[ABU Hamza]

بعد بحث فى دبى لقيت توكيل دريم ملتميديا

كلمت ابن صاحب المكان قالى دا التوكيل الوحيد فى افريقيا و الشرق الاوسط

ولقيت كل حاجه هناك انفرتو

وموقعهم اهو http://www.dmm-tv.com/products/?categoryid=lnbs

هل دى فعلا القطع الاصليه انا اشتريت نوعين

اللى بــ25 درهم انفرتو بلاك الترا ورقهما فى الموقع 5203

واشتريت كمان القطعه اللى مفروض اسمها انفرتو بلاك برو لكن هيا اسمها انفرتو بلاك الترا برده ورقمها فى الموقع 5224 معاها المثلث والفيد الهريون
ثمنها 60 درهم كامله

اللى شاغلنى ان المفروض ينكتب عليها انفرتو بلاك برو مش الترا

هل دى الاصليه وغيرم الاسم

ولا الشركه دى ايه نظامها دا توكيل على مستوى جامد انا شايف ان كله حاجه اصلى

بس حبيت اتأكد

والراجل اكد عليا هناك ان لا يوجد اى توكيل فى افريقيا والشرق الاوسط الا دريم ملتميديا فى دبى

حد يترجملنا ويطمنا

وعلى فكره اشتريت كمان من هناك الاتى

قطعه ستار جولد فوجى الحديد
وقطعه ستار جولد فوجى البلاستك البيضه
وقطعه سانتش الاصليه
وكام قطعه ستار جولد عاديه
وكام دايسك 1x4
ودايسك 1x8
وقطعه c باند ستار جولد 17K
وقطعه c باند و KU باند بفيد زى بتاعت زمان ايام البلايزر بس دى مجنتك شكلها جامده جدا

هعملكم موضوع بالصور وقت تانى ولو حد عايز يشوف قطعه معينه هرفع صورتها
هعمل موضوع علشان تقيمولى اركب انهى وحده

واحد يقولى كل دى قطع هقوله من حلاوة الحجات هناك والحجات الاصليه اللى مبنشوفهاش فى مصر عمال اشترى من غير ما احس

انا عندى طبق بريفكس 180 وموقعى المنصوره عايز برده حد يحددلى احلا قطعه اركبها واللى هيفيدنى هديله واحده هديه هههههههه


تم اضافة الصوره

ستار جولد فوجى حديد


ستار جولد فوجى بلاستك


السانتش


الانفرتو بلاك التر الجديده كامله بالفيد والمثلث


الانفرتو بلاك الترا المعروفه الجديده ايضا


دى القطعه السى 17 CK


دى القطعه السى والكيو شكلها جامدة 17 CK

دى الديسكات

[alamogy]

المشكله هتدخل الحاجات دى كلها ازاى مصر؟
انت عندك شركه؟
وعلى فكره حسب قوانين المنتدى ممنوع تحط اسم ورابط لاى شركه زى مانت عامل كده
فياريت تعدل الموضوع لحسن تسبب لنفسك مشاكل
وبعدين كلمت ابن صاحب الشركه ازاى؟
وهو ابن صاحب الشركه اللى بيرد على التليفونات؟

[v i p]

السعر غير ممنوع
ممنوع العناوين او اصحاب المحلات داخل مصر
اماالراجل بيتكلم عن دبي ياخد راحته ويقول كل شئ
وربنا معاه بالجمارك ال خارج وداخل واكلة
الافضل تصور ال اشتريته بالموضوع
ومبروك عليك
ممكن يفيدك
http://www.masrawysat.com/vb/showthread.php?t=1887694

[ABU Hamza]

والله انا كلمت ابن صاحب المكان على حسب ما فهمت منه وكلهم هناك بيتكلمو انجليزى الا الراجل دا كان بيتكلم عربى بس دى مش مشكلتنا

واسم الموقع معتقدش انه ممنوع دا توكيل



انا لقيت مشاركه لاخ زميل بيقول الرساله من موقع دريم ملتميديا واظاهر معتش فعلا برو ودا النظام الجديد المشاركه كأتى

المشاركة الأصلية كتبت بواسطة اشرف محمود سيد

هذه القطعة غير متوفرة حاليا للاسف لانه سيتم انتاج موديل جديدة مقوي للاشارة من هذه النوعية من اللواقط من عائلة بلاك الترا ولهذا السبب ننتظر الموديل الجديد المتوقع خلال شهران .

