[oteote2010]

السلام عليكم ورحمه الله وبركاته
مواقع التسوق علي الانترنت سوق مفتوح والاسعار فيه جميله جدا لكن المشكله انك تكون فريسه نصب

انا كل تجربتي في الشراء من الانترنت وبعد تردد طويل كانت عن طريق موقع سوق وهو له فرع في مصر وفي ناس كتير جربته \ وكانت تجربه ناجحه عن طريق شركة شحن اراميكس واللي تكلفة الشحن فيها مش مكلفه اوي

السؤال بقي ان في مواقع اجنبيه كتير ومنها مواقع مشهوره جدا عاوز اشتري منها حاجه مثلا زي الستلايت فيندر ده سعره حوالي 9 دولار علي موقع امازون
http://www.amazon.com/Lava-Electroni...otor+satellite
او ده مثلا اللي سعره 2 دولار علي ما اظن
http://www.amazon.com/gp/product/B00...?ie=UTF8&psc=1
ايه الاجرائات اللي هاتتم في عملية الشحن وهل هاوجه مشكله في الجمارك بالنسبه للجهاز
وايه اسهل طريقه وتنصحوني اجرب ولا لاء خصوصا اني ناوي اشتري حاجه تانيه بس عاوز اجرب في حاجه بسيطه

[abomody]

ياباشا الجهاز دة موجود فى مصر وسعرة حوالى 100 جنية

[oteote2010]

تمام اوي موجود فين بالسعر ده؟.. ودلوقتي انا الهدف الاساسي اني عاوز اشتري الموتور ده
Diseqc 1.2 Motor

[oteote2010]

؟ايه الاخبار ؟

[عماد رياض]

المشاركة الأصلية كتبت بواسطة oteote2010

تمام اوي موجود فين بالسعر ده؟.. ودلوقتي انا الهدف الاساسي اني عاوز اشتري الموتور ده
Diseqc 1.2 Motor

اخى الفاضل عليك بنزول الى باب اللوق يوجد هناك جميع منتجات الدش من الابرة الى الصاروخ

[oteote2010]

هجرب انزل باب اللوق فعلا - وفي كمان مكان افضل منه فيه اجهزة الدش جمله هاشوف هناك برده

[oteote2010]

مالقتش في باب اللوق ولا الستلايت فيندر ولا الموتور دايزك

[abomody]

الستالايت فيندر فى باب اللوق
بس غير اللى انت حاطط اللينك بتاعة خالص
وسعرة فى حدود 1600 جنية
يزيد او يقل حاجة بسيطةعلى حسب

[mohamed sokar]

الستالايت فيندر موجود فى اسكندريه ب 150 جنيه انا لسه شاريه (اللى موجود فى الصوره)
لكن الجهاز التانى اللى فيه ريسيفر ب 1500 جنيه

[ابراهيم الاهلاوى]

حضرتك للأسف الناس اللي ردوا سابوا صلب الموضوع ومسكوا في الفرعيات الراجل بيسأل لو هو اشتري حاجة من برة الجمارك و كدة أخبارها ايه ....
المهم انا هاجوبك من خبرتي المعدومة =D , بص يا سيدي امازون مش بتعمل شحن خارج امريكا تمام لكن بتشحن لمصر ازاي في شركات بتعملك صندوق بريدي وهمي في امريكا بيجي عليها الطلبية بتاعتك تقوم الشركات دي تاخدها و توصلها ليك . طبعا الشركات دي مضمونة 100 % لانها عمل رسمي و الصراحة يعني لو الواحد جاب اي جهاز الكتروني من برة هايبقي افضل بكتير من هنا انا مش بتكلم علي Satellite finder او خلافه . انا بتكلم عامة وياريت اكون افادتك و السلام عليكم

تعديل : و يا سلام بقي لو تنقي حاجتاك كلها اللي عايزها و تشحنها مرة واحدة هاتبقي حاجة عنب =D :V :V

[SHERIF RIZK]

حضرتك انا ممكن اجاوب حضرتك وعن خبرات كثيرة
فى خدمة بتقدمها ارامكس اسمها شوب ان شيب
ودى بتدى لحضرتك 14 عنوان فى 14 دولة حول العالم تقدر حضرتك تستخدمهم فى الشراء من الانترنت وهو بيستلموا الشحنة ويوصلوها حتي باب بيتك مقابل مصاريف شحن ومصاريف لتخليص الشحنة من الجمارك
لو حضرتك عايز تعرف تفاصيل اكتر ممكن تزور موقعهم هنا