[forzaredz]

السلام عليكم
النهاردة ركبت شاشة تليفزيون LG 42 LF 6500
التليفزيون Full HD والريسيفر عندي Hd Comix999 ..لكن لاني مش عندي وصلة HDMI فركبت الوصلات العادية ..
في الاول حولت الصورة من hdmi ل av
لكن صورة الشاشة سيئة جدا حاسسها مهزوزة وبطيئة ومنغبشة كدة.
غيرتها من حيوي لقياسي (Standard) لكن برضه مفيش جديد.
فهل ده طبيعي بسبب الوصلات السيئة او ان فيه اعدادات معينة المفروض اغيرها في التليفزيون ؟
وهل كابل ال HDMI بيفرق في الصورة مع القنوات العادية ولا هو بس بيفرق مع قنوات ال HD ؟

[بودى سات]

كابل ال HDMI بيفرق في الصورة

[hazzuma]

الحلول بالترتيب :
جرب على قناة HD
جرب تغير الكابل
جرب بجهاز ريسيفر أخر من ماركة أكبر
جدير بالذكر ان هذا الإصدار من الشاشة،أشاد به الكثير من زملائنا بالمنتدى،تحياتى

[zendo]

ريسفرالكيوماكس hd بالذات يا غالى عامل مشاكل مع شاشات ال جى سمارت وثرى دى جرب ريسفر تانى وانشاء الله هتشتغل معاك كويس او خلى الاعدادات من الريسيفر 1080i

[forzaredz]

hazzuma
وأنا فعلا اشتريتها لاني عرفت انها شاشة محترمة وفضلتها علي شاشة تانية 50 بوصة للسبب ده ..
جربت قناة HD بس برضه الفرق طفيف جدا ..
ياريت لو تقوللي علي ريسيفر full hd محترم او ترشحلي اكتر من واحد

[forzaredz]

zendo
لما عدلت الاعدادات في الريسيفر ل 1080 القنوات العادية بقت صورتها اسوأ
والريسيفر عندي كومكس Comix مش كيوماكس Qmax
وغالبا هغيره برضه :D

[forzaredz]

وياريت حد يقوللي علي افضل اعدادات للتلفيزيون نفسه والريسيفر كمان عشان اوصل لافضل صورة ممكنة

[hazzuma]

المشاركة الأصلية كتبت بواسطة forzaredz

hazzuma
ياريت لو تقوللي علي ريسيفر full hd محترم او ترشحلي اكتر من واحد

مفيش ريسيفرات محترمة فى السوق للأسف،كلها من أم 300 جنيه،لكن الماركات المحترمة غالية،زى الدريم بوكس و الفيوبلص،ودول مش موجودين بكثرة بالسوق المصرى،لأنه محدش بيشتريها،زى الحاجات الشعبية،كالكيوماكس،،،عموما،حاول تجيب ريسيفر من حد تانى من أصدقائك او جيرانك،وليكن ترومان بريمير بلص،أو ستار سات،تجرب بيه،الى جانب تغيير كابل Hd,لعل وعسى،طب هل جربت الأوديو فيديو مثلا ووجدت فرق بجودة الصورة؟،،،تحياتى

[forzaredz]

المشاركة الأصلية كتبت بواسطة hazzuma

مفيش ريسيفرات محترمة فى السوق للأسف،كلها من أم 300 جنيه،لكن الماركات المحترمة غالية،زى الدريم بوكس و الفيوبلص،ودول مش موجودين بكثرة بالسوق المصرى،لأنه محدش بيشتريها،زى الحاجات الشعبية،كالكيوماكس،،،عموما،حاول تجيب ريسيفر من حد تانى من أصدقائك او جيرانك،وليكن ترومان بريمير بلص،أو ستار سات،تجرب بيه،الى جانب تغيير كابل Hd,لعل وعسى،طب هل جربت الأوديو فيديو مثلا ووجدت فرق بجودة الصورة؟،،،تحياتى

ماجربتش والله يا كبير بس عامة هغير الكابل لعل وعسي يتحسن
واسف علي تعبك معايا

[jetlin]

أخي الكريم
اريد منك التأكد من شيء
اذا كان لديك اهتزاز بالصوره كما فهمت
لو هذا الاهتزاز عباره عن خطوط بالعرض مثلآ زي ما تكون جايب
موبيل وحد اتصل بيبان خطوط بالشاشه
اذا كان كذلك
تأكد ان الشاشه بها عيب مصنعي
فقط تأكد

[hazzuma]

المشاركة الأصلية كتبت بواسطة forzaredz

واسف علي تعبك معايا

ماتئولش كدة

[megahed]

اخي الغالي اولا مبرووك علي الشاشه لانها فعلا محترمه جدا وشاشه جميله فعلا انا لسه مشتريها من شهر ومبسوط اني حطيت فلوسي في حاجه كويسه ثانيا الشاشه صورتها جميله جدا ورائعه علي رسيفر ستار سات هايبر بكابل HDMI وجربت عليها معظم قنوات HD علي النيل سات والاوربي وكلها ما شاء الله رووعه فحاول فعلا زي ما الاخوه الافاضل ما قالوا غير الكابل اولا وبعدين شوف رسيفر اخر ماركه كويسه وبردو شوف الاعدادات لانها بتفرق بردو وعايز اقولك علي حاجه لو في فعلا اي خطول بالعرض او الطول في قلب مساحه الشاشه مش الحواف يبقي في مشكله في الشاشه فعلا ويارب اكون مخطئ في العيب لاني عمري ما اتنمي ليك كده
وتحياتي لك اخي الغالي

[bobos2110]

طيب ايه رايكم في صوره جهاز بين سبورت هيوماكس١٠٠٠او حد جرب هيوماكس ٣٠٣٠

[فريد أحمد]

المشاركة الأصلية كتبت بواسطة megahed

اخي الغالي اولا مبرووك علي الشاشه لانها فعلا محترمه جدا وشاشه جميله فعلا انا لسه مشتريها من شهر ومبسوط اني حطيت فلوسي في حاجه كويسه ثانيا الشاشه صورتها جميله جدا ورائعه علي رسيفر ستار سات هايبر بكابل HDMI وجربت عليها معظم قنوات HD علي النيل سات والاوربي وكلها ما شاء الله رووعه فحاول فعلا زي ما الاخوه الافاضل ما قالوا غير الكابل اولا وبعدين شوف رسيفر اخر ماركه كويسه وبردو شوف الاعدادات لانها بتفرق بردو وعايز اقولك علي حاجه لو في فعلا اي خطول بالعرض او الطول في قلب مساحه الشاشه مش الحواف يبقي في مشكله في الشاشه فعلا ويارب اكون مخطئ في العيب لاني عمري ما اتنمي ليك كده
وتحياتي لك اخي الغالي

لو سمحت يا غالي اكتب الاعدادات الصحيحة للشاشة و الرسيفر للالوان ووالوضوح

[megahed]

المشاركة الأصلية كتبت بواسطة فريد أحمد

لو سمحت يا غالي اكتب الاعدادات الصحيحة للشاشة و الرسيفر للالوان ووالوضوح

الاعدادات عندي الاضاءه 80 الوضوح 70 والالوان 65 والحده 30 وطبعا بتختلف حسب راحتك انت في الصوره عايزه فاتحه غامقه والرسيفر الاضاءه 60 والوضوح 50 والالوان زي ما هي متغيرش فيها حاجه دي بصراحه افضل اعدادات للشاشه عندي مع الرسيفر