Best Regards - DMM Sales Team.
________________
DREAM Multimedia LLC
Dubai - United Arab Emirates P.O.Box 87766
Deira , Naif , 25 ST - Baghlaf Building
Showroom no:46 - Service Center no:10
opposite Naif Bazar Center
Tel: +971 4 2277448
Fax: +971 4 2243347
http://www.dmm-tv.com

[ainhours]

المشاركة الأصلية كتبت بواسطة alamogy

المشكله هتدخل الحاجات دى كلها ازاى مصر؟
انت عندك شركه؟
وعلى فكره حسب قوانين المنتدى ممنوع تحط اسم ورابط لاى شركه زى مانت عامل كده
فياريت تعدل الموضوع لحسن تسبب لنفسك مشاكل
وبعدين كلمت ابن صاحب الشركه ازاى؟
وهو ابن صاحب الشركه اللى بيرد على التليفونات؟

اخ موجى انا بلاحظ ان اى حد فى المنتدى يتكلم عن اى عدسه انفرتو تدخل وتعترض ازاى جبتها دى مش اصليه دى فيها مشكله ومشفتش مره بتقول دى تمام الراجل ايا كان مصدره بيقول ياجماعه جبت كذا وكذا وهيعمل موضوع الواجب علينا بقى الله ينور مستنين النتايج حاجات من دى لكن مش هتخش ازاى هو بيدخل مخدرات ما يدفع الجمرك ويخلص انا دخلت 30 كامه فياكسيس من المطار ودفعنى 1400 جنيه جمرك مش بقى هو صاحب الشركه عندو ابن ايا كان دا مش الرد اللى يشجع ارجو تكون فهمت المقصد وشكرا لصاحب الموضوع وفى انتظار النتايج والله المستعان

[alamogy]

بصراحه مش مكتوب لو خارج مصر تكتب براحتك القوانين هيا القوانين ولا تتجزأ
احنا ننتظر رد المشرفين
وياريت تاخد بالك من موضوع الجمارك لانك مردتش على سؤالى
هتدخل الحاجات دى ازاى؟
انت عندك شركه؟

[alamogy]

يا اخ تامر دى قوانين بلدنا والعالم كله وانا بنصح الراجل وياريت تقولنا انت دخلت ال 30 كامه من غير مايكون عندك شركه ازاى؟
دفعت للمخلص يعنى؟
الله ينور ومستنين النتائج والراجل يغرق؟
مش كل واحد بيعرف يخلص نفسه ويدفع 1400 جنيه
الحاجات دى كلها اللى جايبها لا تساوى 1400 جنيه

[ainhours]

المشاركة الأصلية كتبت بواسطة ABU Hamza

والله انا كلمت ابن صاحب المكان على حسب ما فهمت منه وكلهم هناك بيتكلمو انجليزى الا الراجل دا كان بيتكلم عربى بس دى مش مشكلتنا

واسم الموقع معتقدش انه ممنوع دا توكيل



انا لقيت مشاركه لاخ زميل بيقول الرساله من موقع دريم ملتميديا واظاهر معتش فعلا برو ودا النظام الجديد المشاركه كأتى

نعم اخى الفاضل اسم صاحب التوكيل تونى وهو لبنانى الاصل وكل اللى شغالين عندو هنود بيتكلمو انجليزى وبعديين مبروك على القطع بس لو عندك طبق 240 كنت استقبلت اكتر بكتييير ومبرك تانى مره

[ainhours]

المشاركة الأصلية كتبت بواسطة alamogy

يا اخ تامر دى قوانين بلدنا والعالم كله وانا بنصح الراجل وياريت تقولنا انت دخلت ال 30 كامه من غير مايكون عندك شركه ازاى؟
دفعت للمخلص يعنى؟
الله ينور ومستنين النتائج والراجل يغرق؟
مش كل واحد بيعرف يخلص نفسه ويدفع 1400 جنيه
الحاجات دى كلها اللى جايبها لا تساوى 1400 جنيه

اخ موجى انا مش بقول كلام وخلاص ال30 كامه عامليين ايمها 3600 درهم زهما بيجمركو الحاجه بعد لما يشوفو قسيمه الشراء وكنت جايب الفيو سولو عدو الجهاز بس الكامات اتجمركت

[alamogy]

