[esmailahmed]

الاخوة الكرام .. السلام عليكم
عندي ريسيفر موصلة علي قطعة 1 مخرج وكمان عندي كارت دش بالكمبيوتر في غرفة اخري وكنت محتاج طريقة مجربة لتوصيل الاتنين علي نفس السلك وللعلم مش هوصل الاتنين في نفس التوقيت
وشكرا

[osmangoogle]

بص ياغالى أنا جربت طريقه ونجحت ولكن تأثر بها كارت الرسيفر قليلا فى قوة الإشاره
لو عندك دايزك قديم أو بايظ سواء اربعه منفذ أو اتنين هتفكه وتطلع البورده بتاعته وتلحم
طرف فى الخروج ويطلع منه فرعين على أى منفذين ومش هتحتاج تحديد منافذ لا فى الرسيفر ولا الكارت يعنى هيشتغل مباشر أى واحد منهم واحذر تشغيل الاتنين مع بعض إلا إذ كانت نفس الباقه أو القناه..تابع الصور وبالنسبه للفرع اللى هتوصل بيه ممكن ينفع قصدير لحام زى ما فى الصور..

[esmailahmed]

شكرا لحضرتك علي ردك الكريم
بس مافيش طريقة تاني غير الدايزك

[esmailahmed]

انت كده قصدك يا استاذنا ان الفكرة دى اقرب للمشترك

[osmangoogle]

مافيش غير الطريقه دى جربتها يعتبر زى المشترك زى ما قلت وممكن تجرب تاخد طرفين من السلك اللى نازل بس خد بالك لا يلحم فى بعضه

[esmailahmed]

طيب يا استاذنا انا وصلت سلك من مخرج الرسيفر الي مدخل كارت الدش
وانا عندي دايزك موصلة في الطبق عشان قطعة كيوباند واخري سي باند
المهم انه اشتغل تمام ولكن الاشارة ضعيفة جدا جدا
يعني عندي علي الرسيفر اشارة mbc قوتها 81 اما علي كارت الدش 54 بس
مافيش طريقة اعلي بيها الاشارة علي كارت الدش
ولا هو الديزك بيقلل الاشارة

[osmangoogle]

المشاركة الأصلية كتبت بواسطة esmailahmed

طيب يا استاذنا انا وصلت سلك من مخرج الرسيفر الي مدخل كارت الدش
وانا عندي دايزك موصلة في الطبق عشان قطعة كيوباند واخري سي باند
المهم انه اشتغل تمام ولكن الاشارة ضعيفة جدا جدا
يعني عندي علي الرسيفر اشارة mbc قوتها 81 اما علي كارت الدش 54 بس
مافيش طريقة اعلي بيها الاشارة علي كارت الدش
ولا هو الديزك بيقلل الاشارة

الطريقه دى جربتها قبل كده وفعلا الاشاره بتكون ضعيفه علشان عدم توافق توينر الرسيفر مع الكارت
والرسيفر بيسحب أكتر من الكارت فى الإشاره..
بس جرب بدون دايزك بصراحه ماجربتش من غير دايزك
علشان أربع أقمار..

[osmangoogle]

على فكره الكارت بيتأثر بالتجارب دى علشان كل جهاز استقبال يتخلف عن غيره فى الإشاره والباور والكارت أضعف الأجهزه فى الإستقبال ويفضل أن يكون مستقل عن غيره..