[mahemd abo adm]

بعد السلام عليكم

الاعضاء والمشرفين الكرام

بعد البحث الكثير فى المنتدى والاطلاع

قررت النزول لشراء شاشة سامسونج 48 بوصة ليد ثرى دى موديل 6400

اللى بصراحه كونت نازل اشتريها

فوجدت انواع كثيرة ومنها lg سمارت ثرى دى اللى بصراحة انبهرت من

الاوبشن بتعها دية غير ان الراجل اللى فى المحل فضلت اتكلم معاة شوية

زاد الطين بلة وزى ما روحت جيت

وقررت ان ما استعجلش لان مش كل يوم الواحد هيشترى شاشة

ياريت يا جماعة اللى يقدر يفيدنى وافضلهم عن تجربة

[™Mr.Hassan™]

بص يا غالي المقارنه هنا بين الشاشتين هتبقي في السعر والامكانيات
اما بالنسبه لجوده ال lg والسامسونج فشاشتين ممتازتين مع تفضيلي لل lg
فحضرتك ممكن تحدد نوع وموديل الشاشه المطلوبه ونقدر نفيدك

[DmgRoxx]

بصراحه انا بفضل السامسونج بس برده LG روعه
لكن لو هتتكلم على الدعم وسهوله الصيانه توشيبا

[طه ياقوت]

المشاركة الأصلية كتبت بواسطة DmgRoxx

بصراحه انا بفضل السامسونج بس برده LG روعه
لكن لو هتتكلم على الدعم وسهوله الصيانه توشيبا

برافوو عليك

[فيوتشر مان]

انا افضل سامسونج شاشه رائعه ولكن ابتدأ من الفئه السابعه حتى التاسعه ودون ذلك فئات عاديه وشاشه lg عاديه بالمقارنه بسامسونج
وتوشيبا اسوأ منها مفيش وسونى مفضله ورائعه وباناسونيك عاديه جدااا
وذلك عن تجارب كثيره

[idss]

سامسونج ...خدمة ما بعد البيع سيئة جدا جدا جدا جدا جدا عن تجربة شخصية

[usama safe]

نصيحة منى سامسونج
الفئة السابعة 40 بوصة السعر 8000 ج
فى موديل فى السامسونج خرافة ولكن سعرة غالى جدا
ua40hu7000
الترا اتش دى اربعة اضعاف الفل اتش دى
واستنى عروض رأس السنة 2015 وعروض كارفور

[abomody]

السامسونج او السونى اخى الغالى
متخرجش برة الماركتين دول

[اسير الصمت]

سامسونج افضل اخي عن تجربه

[yasser daba]

تورنادو

[mahemd abo adm]

والله يا جماعة انا كونت نازل اشترى شاشة 48 بوصة سامسونج الفئة السادسة 6400 كانو اعضاء زمايلنا شكرو فيها
بس لقيت شاشات روعة منها
lg سمارت 55بوصة 3d والابشن بتعها عالى جدا ومن ضمن
اللى متذكرة فيها كاميرا بالاعلى بتترفع وتنزل كاميرا ويب
بس السعر غالى جدااا??????

[محمد الاسكندرانى 2]

خليك فى LG افضل

وعندك سونى

ابعد عن السامسونج

[ahmdmody]

راى
سونى انضف حاجاه طبعا
بس غاليه ومحتاجه حفاظ جامد عليها
والتانى للاسف سامسونج وعن تجربه احسن من lg

[احمد صلاح]

4K وتعني 4 كيبي هو اسم مختصر لنوع من أنواع دقة العرض الجديدة. وهي امتداد تطويري لأعلى كثافة موجودة حالياً في تقنيات العرض والتي اصطلح على تسميتها بـ Full HD. هي ببساطة مضاعفة للمعيار 1080بي، أضرب الطول والعرض لأعلى كثافة في 2 لتحصل على الكثافة الأعلى والتي تصبح 2160 عرض × 3840 طول (8.3 ميجابكسل) وهي أعلى كثافة لتلفيزيونات 4K الجديدة والتي تقوم سوني وبعض الشركات الأخرى بتصنيعها ولكن هذه الشاشات ليس منتشرة بشكل كبير بسبب تكليفتها العالية. 4k في لغة الكمبيوتر تعني 4 Kilo Bytes اي 4 * 1024 وتساوي 4096 Byte
و العرض الحالي لكثير من الاجهزه هي 1080P وهي 1920×1080 وتساوي 1.977 Mega Pixels
وفي اجهزه 4k ستصبح 3072 ×4096 أو 12 MP. أي أن الدقة هي ستة أضعاف أعلى دقة يمكن الحصول عليها من تقنية 1080بي
[YOUTUBE]https://www.youtube.com/watch?v=UHNUjHfYmoQ[/YOUTUBE]

[احمد صلاح]

https://www.youtube.com/watch?v=UHNUjHfYmoQ