المشاركة الأصلية كتبت بواسطة ainhours

نعم اخى الفاضل اسم صاحب التوكيل تونى وهو لبنانى الاصل وكل اللى شغالين عندو هنود بيتكلمو انجليزى وبعديين مبروك على القطع بس لو عندك طبق 240 كنت استقبلت اكتر بكتييير ومبرك تانى مره

يا اخ تامر زى مابنتقد كلامى انا كمان من حقى انتقد كلامك
واحنا مالنا باسم صاحب الشركه اذا ان اسمه تونى او مايكل؟
وكمان مالنا باللى بيشتغلوا فى المحل
ومالنا بالتوكيل ده من الاساس؟
قوانين المنتدى لا تتجزأ ممنوع ذكر اى شىء يخص اسم او موقع اى شركه
سواء داخل او خارج مصر

[alamogy]

المشاركة الأصلية كتبت بواسطة ainhours

اخ موجى انا مش بقول كلام وخلاص ال30 كامه عامليين ايمها 3600 درهم زهما بيجمركو الحاجه بعد لما يشوفو قسيمه الشراء وكنت جايب الفيو سولو عدو الجهاز بس الكامات اتجمركت

صدقنى مش فاهم حاجه
عدو الجهاز ازاى؟من غير جمارك؟
ابسط شىء هيقولوا 30 كامه دول استعمال شخصى؟
هتقولهم لا
هيقولك طيب انت عندك شركه؟ وفين سجل المستوردين بتاع الشركه؟

[ainhours]

المشاركة الأصلية كتبت بواسطة alamogy

يا اخ تامر زى مابنتقد كلامى انا كمان من حقى انتقد كلامك
واحنا مالنا باسم صاحب الشركه اذا ان اسمه تونى او مايكل؟
وكمان مالنا باللى بيشتغلوا فى المحل
ومالنا بالتوكيل ده من الاساس؟
قوانين المنتدى لا تتجزأ ممنوع ذكر اى شىء يخص اسم او موقع اى شركه
سواء داخل او خارج مصر

ههههههههههههههه
يعنى انا لو جبت موقع دى اتش الامريكيه واسامى اللى شغليين فيها يبقى دعايه ولو دعايه اعملها للامارات مانا اعملها لمصر وعلى حسابى لقيادات المنتدى لو فى الانتاج دا هنا يا ريت احنا دايما بنبص تحت رجلينا اخ موجى الممنوع مرغوب وياريت نسيبنا من التفهات انا عارف المنتدى اللى انا داخل عليه ايه وايه اللى يصح وايه الللى ما يصحش رجاء خاص بلاش تعلق على اى واحد بيجيب حاجات من بره باعتراض دائم وشجع الناس زى ما بتتشجع من الناس وشكرا ليك ولصاحب الموضوع

[v i p]

ياعم موجي
مضيقها علي الاخر سيب الناس تاخد راحتها
انت ولا مستورد ولاتاجر ولاسافرت دبي هههههههه
ياعم سيبهم يتفاهمو مع بعض وبالنهاية ابقي احكم عليهم
خلي الراجل يفرح بشروته
والموضوع كدة حيخرج من صاحبه ال يريد المشورة وراي الاخوة

[ainhours]

المشاركة الأصلية كتبت بواسطة alamogy

صدقنى مش فاهم حاجه
عدو الجهاز ازاى؟من غير جمارك؟
ابسط شىء هيقولوا 30 كامه دول استعمال شخصى؟
هتقولهم لا
هيقولك طيب انت عندك شركه؟ وفين سجل المستوردين بتاع الشركه؟

ضحكت على امن المطار المصرى معروف بجباروته

[alamogy]

مين بس قالك انى مسفرتش دبى؟
انا يا اخى سافرت العالم ومعيا دلوقتى schengen visa يعنى اقدر ادخل بيها اى دوله من دول الاتحاد الاوروبى
والله ينور لصاحب الموضوع ومنتظرين النتائج والف مليون مبروك بس
ياريت تسال الاخ تونى ليه الارقام اللى على الانفرتو متغيره عن الانفرتو اللى جايه من الشركه بتاعه لوكسمبورج وبتتباع فى اوروبا
رقم 42 ده ليه؟
IDLB-SINL42-ULTRA-OPP
وايه الرقم ده؟
5203
اقسم بالله انا مكنتش عايز اتكلم بس انت دلوقتى اللى اجبرتنى
منتظرين الرد