبروك
على الطبق

[بحبك يامصر]

اولا ربنا يبارك ليك فيه ويوصل بالسلامه ثانيا ممكن نتواصل مع بعض ضرورى

ممنوع كتابه الايميلات وارقام التليفونات حتى لايتم ايقاف عضويتك نهائيا

الاداره ..

[السيد عيد طالب]

نتمنى يتوفر عندنا حاجات زى دى يا استاذ محمد
الف مبروك عليك يا غالى
ومنتظرين التجربة
ان شاء الله

[mohamed 1010]

الف مبروك يا غالى
ومنتظرين التجربة
بالتوفيق ليك ان شاء الله

[gamal_317_ 20]

الف مليون مبروك

[mohamedmoaze]

الف مبروك وفى انتظار التجربة

[haiytham]

الف مليون مبروك وفى انتظار التجربة على ارض مصراوى
تسلم ايدك على الموضوع

[حماد]

الف الف مروك اخى الكريم وبالتوفيق ان شاء الله ولا تنسى استغلاله فى يرض الله ...

[aU$TiN]

الف مليون مبروك اخي محمد

[عبده فودة]

مبروك اخى الكريم

وان شاء الله يوصل بالسلامة

[satytree]

الف مبروك ان شاء الله تستفاد به فى مصر

[tito_star]

الف مبروك وفى انتظار التجربة