[AhmedMedhat93]

السلام عليكم
فى البداية أحب أوضح أنه مش تشويه سمعه حد لكني والله حابب أنشر الموضوع لسببين السبب الأول أني جبت تلفزيون توشيبيا HD من سنة 32 بوصة و باظ 5 مرات خلال السنة تخيلو حضراتكو ! و الصيانة مبترضاش تبعت حد يصلحه دة غير قله الذوق اللى بنشوفها منهم و أخر مرة رحت لهم أمبارح فى العباسيه مركز صيانة و كنت عاوز أغير التلفزيون بواحد جديد لأنه من الواضح أن فيه مشكلة كبيرة و غير قابلة للتصليح بيه و فؤجئت بناس كتير جدا بتشتكي من كافة منتجاتهم لكن اللى زعلني فعلا رغم قله ذوقهم و عدم أحترامهم للعملاء أن فيه ست كبيرة دخلت بتصرخ ( حرام عليكو التلاجة بتاعتي جايبه مياه من كل حته و الدنيا عندي غرقانة ) راح الأمن حاول يعتدي عليها ايوه يعتدي عليها واحد من الأمن مسكها و رجها و قالها ما تهدي يا ست!!! تخيلو جايبين بلطجية فى زى أمن و بيعتدي على ست كبيرة بتطلب حقها و لاحقا أنا لما لقيتهم مش عاوزين يغيرولى التلفزيون عملت مشاكل و طلعوني للمدير و اسمه مهندس حمدي و دار حوار كبير أوي ملخصه أنه مش عاوز يأذيني و بيقولي شايف يا ابني الراجل الامن اللى وراك دة كان ممكن يأذيك عشان اللى أنت عملته تحت و أنا شايفك على الكاميرات و قلت أنت زى ابني والله عشان كدة بقولك أهدا و بعدين أنا عميد سابق فى الجيش أو الشرطة مش فاكر و حتى معرفش ذكر ليه كدة بصراحة ! المهم قالي أنا مقدرش أعملك حاجة لكن هخليك تقابل مدير الصيانة و اسمه مهندس مدحت أحمد طب أنت جايبني عندك ليه أصلا ؟!! قابلت المهندس مدحت أحمد و حكيتله للمرة العشرين على اللى حصلي كله و قلت له مينفعش شركة محترمة زى العربي تعامل عملائها كدة و بعدين دة هيأثر على سمعتكم و أنا كنت ممكن أشتكي فى حماية المستهلك على فكرة راح قايلي بثقة كدة أحنا أكبر حجم مبيعات فى مصر و مشكلتك دى حالة شاذة عندنا بس عموما أحنا صلحنالك الجهاز و أن شاء الله أوعدك مش هيبوظ تاني بس روحت بيه انهاردة البيت و لقيته باظ تاني فى نفس اليوم رغم أنه كان شغال هناك !!


نصيحة متشتروش من العربي و الله ناس كتير بتشتكي منهم و مش حالتي بس و حتى واحد من الأمن بنفسه ذكر لي أنه كل يوم يحصل الحوار دة و تقريبا كدة متعودين دايما !!

[عرفه سوهاج]

اوافقك تماما اخى والله انا مشترى تلاجه وبرغم انها الاغلى فى السوق الاانها بها تسريب
وميه تنزل منها متعرفش منين
وخدمة العملاء 3 ايام علشان يعبروك والاخر مفيش سؤال ولا اى فنى جالك
حسبى الله ونعم الوكيل
وهذ سرد لواقع وليس تشويه من اى نوع وتحذير للكل من سوء معاملة مراكز الخدمه
وليس سوء المنتج او الجهاز نفسه

[dr_aymin]

هى دى مصر

[يوسف ابراهيم راضي]

وساعت الشراء يكون الكل فى خدمتك _عجبى

[DmgRoxx]

فعلا انا جبت برده شاشه 32 شاشه علقه وكنت مع ابويا وهو بيشتريها وعارف اناها مش قد كده وقولت لابويا نجيب LG او سامسونج الراجل البيعبيع ثبته وقاله 5 سنين ضمان وبتاع وطبعا ابويا ميفهمش فى الكلام ده سمع 5 سنين مسك فيها روحنا شاف حاجات فيها وصورتها مش زى ال LG وخصوصا الدش المركزى صورتها زى الزفت مع ان كان عندى LG وتلفزيون عادى مش شاشه والصوره كانت مرايه رحنا تانى يوم للراجل قال مفيش ترجيع لو الشاشه مش شغاله هودهالك الضمان غير كده متترجعش وكان لسه اللزق عليها وكل حاجتها موجوده وبرده مرضاش ت قلناله هنشترى نوع تانى مش هناخد الفلوس يعنى ولو حتى فيه فرق برضه مرضاش ومن سعتها مش طايق الشركه دى بالفيها
مش هقولك الشاشه وحشه بس التفزيون العادى وربنا صورته احلى منها هى افضل فقط فى القنوات ال HD غير كده SD او الوصله سئ وعايزه الحرق و LG تكسحها وفكك من حوار الضمان لان مفيش حد فيهم بيعمل حاجه

[hazzuma]

أى حاجة مصرى أو حتى تقفيل مصرى،تبعد عنها على طول،قلبى عندكوا،والحل فى جهاز حماية المستهلك،يفضل يكون معاك فاتورة،تحياتى

[يوسف ابراهيم راضي]

المشاركة الأصلية كتبت بواسطة hazzuma

أى حاجة مصرى أو حتى تقفيل مصرى،تبعد عنها على طول،قلبى عندكوا،والحل فى جهاز حماية المستهلك،يفضل يكون معاك فاتورة،تحياتى

كلام مظبوط

[LOVERBOY]

للاسف انا كواحد من المصريين بقول المصريين فيهم ناس كتير معندهاش ضمير
والازمه اللى احنا فيها ازمة اخلاق والله ازمة اخلاق

[NOOR SAT]

بتوع توشيبا مايعرفوش ان موضوع زى ده فى اكبر منتدى مصرى وعربي هيشوفه الاف من العملاء كان ممكن يروحولهم .. توشيبا كان كل سمعتها ايام زمان حوار اليابانى .. دلوقتى زيها زى الصينى

[عماد شعبان ر]

بالفعل شركه زباله ابعدو عنها احسن

[احمدسيدعباس]

طيب وبالنسبه للتكييفات بيقولو احسن نوع شارب وطبعا شارب تبع العربي جروب اللي هيا توشيبا يعني الواحد كان ناوي يجيب واحد تنصحوني بايه غير شارب بقي

[shrifstar84]

اضيف ليكو كمان الماركات الصينى اللى غرقو بيها السوق ذى تورنادو وtcl وغيرها من الماركات اللى الناس بتشترى فيها بسعر اليابانى لمجرد وجود ماركة العربى على المنتج فبنبه كل الناس خل بالك عند الشراء ليست كلمة العربى يعنى المنتج توشيبا او يابانى وانما الماركه زى توشيبا او شارب يكون على المنتج نفسه

[احمد خميس شيحة]

حسبي الله ونعم الوكيل في كل الحرامية

[gameyking]

عامليين شاشه اسمها تورنادو 48بوصه وكاتبيت عليها ليد اقسم بالله التلفزيون احسن منها انا كا فني ابصم بالعشره سامسونج رقم واحد
انا اشتريت شاشه سامسون لذبون في محل عصير قصب والعمال وهما بيغسلو الحيط رشو مياه عليه كلموني ومارضيوش يقلولي علي المياه اتصلت بالخدمه والله جاني بعد ساعه ونص وبص عليها وجابلي ((ميه))) من جوه الشاشه وقالي هاخد منك 100 جنيه حق المشوار بس وغير الشاشه في نصف ساعه وعطاني ضمان سنه
وهي دي خدمه العملاء

[محمد الاسكندرانى 2]

اوافقك تماما اخى الغالى انا مشترى تلاجه وصلحتها
فوق 5 مرات والله ومفيش فايده فيها
تسريب ومش بتسقع نهائي
شركه نصابه حسبي الله ونعم الوكيل فيهم